Samayeli1 2:14 - LAWA A BOO SONBORE

¹⁴ A n siɛ a dere siĩ màn lɛ nɛ. Bɛ̀ siĩ fɔ̃ ǹ bàlà lɛ kɔnpɛ ka ǹ mɛn nɛ, Lawa a wúlu-bɔle lɛ din ni nɔmɛ bɛ ganaa. Izirayeli min mɛn tumaa goã woe Lawa a kion, Siiloo, maǹ nə́ goã zɛnɛɛ ǹ nɛ miɛ̃.

LAWA A BOO SONBORE 2011

¹⁴ A n siɛ a dere siĩ màn lɛ nɛ. Bɛ̀ siĩ fɔ̃ ǹ bàlà lɛ kɔnpɛ ka ǹ mɛn nɛ, Lawa a wúlu-bɔle lɛ din ni nɔmɛ bɛ ganaa. Izirayeli min mɛn tumaa goã woe Lawa a kion, Siiloo, maǹ nə́ goã zɛnɛɛ ǹ nɛ miɛ̃.

Samayeli1 2:14 ပူးပေါင်းရင်းမြစ်များ

Izayii 56:11

Maǹ kuruun lɛa, ǹ ba màn kɔn toɛ wa. Ǹ ba kiɛ̃ wa. Wɔlɔ-lɛduə̃lin manɛ, ǹ ba sii kɔn giala miɛ wa. Maǹ nə ǹ dinin foo siin zɛnɛɛ. Ǹ didie n giɛ a din a là li.

Lawa a wúlu-bɔlen 7:34

A giala, tɔɔ lɛ a tìãbii kɛ laanka a gisi ke, ǹ nə́ barka da Lawa nɛ ǹ wúlu bɔ nɛ, masɛ bɛn si Izirayeli minin lɛn la, má ǹ kɔ Aarɔn laanka a nɛgiĩn la, ǹ wɔ gii lɛa yǎa duduu.

Misee 3:3

A n goon ka ka n ma tɔrɔ minin lɛn siĩ soɛ̃. A n goon ka ka n ká ǹ ki bɔ, ka ǹ wen yiyiɛ, ka siĩ din bɛ́ ǹ tá kukuri, bɛ̀ ǹ kaa kùsì-n lɔn, ka siĩ bɛ́ ǹ tá kukuri, bɛ̀ ǹ kaa fɔlɔ donkolon ne lɔn, ka n ká ma tɔrɔn lɛn baa miɛ̃.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Samayeli1 2:13

A laanɛ ǹ tá Lawa a wúlu-bɔlen lɛa, maǹ nə́ goã sii zɛnɛɛ zaman lɛ nɛ yɔrɔ kɛ la: bɛ̀ min ná a *wúlu màn dɛ, siĩ lɛ a kɔrɛɛ biikoo li, Lawa a wúlu-bɔle a dí-nyali n die ka siĩ fɔ̃ ǹ bàlà nɛ a gɔn.

Samayeli1 2:15

Ǹ tɛn din ni, Lawa a wúlu-bɔle a dí-nyali lɛ ba toɛ siĩ nyɔɔ lɛ nə n tã bɔrɔ wa, a n die pii wúlu màn-dɛli lɛ nɛ kɛnɛn: «Siĩ kɔ ma la, ma tã Lawa wúlu-bɔle wɔ lɛa. A die lɛ koe a siĩ kɔrɛɛ si n la bɛ̀ a fumaa ná a bie wa.»

Samayeli1 2:29

Wàa na á baa ka tá barka boe masɛ a wúlu màn lɛ laanka masɛ gɔ ǹ màn lɛ nɛ? Ma bɛ́ máa ka ǹ mɛnɛn bɔ maa kion. Wàa na á baa Elii ná a nɛnyaanan narɛ á la masɛ nɛ, a giala, manə ǹ dinin toe ka masɛ a zaman, Izirayeli nɛnyaanan gɔn màn tumaa a sonbore ne.