Samayeli1 28:23 - LAWA A BOO SONBORE

²³ Sayulu nə́ n piã á pɛ mà asɛ a die màn bii wa. Sɛnɛ, a dí-nyalin lɛn laanka lɔ lɛ nə́ n laa a ganaa, á tɔ́n nə ǹ bɔlɔ si. Á yoo á n bɔ tán, á giã piì la.

LAWA A BOO SONBORE 2011

²³ Sayulu nə́ n piã á pɛ mà asɛ a die màn bii wa. Sɛnɛ, a dí-nyalin lɛn laanka lɔ lɛ nə́ n laa a ganaa, á tɔ́n nə ǹ bɔlɔ si. Á yoo á n bɔ tán, á giã piì la.

Samayeli1 28:23 ပူးပေါင်းရင်းမြစ်များ

Kiin1 21:4

Zizereyɛli min Naabɔti bɛ́ á pɛ mà asɛ ba ǹ digolon kíɛ̃ koe Akaabu la wa, Akaabu woo piɛ ka foo ziziɛ̃ laanka foo yoo ne. A bɛ́ á dɔ piɛ, á waa tán á n yɔrɔ bɔyaa á dia kɛ gɔ̀nɔn la, a màn kɔn bii wa.

Kiin2 4:8

Ǹ kɔn pinaa, Yiliizee n kiɛ̃ Sunɛmu kiwi, lɔ pàãma goon goã bɛa kiwi lɛ nɛ, á Yiliizee bii mà a da màn bii. A saa bɛ lɛ ganaa, bɛ̀ Yiliizee tá kiɛ̃ lɔn, a n woe màn bii lɔ lɛ li.

Kiin2 5:13

Sɛnɛ Naaman a dí-nyalin nə́ n zɔ̃, ǹ nə́ dɔ, ǹ nə́ n toa a ganaa kɛnɛn: «Díi, bɛ̀ Lawa a boo gii-dali lɛ na á pɛ n nɛ mà n sii zɛnaa sii mɛn nə́ ke a zɛnaa n kaka, a bɛ́ maa bɛ̀ n ba bɛ zɛnɛɛ wa? Sanparɛ a bɛ́ mà n nə n zoo kooro mà n tá re yoreen koe.»

Suusun 25:20

Foo-busii gole bɛ́ min mɛn ganaa, bɛ̀ n foo kɔɔ̃nbaa ǹ loe lɔ nɛ, a n goon ka ma nə n dɔnkɛ sɔlɔ ń bɔ a ganaa nyan pinaa, a n goon ka ma nə n mu piã, kaa bayɛrɛ ganaa.

Ezekieli 23:41

Bɛ kio, ǹ nə́ giã tán pìi sonbore la, tabala n tán-a ǹ nyɛɛnɛ, ǹ nə́ maa da yon gìĩ kɔɔ̃n kɛ laanka maa nyɔɔ kɛ kaa bɛ la.

Luku 14:23

Goledɛnaa tɔ́n pɛ a dí-nyali lɛ nɛ mà a wo don ziin la ka dù gɔrɔn lɛ-an nɛ, a minin kũ ka pàã nɛ ǹ daa, màn mɛn bɛ́ toɛ, kion lɛ pã.

Luku 24:29

Ǹ ná a nyankɔ mà a golee kunun ǹsɛn nɛ, a giala biikoo kiɛ̃, wasa mɛ á nya. Á lɛ kɔ á golee á wɔ kion kunun ǹ ni.

Nya ǹ dín 16:15

A din laanka a kiondɛnan bɛ́ ǹ nə́ *batɛmu yɛ, á pɛ wɔ nɛ: «Ka dinin bɛ́ giɛ a ganaa, masɛ golee Dɛnaa li, ka da giã masɛ a piɛ.» Á n laa wɔ ganaa yǎa wɔ́ lɛ kɔ.

Korɛnti2 5:14

A giala, Krita a minin-narɛɛ la ma nɛ, masɛ mɛn bɛ́ má waa la, máa min goon na á gã min tumaa a lɛa, bɛ n nyɛɛ mà min tumaa na á gã.

Samayeli1 28:22

Kanna kəni, bǐɛ̃ kɔ, n nə n too kɔ n bɛ̀rɛlɔ a boo ganaa. A toa ma màn-bii kɔn kɔ n la n bii, bɛ á die toɛ, n pàã yɛ n tɔn nə n zii saa.»