Samayeli2 14:19 - LAWA A BOO SONBORE

¹⁹ Kii tɔ́n pɛ nɛ: «Zoabu din bie n diɛ sii kɛ lɛ tumaa a zɛnaa ganaa wa le?» Lɔ lɛ ná a lɛ si: «Maa dɛnaagiĩ kii, ma laanka Lawa nɛ, boo kɔn din ba n wɔ la kuri wa. Sonbore ne. N din a dí-nyali Zoabu na á masɛ dia. Ma doamaa bɛ́ nɛ ma boo mɛn da, a din na a bɛ tumaa pɛ masɛ nɛ.

LAWA A BOO SONBORE 2011

¹⁹ Kii tɔ́n pɛ nɛ: «Zoabu din bie n diɛ sii kɛ lɛ tumaa a zɛnaa ganaa wa le?» Lɔ lɛ ná a lɛ si: «Maa dɛnaagiĩ kii, ma laanka Lawa nɛ, boo kɔn din ba n wɔ la kuri wa. Sonbore ne. N din a dí-nyali Zoabu na á masɛ dia. Ma doamaa bɛ́ nɛ ma boo mɛn da, a din na a bɛ tumaa pɛ masɛ nɛ.

Samayeli2 14:19 ပူးပေါင်းရင်းမြစ်များ

Samayeli2 11:11

Urii mà Davida ganaa: «Lawa a *lɛ kɔ kɔn la ǹ goo kɛ nɛ, Izirayeli minin laanka Zudaa minin ni, bɛn giã ǹ bǎã kɔsɔ banban á kiɛ̃ mɔnaa kion kɛ la wa. Maa dɛnaagiĩ Zoabu laanka a kiodɛnan man diə gole kɛ nɛ. Masɛ n yui ma wo piɛ kəni ma màn bii, ma maǹ mi, ma giã kun ka maa lɔ nɛ? A n din yii toa koo, n nə́ tɔn fɔfoã sii, masɛ a bɛa sii kɛ miã zɛnɛɛ wa.»

Samayeli2 14:18

Kii ná a lɛ si á pɛ nɛ: «Bɛ̀ masɛ nɔ̀n da n la, n nyan toa n sii kɔn duru ma la wa dɛ!» Lɔ lɛ tɔ́n pɛ nɛ: «Maa dɛnaagiĩ kii, yǎa n din bǐɛ̃ kɔ n boo da.»

Samayeli2 14:3

Bɛ kio, wo dɔ kii lɛ li, n boo da nɛ kɛnɛn.» A doamaa bɛ́ nɛ a boo mɛn da, Zoabu bɛ da á wɔ a lɛ-n.

Samayeli2 18:13

Ka bɛ din ni, bɛ̀ masɛ n má dɛ, sii kɔn bɛ́ a ba n duri kii la wa. Bɛ̀ n dinmaa kɛ lɛ dɔ n die n sɔlɛɛ n nə n bɔ ma li.

Samayeli2 3:27

Abnɛɛrɛ bɛ́ á n bɔyaa á daa Ebrɔn, Zoabu kũ á woo-n tìãlɛ-a, kiwi lɛ a kiɛnlɛ-a. Á n baa ka a n boo diɛ nɛ ka durii ni. Á dɛ a nɔ̀ ganaa walan á gã, á ǹ dɔɔ̃ngiĩ Azayeli a gɛ̀ dòo bɔ a ganaa.

Samayeli2 3:29

A gɛ̀ lɛ a koen nə kũ Zoabu din laanka a kion minin tumaa mìi ni. Giulun a nyiǹ bɔ ǹ busudɛnan laanka gɔ̀nɔn ki busu babaraa dɛnan baran nya Zoabu a kion duduu wa. Giĩn die ǹ yɛ a kion biikoo tumaa li, ǹ nə́ boe lɔn dí dinsɔɔ̃ la. Minin die ǹ yɛ a kion biikoo tumaa li, ǹ nə́ bɛn dii zia la, kɛn nə́ foɛ̃ màn-bii li.»

Samayeli2 3:34

N gɔnɔn bie ǹ nə́ goã yii-n wa, ǹ bie ǹ nə́ n gòãn kaa fɔlɔ biɛ-n wa. Sɛnɛ, ń ke ń mɛnaa, ka min baraan bɛ́ min dii ǹ da tán lɔn. Zaman lɛ tumaa wusoo á wuu pɛ Abnɛɛrɛ la doo.

