Samayeli1 25:28 - LAWA A BOO SONBORE

²⁸ Bǐɛ̃ kɔ n nə n bɛ̀rɛlɔ a sã toa nɛ. Dɛnaa Lawa tá re n biɛ kii lɛa, a nə n nɛnyaanan dɔn baa a lɛa, a giala, ń zian da, Dɛnaa Lawa a lɛa. N yiikoonaabaa tumaa gɔ́ɔ̃ nɛ, min baran baraa yɛ n paǹ li wa.

LAWA A BOO SONBORE 2011

²⁸ Bǐɛ̃ kɔ n nə n bɛ̀rɛlɔ a sã toa nɛ. Dɛnaa Lawa tá re n biɛ kii lɛa, a nə n nɛnyaanan dɔn baa a lɛa, a giala, ń zian da, Dɛnaa Lawa a lɛa. N yiikoonaabaa tumaa gɔ́ɔ̃ nɛ, min baran baraa yɛ n paǹ li wa.

Samayeli1 25:28 ပူးပေါင်းရင်းမြစ်များ

Samayeli2 5:2

Haalɛ bibi dinin, bɛ̀ Sayulu bɛ́ wɔa kii lɛa, n din Davida na á goã miɛ̃ wɔsɛn Izirayeli minin zia-baalin nyɛɛnɛ, bɛ̀ n soo ǹ ne, bɛ̀ n nə n bɔyaa ǹ nɛ. Dɛnaa Lawa pɛ n nɛ dɔn dinin: «N din nə die giɛ maa zaman Izirayeli minin lɛn walan, n din nə die Izirayeli minin lɛn mìilandɛnaa biɛ.»

Samayeli2 7:11

biikoo mɛn lɛ á ke masɛ sii yɔrɔ-bɔlen bɔ má ǹ koa maa zaman Izirayeli minin lɛn mìi la. Masɛ din ni má n kanbaa n zɔ́ɔn tumaa ganaa, má là nyantoro kɔ n la. Dɛnaa Lawa mà ma pɛ n nɛ kɛnɛn: Masɛ Dɛnaa Lawa din nə die n kion koɛ.

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Samayeli2 7:27

A giala, n dinmaa Dɛnaa Lawa, pàã tumaa a dɛnaa, Izirayeli a Lawa na á n din nyaa masɛ nɛ, ń pɛ ma nɛ mà n din nə die maa kion koɛ. Bɛ lɛ n ke, n dí-nyali lɛ foo tãbaa yɛ, á n bɛa nyankɔ we n lon.

Kiin1 15:3

Abiyamu ǹ di goã á sii baraan mɛnɛn zɛnaa a nyɛɛnɛ, a dɔ́ bɛn miãn zɛnaa. A na a Lawa, Dɛnaa Lawa lɛ narɛ ka a foo din tumaa nɛ, ka ǹ digolo Davida wɔ bɛ́ lɔn wa.

Kiin1 15:5

Dɛnaa Lawa na á bɛ zɛnaa, a giala, sii mɛn bɛ́ pepere a yɔrɔ-a Davida na á goã bɛ zɛnɛɛ. Davida a yiikoonaabaa tumaa gɔ́ɔ̃ nɛ, Dɛnaa Lawa goã dí-pɛn mɛnɛn koe la, a goã n piɛ̃ ka bɛ kɔn nɛ wa. Bɛ̀ á n bɔ Ɛti tɔrɔ, Urii a sii kɛ nɛ.

Kiin1 9:5

bɛa biikoo li, man die barka we n pàã lɛ nɛ Izirayeli minin kiibaa lɛ la yǎa duduu, ka ma goã má pɛ ń di Davida lɛ-n lɔn máa a min ba re nyaabiɛ Izirayeli minin kiibaa lɛ la wa.

KZS1 17:10

Ka lɛlɛ bɛ́ lɔn, má sii yɔrɔ-bɔlen koa maa zaman Izirayeli mìi la. Má n zɔ́ɔn tumaa wɔ n gɔn, man pii n ni máa ma din Dɛnaa Lawa á re n kion koɛ.

KZS1 17:25

A da yaa n dinmaa nə ń pɛ n dí-nyali lɛ nɛ mà n tá re a kion koɛ a wɔ lɛa. Bɛ lɛ nɛ, n dí-nyali lɛ foo taã á Lawa nyan kɛ koe n lɔn.

KZS2 20:15

Yahaziyɛli pɛ: – Kasɛn Zeruzalɛmu minin ka Zudaa min kɔsɔn kɛn, sanparɛ nsɛ kii Zozafati, ka n too kɔ sɔnbɔraa nɛ, Dɛnaa Lawa bɛ́ màn mɛn pii ka nɛ, bɛ á ke: «Nyɛ́ɛ nyan ka kũ wa. Ka nyan toa nyɛ́ɛ ka kũ sɔraasi kuru damata kɛ nyɛɛnɛ wa. Zia lɛ bie kasɛn wɔ lɛa wa, sɛnɛ a n masɛ Lawa wɔ lɛa.

Loen 7:3

Bɛ bie wa, maǹ die ma kuĩ, ka yàra bɛ́ siĩ kuĩ lɔn. Maǹ die ma wɔwoɛ̃ kɔn, min dɔ ná a re yii, a ma si wa.

Loen 89:29

Maa kɔn-narɛɛ gole kɛ n die goɛ̃ a wɔ lɛa yǎa duduu, maa lɛ kɔ kɔn la lɛ dɔ n die goɛ̃ kɔn ka a din ni.

