Samayeli1 2:35 - LAWA A BOO SONBORE

³⁵ Masɛ n die bɔlɔgoondɛnaa koɛ maa wúlu-bɔle lɛa. A sii zɛnaa tá re kɔnpii ka ma foo dùũ ni. Ma á die toɛ a nɛnyaanan nə wúlu-bɔlen baa miɛ̃ duduu. Ma kii mɛn bɔ, á re tɔ we bɛ yɔrɔ-a biikoo yii li.

LAWA A BOO SONBORE 2011

³⁵ Masɛ n die bɔlɔgoondɛnaa koɛ maa wúlu-bɔle lɛa. A sii zɛnaa tá re kɔnpii ka ma foo dùũ ni. Ma á die toɛ a nɛnyaanan nə wúlu-bɔlen baa miɛ̃ duduu. Ma kii mɛn bɔ, á re tɔ we bɛ yɔrɔ-a biikoo yii li.

Samayeli1 2:35 ပူးပေါင်းရင်းမြစ်များ

Samayeli2 7:11

biikoo mɛn lɛ á ke masɛ sii yɔrɔ-bɔlen bɔ má ǹ koa maa zaman Izirayeli minin lɛn mìi la. Masɛ din ni má n kanbaa n zɔ́ɔn tumaa ganaa, má là nyantoro kɔ n la. Dɛnaa Lawa mà ma pɛ n nɛ kɛnɛn: Masɛ Dɛnaa Lawa din nə die n kion koɛ.

Samayeli2 7:27

A giala, n dinmaa Dɛnaa Lawa, pàã tumaa a dɛnaa, Izirayeli a Lawa na á n din nyaa masɛ nɛ, ń pɛ ma nɛ mà n din nə die maa kion koɛ. Bɛ lɛ n ke, n dí-nyali lɛ foo tãbaa yɛ, á n bɛa nyankɔ we n lon.

Kiin1 1:45

Lawa a wúlu-bɔle Sadɔki laanka Lawa a boo gii-dali Natan nə́ nyɔɔ lɔ a ganaa, ǹ nə́ koa kii lɛa Giyɔn. Bɛ kio, ǹ nə́ n toa walan, ǹ nə́ woo ka nyɛnyɛɛ nɛ, kiwi lɛ a minin foo kɔɔ̃n kɔ á la yii ni, bɛ lɛ a màn wuu lɛ n ke, ká ma.

Kiin1 1:8

Sɛnɛ Lawa a wúlu-bɔle Sadɔki ni, Zozadaa a nɛgiĩ Benaazaa nɛ, Lawa a boo gii-dali Natan nɛ, Simeyii ni, Reyii ni, Davida a min foo taãnaan kɛn nɛ, bɛn kɔn goã kun ka Adoniya-n wa.

Kiin1 11:38

Ma bɛ́ re n gɔn wɛɛ n nɛ ka sii mɛn tumaa nɛ, bɛ̀ n nə n too kɔ bɛ ganaa, ma bɛ́ re zii mɛn nyɛɛ n nɛ, bɛ́ ń kɔ bɛ lɛ, sii mɛn bɛ́ pepere ma yii li, bɛ̀ ń bɛ zɛnaa, bɛ̀ ń maa landa boon laanka maa gɔn waa ǹ boon kɛn tamaa ka maa dí-nyali Davida zɛnaa lɔn, ma á die goɛ̃ kunun n ni. Ma á die n kion lɛ gòãn we tán ka ma Davida wɔ baa lɔn. Ma á die Izirayeli tɔrɔn biɛ n wɔ lɛa.

Kiin1 2:35

Kii lɛ Zozadaa a nɛgiĩ Benaazaa da a bǎã nɛ sɔraasin lɛn mìi la, á Lawa a wúlu-bɔle Sadɔki dɔ da Abiataara bǎã nɛ.

Loen 18:50

Bɛ lɛ n ke, Dɛnaa Lawa, ma á re n tɔ boe tɔrɔn bii. Ma á re loe loe, ma n tɔ guguru kɔ nɛ.

Loen 2:2

Kanaa lɛ a kiin nə́ n lɛ kaa kun, a min dadaran lɛn nə́ yoo Dɛnaa Lawa gialaa, kun ka a kii kɛ nɛ, á bɔ á koa.

Bɔ bɛ̀rɛbaa nɛ 1:21

Lɔ nɛ-yolen lɛn sɛn bɛ́ ǹ nə́ nyɛ́ɛ baa Lawa nɛ, Lawa bǐɛ̃ zɛnaa ǹ nɛ, á nɛnyaanan kɔ ǹ la.

Ezekieli 34:23

Man die tɔɔn-lɛduə̃li goon toto boe ma da maa tɔɔn lɛn mìi la, bɛ ga ǹ walan: Bɛ n ka maa dí-nyali Davida nɛ. Bɛ lɛ á re giɛ ǹ walan, bɛ lɛ á re ǹ lɛduə̃li biɛ.