Kiin2 2:2

Yilii pɛ Yiliizee ne: «Bǐɛ̃ kɔ n golee kànaa, a giala Dɛnaa Lawa n ma diɛ yǎa Betɛli kiwi.» Yiliizee ná a lɛ si kɛnɛn: «N bɛ́ nə n tan, Dɛnaa Lawa Yiikoonaa lɛ tɔ nɛ, ma ba n niɛ̃ n ganaa wa.» Ǹ nə́ tɔ́n kiɛ̃, ǹ nə́ woo Betɛli.

Bɔ bɛ̀rɛbaa nɛ 4:15

Boon lɛn pɛ nɛ, n nə ǹ wɔ a lɛ-n. Ma dinmaa tá kun n lɛ nɛ, kun ka a dɔ wɔ nɛ. Ka doamaa bɛ́ ka màn mɛn zɛnaa, ma á re bɛ nyɛɛ ka nɛ.

Suusun 25:2

Dɛnaa Lawa a sii zɛnaa ka durii-n na a tɔ guguru koe. Sii duriin doɛ̃ n tɔ koe kiin la.

Suusun 4:27

N nyan wo n gusin hinlaa n gɔsɛ wa. N wɔlɔ lui sii baraa ganaa.

Minin nimi 20:17

A toa kəni, wɔsɛn nə da bɔ n gána nɛ wɔ kiɛ̃. Wɔ ba re boe wuru gɔ́ɔ̃-n wa, wɔ ba re boe rezɛ̃ da wuru gɔ́ɔ̃-n wa, wɔ ba re tù mu mii wa. Wɔ n die koe zii gole kɛ lɛ wɔ kiɛ̃, wɔ́ n wɔ a kanɛɛ gusin hinlaa gɔsɛ wa, yǎa wɔ kiɛ̃ wɔ n boe n tán la.»

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Timəə dí-pɛn 28:14

Ma bɛ́ n gɔn wɛɛ ka nɛ ka boon mɛnɛn tumaa-n pelo, ka nyan kanaa ka n bɔ bɛn kio, ka wo gusin hinlaa gɔsɛ, ka kiɛ̃ lawa kɔsɔn kio, mà ka n dí nyɛɛ bɛn man wa.

Timəə dí-pɛn 5:32

Haya! Kaa Lawa, Dɛnaa Lawa lɛ nə n gɔn waa ka-n lɔn, ka zɛnaa a kɔnpɛ ka bɛ nɛ. Ka nyan kanaa ka wo gusin wa, ka nyan wo gɔsɛ wa.

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Samayeli1 1:26

Bɛ kio, Anɛɛ pɛ: «Maa dɛnaagiĩ ganaa. Nɔ̀n-diɛ din ba a-n wa, lɔ mɛn nə́ goã giɛ̃ n genli kànaa bɛ̀ a Dɛnaa Lawa nyankɔ masɛ din ni.

Samayeli1 17:55

Sayulu bɛ́ á goã á Davida yɛ woe Filisiti min lɛ gialaa, a na á goã á pɛ sɔraasin goledɛnaa Abnɛɛrɛ nɛ: «Abnɛɛrɛ ganaa, nɛginin kɛ n die a nɛ lɛa?» Abnɛɛrɛ tɔ́n pɛ: «E kii ganaa, taãn mà a n pɛ, maa doɛ̃ wa.»

Samayeli1 20:3

Davida nə́ n liɛ á pɛ doo: «Zonaatan n di lɛ tá doɛ̃ taãn-taãnɛ, mà maa sii á kaka n gɔn. N di lɛ á maa á pɛ a gɔ́ɔ̃ nɛ, mà Zonaatan ba siĩni a bɔ kɛ siére-a wa, màn mɛn bɛ́ toɛ, a foo baran busu wa. Sɛnɛ, Dɛnaa Lawa yii á koo, n dɔ yii á tɔn koo. Bɛa liere banban. Gɛ̀ gɔn dɔ masɛ ganaa á nya.»

Samayeli1 25:26

Dɛnaa Lawa din nə n kurəə, n baran dòo bɔ n zɔ́ɔn ganaa, n nə ǹ dɛ wa. Sisia, Dɛnaa Lawa Yiikoonaa tɔ lɛ taman yii, masɛ n pii n ni, máa n zɔ́ɔn laanka min mɛnɛn yii tumaa bɛ́ giɛ mà ǹ sii baraa zɛnaa n nɛ, dɔlɔ tá re n boe ǹ ganaa ka Naabaali wɔ bɛ́ lɔn.