Samayeli1 25:39 - LAWA A BOO SONBORE

³⁹ Davida ma, mà Naabaali gã, á tɔ́n pɛ: «Barka tá Dɛnaa Lawa ganaa, a giala, Naabaali bɛ́ á ga ma lɛ li, Dɛnaa Lawa din na á bɔ maa lɛ-a, á ná a bɛ̀rɛgiĩ kurəə sii baraa zɛnaa ganaa. Dɛnaa Lawa na á toa Naabaali a baraabaa lɛ kũ a din mìi ni.» Davida minin dia mà ǹ wo pɛ Abigayili ni mà asɛ n giɛ li a saa lɔ lɛa.

LAWA A BOO SONBORE 2011

³⁹ Davida ma, mà Naabaali gã, á tɔ́n pɛ: «Barka tá Dɛnaa Lawa ganaa, a giala, Naabaali bɛ́ á ga ma lɛ li, Dɛnaa Lawa din na á bɔ maa lɛ-a, á ná a bɛ̀rɛgiĩ kurəə sii baraa zɛnaa ganaa. Dɛnaa Lawa na á toa Naabaali a baraabaa lɛ kũ a din mìi ni.» Davida minin dia mà ǹ wo pɛ Abigayili ni mà asɛ n giɛ li a saa lɔ lɛa.

Samayeli1 25:39 ပူးပေါင်းရင်းမြစ်များ

Samayeli2 1:16

Ǹ bɛ́ dii, Davida na á goã pii ni: – N gɛ̀ lɛ a koen nə goã n din mìi ni. A giala, n din lɛ na á n da sii ni. A na á pɛ kɛnɛn: «Dɛnaa Lawa kii mɛn bɔ á koa, ma din ni má dɛ.»

Kiin1 2:44

Bɛ kio, kii lɛ pɛ Simeyii ni: «N sii baraa mɛn tumaa zɛnaa ma di Davida nɛ, n din tá bɛ doɛ̃ n foo ne. Dɛnaa Lawa n die dɔlɔ boe n ganaa n baraabaa lɛ taman yii.

Loen 7:16

Bɛ̀ min nyankɔrɔ zuzulu mɛn fɔ̃, a din nə die mɛnɛɛ bɛa nyankɔrɔ lɛ nɛ.

Loen 9:5

A giala, ń giã n kiibaa ǹ dankan kɛ nɛ, kii pepere, ń kiri wɔ ma a lɛa, ń maa sii yɔrɔ bɔ.

Suusun 18:22

Bɛ̀ min mɛn lɔ yɛ, a na á là nyantoro yɛ. Dɛnaa Lawa na á bǐɛ̃ baa nɛ.

Suusun 19:14

N tá boe la n kion laanka díin gɔn màn yɛ kíɛ̃ lɛa sɛnɛ, lɔ yiridɛnaa n Dɛnaa Lawa a bǐɛ̃ lɛa.

Suusun 22:23

Taãn nɛ, Dɛnaa Lawa nə ǹ zia gii-dali lɛa, min mɛnɛn bɛ́ mɛnɛɛ ǹ la, Dɛnaa Lawan bɛn nyin boe.

Suusun 31:10

Lɔ mɛn foo bɛ́ tã, die n die bɛ yii? A barka la nyaǹ mànan manɛ.

Suusun 31:30

Siĩnbaa n min siɛ̃, a beleboe wa. Lɔ mɛn bɛ́ Dɛnaa Lawa guguru koe, bɛ dinsɔɔ̃ na á kɔnbɔ ka tɔ bɔ nɛ.

Loe kɔɔ̃n kɔɔ̃n 8:8

Wɔ diɛ̃ nɛlɔ boɛɛn goon tan, a nyɔn nə tɔn bɔ bɔrɔ wa. Bɛ̀ tɔntɔraa daa bɔ a kio ǹ mɛn waáraa, wɔ n die wàa sii zɛnɛɛ wɔ diɛ̃lɔ lɛ wɔ paǹ li?

Misee 7:9

Wɔ bɛ́ n wɔ́ sii la Dɛnaa Lawa la, bɛ lɛ n ke, a foo yoo wɔ li. Wɔ doamaa-n wɔ bɛ lɛ a dɔlɔ si wɔ ganaa. Sɛnɛ, a pinaa á die, á die n mìi koɛ wɔa sii li, á die sonbore koe wɔ la. Á die wɔ wɛɛ a wɔ kaa wɔlɔ fúlu li, wɔ á die giɛ a peperebaa ǹ dí kɛ ganaa.

Korɛnti2 13:7

Man Lawa nyankoe máa ka nyan sii baraa kɔ́n zɛnaa wa, ma bie bɛa sii-zɛnaa kɛ nyɛɛ maa boo sii la lɛa wa, sɛnɛ, man zoɛ̃ máa ka sii bǐɛ̃ zɛnaa ǹ dí nya, haalɛ ta masɛ a boe sii kɔ́n la ka yii li wa.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Timote2 4:18

Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.

Sii yɔrɔ-bɔlen 5:2

Izirayeli bɛ́ woe zia la, maǹ nə́ n là bɔ ǹ dinin-a, zaman nə́ n din kɔ lenlen, ka bɛa barka da Dɛnaa Lawa nɛ.

Samayeli1 24:15

Nsɛ, Izirayeli a kii, ma nə n soo woe die gialaa? Ma n die kio lui? Masɛ din kooro kɛ lɛ. Ma a soɛ gin gere-n wa, ma a soɛ dìwi dɔ-n wa.

Samayeli1 25:26

Dɛnaa Lawa din nə n kurəə, n baran dòo bɔ n zɔ́ɔn ganaa, n nə ǹ dɛ wa. Sisia, Dɛnaa Lawa Yiikoonaa tɔ lɛ taman yii, masɛ n pii n ni, máa n zɔ́ɔn laanka min mɛnɛn yii tumaa bɛ́ giɛ mà ǹ sii baraa zɛnaa n nɛ, dɔlɔ tá re n boe ǹ ganaa ka Naabaali wɔ bɛ́ lɔn.

Samayeli1 25:32

Davida pɛ Abigayili-n kɛnɛn: «Barka tá Dɛnaa Lawa ganaa, Izirayeli a Lawa lɛ, asɛ mɛn bɛ́ á Abigayili dia á daa n da ma lɛ pelo!

Samayeli1 25:34

Sɛnɛ, Izirayeli a Lawa, Dɛnaa Lawa lɛ yii á koo! A din lɛ na á masɛ kurəə, ma sii baraa zɛnaa Abigayili-n wa. Bɛ̀ n bie ń daa n da ma lɛ fufuu kɛnɛn wa, bɛ̀ kànaa laanka lɛ̀ a waa nɛ, bɛ̀ giĩ goon ba re goɛ̃ a yii n koo Naabaali a kion wa!»

Samayeli1 25:40

Davida na a dí-nyalin mɛnɛn dia, ǹ nə́ dɔ Abigayili li Karmɛli kiwi, ǹ nə́ pɛ-n kɛnɛn: «Davida na á wɔ dia n li, mà wɔ da pɛ n nɛ, mà asɛ n giɛ li a n saa lɔ lɛa.»

Samayeli1 26:10

Davida tɔ́n pɛ: «Dɛnaa Lawa yii tá koo! Dɛnaa Lawa din nə die Sayulu dii. Bɛ̀ a tɔ gɛ̀ dɛ a biikoo li wa, a wo zia la, zia bii.