Samayeli1 25:10 - LAWA A BOO SONBORE

¹⁰ Naabaali Davida a dí-nyalin lɛn lɛ si á pɛ: «Die n ka Davida nɛ? Bɛ̀rɛ gigiã tan pelo, ǹ nə́ ǹ toɛ n dɛnaagiĩ li, baa sii papaɛ̃.

LAWA A BOO SONBORE 2011

¹⁰ Naabaali Davida a dí-nyalin lɛn lɛ si á pɛ: «Die n ka Davida nɛ? Bɛ̀rɛ gigiã tan pelo, ǹ nə́ ǹ toɛ n dɛnaagiĩ li, baa sii papaɛ̃.

Samayeli1 25:10 ပူးပေါင်းရင်းမြစ်များ

Samayeli2 20:1

Giĩ gɛsɛ kɔn na á goã walan, a tɔ n Sebaa. Bikrii mɛn bɛ́ Bɛnzamɛn tɔrɔ lɛa, bɛa nɛgiĩ ni. Asɛ lɛ na á bɛn doa a lɛ-a á pɛ kɛnɛn: Wɔa màn kɔn ba kun ka Davida-n wa. Wɔa sii kɔn ba kun ka Izayii a nɛgiĩ kɛ-n wa. Izirayeli minin lɛn, didie wo piɛ!

Kiin1 12:16

Izirayeli minin tumaa yɛ mà kii lɛ nə n too kɔ ǹsɛn lon wa. Zaman lɛ tɔ́n kii lɛ lɛ si kɛnɛn: «Wɔa wàa n kiɛ kun ka Davida nɛ? Wɔa sii kɔn ba kɔn wɔlɔ li ka Zesee a nɛgiĩ kɛ-n wa. Izirayeli minin, ka daa wɔ n ta piɛ! Kanna, Davida, n kion a sii yɔrɔ bɔ.» Bɛ kio, Izirayeli minin nə́ kiɛ̃ ǹ nə́ woo piɛ.

Bɔ bɛ̀rɛbaa nɛ 5:2

Faarahɔn pɛ: «Dɛnaa lɛ n die lɛa, ma tɔn nə n too kɔ a boo ganaa, ma toa Izirayeli nɛnyaanan nə woo? Ma a Dɛnaa doɛ̃ wa, ma a toɛ Izirayeli nɛnyaanan nə woo wa.»

Suusun 15:1

Lɛ si ka bɔlɔ kɔɔ̃n nɛ n foo wɛɛ. Sɛnɛ, boo baraa n foo diɛ yoo ganaa.

Boo-laakalaali 7:10

N baran pɛ mà wàa na á baa, lɛlɛ á soɛ pelo kɛ-n wa. A giala sii-dɔ̃li a nɔ̀n-diɛ ka biɛ bɛ-n wa.

Izayii 32:5

Ǹ ba re pii baãnaan man doo mà ǹ yii á guguru wa. Ǹ ba re pii wurumunun man doo mà ǹ tá min sonboren lɛa wa.

Izayii 32:7

Min mɛnɛn bɛ́ ǹ miãn yiri siɛ̃, ǹ sii baraa zɛnaa la yii ni. Maǹ tán dù bose ǹ nə́ doobaan laadoo ziziɛ̃ ka soɛn nɛ, ta sonbore nə ǹ lon.

Sii yɔrɔ-bɔlen 9:28

Ebɛdi a nɛgiĩ Gaali na á goã pii mà bɛa Abimelɛki lɛ n wàa lɛa Sisɛmu minin yɔrɔ-a, ǹsɛn nə tɔn dí nya nɛ? Mà Yerubaali a nɛgiĩ laanka a kiodɛnaa Zebulu bie ǹ nə́ goã dí nyɛɛ Sisɛmu ǹ di Hamɔɔrɔ-n lɛlɛ wa ya? Mà ǹsɛn dí nya Abimelɛki ni mìi n ka wàa nɛ?

Samayeli1 20:30

Sayulu foo yoo Zonaatan li, á tɔ́n pɛ nɛ: «N màn piã wole, too kaka-a ke! Ma á doɛ̃ ka kɛ nɛ máa n lɛ n kun ka Zesee a nɛgiĩ lɛ nɛ. Sìi nə n din laanka ǹ dan kũ!

Samayeli1 22:2

Min mɛnɛn tumaa goã foo ziziɛ̃ gɔ́ɔ̃ nɛ, giɔ̀mɔ goã min mɛnɛn tumaa ganaa, min mɛnɛn tumaa yɔrɔ goã kɔsiɛ nɛ, ǹ nə́ woo kaa kun ka Davida nɛ, á n baa ǹ goledɛnaa lɛa. Ǹ nə́ dɔ min biɛsii (400) kɛ miã kun ni.

Samayeli1 25:9

Davida a minin lɛn bɛ́ ǹ nə́ dɔ, ǹ nə́ kɔ boon lɛn tumaa lɛ, ǹ nə́ pɛ Naabaali ni ka Davida tɔ nɛ. Bɛ kio, ǹ nə́ tɔ́n nə n yii da.