Minin nimi 25:13

Bɛa lɛ kɔ kɔn la kɛ lɛ n die goɛ̃ a din wɔ lɛa, ka a tɔrɔn nɛ. A din lɛ kɔ kɔn la kɛ lɛ n die toɛ, wúlu bɔ ǹ dí goã ǹ wɔ lɛa miɛ̃ duduu. A giala, á nyaa mà a Lawa lɛ sii á kaka a gɔn, ka bɛ dɔ nɛ, á Izirayeli minin lɛn sii baraa sawaa ǹ sii zɛnaa.»

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Samayeli1 10:10

Ǹ bɛ́ ǹ nə́ dɔ Gibeya, Lawa a boo gii-dalin nə́ kaa kun ǹ nə́ daa ǹ da lɛ. Lawa yiri gisĩ la, á Lawa a boo gii-dali baa ǹ siin zɛnaa kunun ǹ ni.

Samayeli1 10:9

Sayulu nə n dɔ̀ɔ̃ kɔ lɔn, mà a n kiɛ̃ n boe Samayeli li, Lawa ná a foo bɔyaa. Samayeli boo mɛn yii da nɛ, a yii lɛ pã bɛa pinaa kɛ lɛ nɛ.

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»

Samayeli1 16:13

Samayeli nyɔɔ lɛ saa màn bɛn lɛ nɛ á lɔ a ganaa ǹ golon lɛn yɔrɔ-a. Dɛnaa Lawa yiri gisĩ Davida la. A kũ bɛa pinaa kɛ lɛ ganaa, a na á goã Davida la miɛ̃. Bɛ kio, Samayeli zii saa á woo Ramaa.

Samayeli1 2:36

Min woo min, a n die goɛ̃ Elii a kion, bɛ á re die n kurumii tán wúlu-bɔle lɛ giulun, wɔrɔ boɛɛn laanka màn-bii taman yii. Ǹ tá re pii wúlu-bɔle lɛ nɛ, bǐɛ̃ kɔ ma ganaa, n ma goɛ̃ wɔ wúlu bɔ ǹ dí lɛ kɔn nɛ, ǹ giɛ ma tá màn-bii boɛɛn yii ma bii.»

Samayeli1 25:28

Bǐɛ̃ kɔ n nə n bɛ̀rɛlɔ a sã toa nɛ. Dɛnaa Lawa tá re n biɛ kii lɛa, a nə n nɛnyaanan dɔn baa a lɛa, a giala, ń zian da, Dɛnaa Lawa a lɛa. N yiikoonaabaa tumaa gɔ́ɔ̃ nɛ, min baran baraa yɛ n paǹ li wa.

Samayeli1 3:1

Samayeli bɛ́ tɔn ten, a na á goã Dɛnaa Lawa a dí nyɛɛ Elii giulun. Bɛa biikoo li, Lawa goã boo diɛ pataa wa, sii-nyaa dɔ goã yii papaa wa.

Samayeli1 7:9

Samayeli sère nɛ nyɔ-mili kũ á ná a tumu tã á kɔ Dɛnaa Lawa la *wúlu màn lɛa. Samayeli nə́ n lɛ dɛ Dɛnaa Lawa ganaa, Izirayeli minin lɛa, Dɛnaa Lawa ná a lɛ si.

Samayeli1 8:3

Sɛnɛ a nɛgiĩn lɛn na a tɔ wɔ ǹ gɔn saa wa. Bii kooro na á goã kɔɔ̃nɛ ǹ ganaa. Ǹ nə́ goã lɛ koe lɛ pii ǹ mànan sii, ǹ goã sii yɔrɔ boe a peperebaa li wa.

Samayeli1 9:12

Nɛnɛn lɛn nə́ ǹ lɛ si: «Hiĩ. A tá ka nyɛɛnɛ. Ka n nanaa kɛnɛn kɛnɛn, á daa kiwi gɔ́ɔ̃-n pelo, a giala wúlu bɔ tan zaman lɛ wɔ lɛa wúlu bɔ ǹ tenten la.

Samayeli1 9:13

Ka bɛ́ re doe kiwi lɛ gɔ́ɔ̃-n lɔn gɔrɔ ka tá re woe yiɛ bɛ̀ a ná a tɔn wo màn bii wúlu bɔ ǹ bǎã-n bɔrɔ wa. Zaman lɛ ba màn bii a kio wa, a giala, a din doamaa nɛ a barka da *wúlu màn lɛ ganaa. Bɛ kio, ǹ min mɛnɛn bíi a tɔ-a, bɛn nə tɔn màn bii. Ka wo kɛnɛn kɛnɛn ka tá re yii pelo lɛn.»