Samayeli1 30:1 - LAWA A BOO SONBORE

¹ Lɛawaa sɔɔ bɛ kio, Davida laanka a minin nə́ dɔ Siklagi kiwi. Bɛ́ dɔ daa yaa, bɛ̀ Amalɛki tɔrɔn nə́ daa soo Zudaa gána a gusin a lɛ̀gɔn la, ǹ nə́ kɔ Siklagi kiwi lɛ ka zia nɛ. Ǹ nə́ bɔ̀n da a ganaa, ǹ nə́ tɛ da a ganaa.

LAWA A BOO SONBORE 2011

¹ Lɛawaa sɔɔ bɛ kio, Davida laanka a minin nə́ dɔ Siklagi kiwi. Bɛ́ dɔ daa yaa, bɛ̀ Amalɛki tɔrɔn nə́ daa soo Zudaa gána a gusin a lɛ̀gɔn la, ǹ nə́ kɔ Siklagi kiwi lɛ ka zia nɛ. Ǹ nə́ bɔ̀n da a ganaa, ǹ nə́ tɛ da a ganaa.

Samayeli1 30:1 ပူးပေါင်းရင်းမြစ်များ

Siin Giala 24:62

Izaaki yoo á n bɔ Lahayi-Royi Tù lɛ-a. A na á goã giã-n gusin a lɛ̀gɔn la.

Samayeli2 1:1

Sayulu a gɛ̀ kio ne, Davida nə́ n bɔyaa á daa giã Siklagi kiwi lɛawaa paa. Bɛ á zɛnɛɛ, bɛ̀ á Amalɛki tɔrɔn kɛn dɛ.

Samayeli2 1:2

A lɛawaa sɔɔbaa ǹ wɔ pinaa, bɛ̀ giĩ goon nə́ ke boe Sayulu li, ziabaa ǹ bǎã nɛ die. A mɔnaan tumaa na á goã pɔpɔsiɛ nɛ, a mìi yii n tii lɛa. A bɛ́ á daa á dɔ Davida li, á na á kaa tán, á n mìi zuməə tán.

Samayeli2 1:8

Á nɔ̀n da ma la: «Die-n ka nsɛ nɛ?» Má tɔ́n pɛ nɛ máa man Amalɛki tɔrɔ lɛa.

Samayeli2 15:18

A dí-nyalin lɛn tumaa daa a li: Kerɛti minin tumaa ka Pelɛti minin tumaa nɛ. Gaati minin kɛn dɔn tumaa, min biɛsɔrɔ (600), ǹ nə́ bɔ Gaati ǹ nə́ daa a kio, bɛn nə́ mɛ kii lɛ nyɛɛnɛ.

KZS1 12:21

Davida bɛ́ wusii woe Siklagi ǹ mɛn waáraa, Manaasee tɔrɔn lɛn man nə́ woo kaa kun ni bɛa biikoo li. Ǹ dɛnan tɔn nə́ ke: Adnaa nɛ, Zozabaadi ni, Yediayeli ni, Mikayeli ni, Zozabaadi ni, Eliwu laanka Siletayii ni. Bɛa minin kɛn lɛn man zia-baali duu goon mìilandɛnan lɛa Manaasee tɔrɔn lɛn bii.

KZS1 12:22

Ǹ dinin lɛn man nə́ n dɔ Davida laanka a zia-baalin lɛn lɛ, a giala ǹ tumaa na á goã giĩ foo taãnaan lɛa. Bɛ lɛ n ke ǹ nə́ Davida a zia-baalin lɛn mìilandɛnan baa.

Zeremii 41:12

Ǹ nə́ ǹ sɔraasin tumaa sɔkɔn, màn mɛn bɛ́ toɛ ǹ wo a gialaa. Ǹ nə́ dɔ a ganaa Gabawɔ̃ a pɛrɛ gole kɛ lɛ-a.

Zozoe 11:6

Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, biɛ̃ kɛnɛn yoroo, ma á re ǹ tumaa dii ma ǹ kɔ Izirayeli minin lɛn la. N die n nə ǹ sùin lɛn pere biɛn kukuru, n tɛ da ǹ ziabaa ǹ wotoron lɛn ganaa.»

Zozoe 15:31

Siklagi, Madmanaa, Sansanaa,

Samayeli1 15:7

A saa Awiilaa kiwi ganaa, a wo kaa Suurun lalaa lɛ-a lɛ, Ezipti gána a lɛ̀giala gɔn la, Sayulu Amalɛki tɔrɔn dɛ á boo ǹ la.

Samayeli1 15:8

Á Amalɛki tɔrɔn kii Agaagi kũ a yii n koo, á zaman lɛ tumaa dɛ lenlen.

Samayeli1 27:6

A din pinaa lɛ nɛ, Akiisi, Siiklagi kiwi kɔ la. Bɛ lɛ nɛ, Siiklagi nə́ n baa Zudaa kiin wɔ lɛa a da kaa pelo lɛ.

Samayeli1 29:10

A bɛ́ miɛ̃, n die n yoo baayɛlɛ yiisoone, kun ka n dɛnaagiĩ a dí-nyalin mɛnɛn nə da kunun n ni. Bɛ̀ lɛ̀ waa lɔn gɔrɔ, n yoo baayɛlɛ yiisoone ǹ woo.»

Samayeli1 29:11

Lɛ̀ waa lɔn, Davida yoo baayɛlɛ yiisoone kun ka a minin ni, ǹ nə́ n bɔyaa ǹ nə́ woo Filisiti minin gána nɛ. Filisiti minin lɛn sɛn nə́ woo Zizereyɛli.

Samayeli1 29:4

Filisiti minin kiin lɛn foo yoo Akiisi li, ǹ nə́ pɛ nɛ: – N gɔn bɔ giĩ kɛ lɛ ganaa, n bǎã mɛn lɛ kɔ la, a lɛ goa a wo walan. A siĩni a wo kun ka wɔsɛn nɛ zia lɛ la wa, màn mɛn bɛ́ toɛ, a baran n bɔyaa wɔsɛn li zia lɛ a diɛ biikoo li wa. A giala, kɛa sii n die wusii a kɔɔ̃n kɔ a dɛnaagiĩ zizi lɛ ganaa lɔn, bɛ̀ a bie a wɔsɛn minin kɛn lɛn dɛ bii-a wa.

Samayeli1 30:14

Wɔsɛn dinin man ke, wɔ́ goã wɔ kɔ Keriti minin bǎã a gusin a lɛ̀gɔn lɛ ka zia nɛ, Zudaa gána a gusin a lɛ̀gɔn la. Wɔ́ kɔ Kalɛbu a tanlɛ minin bǎã dɔ a gusin a lɛ̀gɔn lɛ, wɔ́ tɛ da Siklagi kiwi ganaa.»