Minin nimi 23:21

Dɛnaa Lawa sii baraa yɛ Zakɔba tɔrɔn lɛn ganaa wa. A kɔkɔrɔbaa yɛ Izirayeli minin lɛn ganaa wa. A nə ǹ Lawa Dɛnaa Lawa lɛa, giã nɛ ǹ bii. Ǹ tá n lɛ dii ka a kiibaa nɛ.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Luku 23:41

Wɔsɛn wɔ na a zii li le! Wɔsɛn man wɔa nya ǹ dí a mìi gɔ́ɔ̃ ǹ sii yii. Sɛnɛ, giĩ kɛ sii baraa kɔ́n zɛnaa wa.»

Luku 23:47

Sɔraasin goledɛnaa lɛ bɛ́ á bɛa sii kɛ lɛ yɛ, á Lawa guguru kɔ bɛ̀ á n pii: «Liere ba a-n wa, giĩ kɛ na á goã min pepere lɛa!»

Samayeli1 15:28

Samayeli pɛ nɛ: «Dɛnaa Lawa Izirayeli a kiibaa lɛ kũ á si n la pelo, á kɔ min kɔsɔ la, min mɛn nə́ ke soɛ n nɛ.

Samayeli1 17:47

Zaman kɛ lɛ tumaa á re doɛ̃, mà Dɛnaa Lawa bie min sii diɛ ka gɔya nɛ, hinlaa ka sɛmiɛ̃-n wa. Zia a gɔ̀lɔ̀baa n Dɛnaa Lawa wɔ lɛa, a tá re ǹ we wɔ gɔn.»

Samayeli1 18:17

Sayulu pɛ Davida nɛ: «Maa nɛlɔ goledɛnaa Meraabu lɛ á ke, man die a din lɛ koe n la lɔ lɛa. Sɛnɛ, n doa n dí nya masɛ nɛ, n Dɛnaa Lawa a zian da.» Sayulu na á goã taasɛ mà asɛ ba n gɔn diɛ Davida ganaa a dɛ wa, mà Filisiti minin die n dɛ.

Samayeli1 2:35

Masɛ n die bɔlɔgoondɛnaa koɛ maa wúlu-bɔle lɛa. A sii zɛnaa tá re kɔnpii ka ma foo dùũ ni. Ma á die toɛ a nɛnyaanan nə wúlu-bɔlen baa miɛ̃ duduu. Ma kii mɛn bɔ, á re tɔ we bɛ yɔrɔ-a biikoo yii li.

Samayeli1 22:14

Akiimelɛki kii lɛ lɛ si á pɛ-n kɛnɛn: «N dí-nyalin lɛn tumaa bii, die na a tan ka Davida bɛ́ lɔn foo n doa nɛ a ganaa? A n kii lɛ daãgiĩ lɛa, min mɛnɛn bɛ́ kii lɛ lɛduĩ, a n bɛn goledɛnaa lɛa. Á guguru kii lɛ a kion.

Samayeli1 24:11

N yii yɛ pelo dinin, Dɛnaa Lawa nə n wɔ ma gɔn, yala lɛ nɛ. Ǹ nə́ pɛ mà man dɛ, sɛnɛ, n makara na á ma kũ, ma tɔ́n nə n toa: «Ma ba re n gɔn diɛ maa dɛnaagiĩ ganaa wa, a giala, Dɛnaa Lawa na á n bɔ, á n koa.»

Samayeli1 24:17

Davida bɛ́ á bɛa boo lɛ da Sayulu ni, á nya ǹ mɛn waáraa, Sayulu pɛ: «Maa nɛgiĩ Davida, kɛ nə n din sɔ yala lɛa?» Sayulu nə́ n lɛ da wuu ni kɔsɛkɔsɛ.

Samayeli1 24:21

Bɛ̀ Izirayeli a kiibaa lɛ nɛ, má waa la sisia, mà á die goɛ̃ n gɔn.

Samayeli1 24:4

Sèren kaa ǹ bǎãn mɛnɛn bɛ́ zii genli, á dɔ walan. Yala goon tan bɛa bǎã lɛ nɛ. Sayulu wɔ a nɛ, mà a na a gòɛrɛ koe. Bɛ́ daa yaa, bɛ̀ Davida laanka a minin tá giã-n tán yala lɛ a kə́rən li.

Samayeli1 25:24

Bɛ kio, á n musin kurumaa tán Davida giulun á pɛ nɛ: «Maa dɛnaagiĩ, ma din zɛ̀rɛ nɛ! Sɛnɛ, ma nə n nyankoe n toa ma boo da. Bǐɛ̃ kɔ n nə n too kɔ ma lon.

Samayeli1 29:3

Filisiti minin kiin lɛn nə́ n toa: «*Ebrəən kɛn dɔn wɔ giala n ka wàa nɛ?» Akiisi tɔ́n pɛ Filisiti minin kiin lɛn manɛ: «Davida lɛ nɛ. Izirayeli gána a kii Sayulu a dí-nyali kɛ lɛ! A lɛ̀ goon hinlaa a lɛ̀ paa n ke, á n kun ka ma nɛ. A kũ a daa lɛ ganaa, a da kaa pelo lɛ, ma zɛ̀rɛbaa ǹ bǎã yɛ a ganaa wa.»

Samayeli1 30:26

Davida bɛ̀ á dɔ Siklagi kiwi, ǹ mànan mɛnɛn si, á bɛ kɔn pɔrɔ á dia a giaáran Zudaa min golen la, á pɛ ǹ nɛ kɛnɛn: «Mànan mɛnɛn nə n si Dɛnaa Lawa a zɔ́ɔn la, bɛ kɔn nə́ ke man bǐɛ̃ biɛ ka la nɛ.»