Samayeli1 22:14 - LAWA A BOO SONBORE

¹⁴ Akiimelɛki kii lɛ lɛ si á pɛ-n kɛnɛn: «N dí-nyalin lɛn tumaa bii, die na a tan ka Davida bɛ́ lɔn foo n doa nɛ a ganaa? A n kii lɛ daãgiĩ lɛa, min mɛnɛn bɛ́ kii lɛ lɛduĩ, a n bɛn goledɛnaa lɛa. Á guguru kii lɛ a kion.

LAWA A BOO SONBORE 2011

¹⁴ Akiimelɛki kii lɛ lɛ si á pɛ-n kɛnɛn: «N dí-nyalin lɛn tumaa bii, die na a tan ka Davida bɛ́ lɔn foo n doa nɛ a ganaa? A n kii lɛ daãgiĩ lɛa, min mɛnɛn bɛ́ kii lɛ lɛduĩ, a n bɛn goledɛnaa lɛa. Á guguru kii lɛ a kion.

Samayeli1 22:14 ပူးပေါင်းရင်းမြစ်များ

Samayeli1 17:25

Izirayeli minin lɛn man nə́ goã pii: «Ka giĩ kɛ yɛ soe die? A n soe die giɛ Izirayeli minin lɛ li. Min mɛn bɛ́ re dii, kii lɛ á die pàãma baa ǹ màn gigiã koe la. Kii lɛ tá re a nɛlɔ koe la, a n dɛnaa a sumu minin goɛ̃ bɔ a bɔ nyin giɔ̀mɔ saraa nɛ.»

Samayeli1 18:13

Sayulu Davida baa sɔraasi duu goon a goledɛnaa lɛa, á zɔ̃, á bɔ a din ganaa. Davida na á goã miɛ zaman lɛ nyɛɛnɛ, bɛ̀ a wo zia la, a n bɔyaa.

Samayeli1 18:27

Davida bɔ á mɛ zii la á woo ka a minin ni. Á min biɛpaa (200) dɛ Filisiti minin lɛn bii. Davida daa ka ǹ giulun lɛpiin ni, ǹ ná a lɛ-piɛ̃ kɔ kii lɛ nɛ, màn mɛn bɛ́ toɛ Davida kii lɛ daãgiĩ baa. Sayulu tɔ́n na a nɛlɔ Mikaali kɔ Davida la lɔ lɛa.

Samayeli1 20:32

Zonaatan nə́ ǹ di Sayulu lɛ lɛ si á pɛ nɛ: «Wàa na á baa, ǹ tá re Davida nyin boe? A na á wàa mɛn sii la?»

Samayeli1 21:2

Davida dɔ Nɔɔbu, Lawa a wúlu-bɔle Akiimelɛki li. Akiimelɛki daa n da Davida lɛ, bɛ̀ a gɔ̀nɔn tá bìn diɛ. Á nɔ̀n da Davida la: «Wàa na á baa n dinsɔɔ̃ nɛ, min ná a ba kunun n ni wa?»

Samayeli1 22:13

Sayulu nɔ̀n da la: «Wàa na á baa n din laanka Zesee a nɛgiĩ lɛ nə́ n bɔyaa masɛ li ka durii ni? Wàa na á baa, ń buuru laanka gɔya sa kɔ la? Wàa na á baa ń nɔ̀n da Lawa la ka a sii ni? Pelo, Davida lɛ nə́ n bɔyaa masɛ li, a n kuu koe ma ganaa, ka durii ni, a n die ma dii.»

Samayeli1 24:11

N yii yɛ pelo dinin, Dɛnaa Lawa nə n wɔ ma gɔn, yala lɛ nɛ. Ǹ nə́ pɛ mà man dɛ, sɛnɛ, n makara na á ma kũ, ma tɔ́n nə n toa: «Ma ba re n gɔn diɛ maa dɛnaagiĩ ganaa wa, a giala, Dɛnaa Lawa na á n bɔ, á n koa.»

Samayeli1 25:28

Bǐɛ̃ kɔ n nə n bɛ̀rɛlɔ a sã toa nɛ. Dɛnaa Lawa tá re n biɛ kii lɛa, a nə n nɛnyaanan dɔn baa a lɛa, a giala, ń zian da, Dɛnaa Lawa a lɛa. N yiikoonaabaa tumaa gɔ́ɔ̃ nɛ, min baran baraa yɛ n paǹ li wa.

Samayeli1 26:23

Dɛnaa Lawa die a didie saraa a kɔnpɛ ka a peperebaa laanka a bɔlɔgoondɛnaabaa nɛ. Dɛnaa Lawa na á goã á n wɔ ma gɔn pelo, sɛnɛ, Dɛnaa Lawa min mɛn bɔ á koa, má n piã, man gɔn da bɛ ganaa wa.