Samayeli1 25:41 - LAWA A BOO SONBORE

⁴¹ Abigayili yoo á n musin lɛn kuruməə tán, á n kuməə tán a lɛ la, á pɛ: «Maa dɛnaagiĩ, á ke, ma á die n bɛ̀rɛlɔ biɛ, bɛ̀ man dí-nyalin gòãn pii.»

LAWA A BOO SONBORE 2011

⁴¹ Abigayili yoo á n musin lɛn kuruməə tán, á n kuməə tán a lɛ la, á pɛ: «Maa dɛnaagiĩ, á ke, ma á die n bɛ̀rɛlɔ biɛ, bɛ̀ man dí-nyalin gòãn pii.»

Samayeli1 25:41 ပူးပေါင်းရင်းမြစ်များ

Siin Giala 18:4

Ka toa ǹ da mu boɛɛn kɔ ka la, ka n gòãn pii, ka n susu da kɛ giulun.

Suusun 15:33

Nyɛ́ɛbaa Dɛnaa Lawa yii ni n min darɛɛ sii-doɛ̃ ganaa. Bɛ̀ n tá zoɛ̃ yii gugurubaa li, yǎa n nə n din boɛɛn koe.

Suusun 18:12

Din gole kɔ n die ka papaã nɛ. Bɛ̀ n tá zoɛ̃ gugurubaa li, yǎa n nə n din boɛɛn koe bɔrɔ.

Marki 1:7

A na á goã pii zaman nɛ: «Min mɛn bɛ́ re die ma kio, bɛ pàã á gole á la masɛ wɔ nɛ, haalɛ ma n zuməə ma a kɔsɔ biɛn fore, ma mìi á kiɛɛrɛ bɛ ganaa.

Timote1 5:10

Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Uruti 2:10

Bɛ kio, á na á kaa tán a giulun á pɛ nɛ: «A na á saa lɔn ń tá giɛ masɛ walan, n tá bǐɛ̃ zɛnɛɛ ma nɛ, masɛ din tɔrɔ kɔsɔ min ke?»

Uruti 2:13

Uruti tɔ́n pɛ: «Maa dɛnaagiĩ na á bǐɛ̃ kɔ masɛ ganaa, a giala a na á masɛ foo basã, á ma foo taã. A da yaa, masɛ din ba ka n bɛ̀rɛlɔn kɛn goon bɛ lɔn wa.»

Samayeli1 25:23

Abigayili bɛ́ á Davida yɛ, á n nanaa, á gisĩ dundun lɛ la. Á bɔ, á mɛ a lɛ la tán Davida yɔrɔ-a, á n musin doa tán.

Samayeli1 25:40

Davida na a dí-nyalin mɛnɛn dia, ǹ nə́ dɔ Abigayili li Karmɛli kiwi, ǹ nə́ pɛ-n kɛnɛn: «Davida na á wɔ dia n li, mà wɔ da pɛ n nɛ, mà asɛ n giɛ li a n saa lɔ lɛa.»