Samayeli1 18:30 - LAWA A BOO SONBORE

³⁰ Filisiti minin kiin nə́ goã soe woe zia biɛ, ǹ woo gogoonmaa, Davida goã gɔ̀lɔ̀baa yii á la Sayulu a sɔraasin tumaa nɛ. Davida tɔ nɔmaa á bɔ parsiini.

LAWA A BOO SONBORE 2011

³⁰ Filisiti minin kiin nə́ goã soe woe zia biɛ, ǹ woo gogoonmaa, Davida goã gɔ̀lɔ̀baa yii á la Sayulu a sɔraasin tumaa nɛ. Davida tɔ nɔmaa á bɔ parsiini.

Samayeli1 18:30 ပူးပေါင်းရင်းမြစ်များ

Samayeli2 11:1

Lɛ̀ bɛ́ á bɔ, kiin wo zia baa biikoo li, Davida Zoabu dia kun ka a dí-nyalin ni, ka Izirayeli minin lɛn zia-baalin tumaa nɛ. Ǹ nə́ Amɔn tɔrɔn lɛn dɛ, ǹ nə́ ǹ kiwi gole Rabaa kɛ kũ. Sɛnɛ, Davida din giã Zeruzalɛmu.

Samayeli2 7:9

N wo bǎã mɛn tumaa nɛ, masɛ goã kunun n ni má n zɔ́ɔn tumaa dɛ má ǹ bɔ n nyɛɛnɛ. Má tɔ gole kɔ n la ka kanaa a min dadaran kɛn wɔ bɛ́ lɔn.

Kiin2 1:13

Kii lɛ sɔraasi posooro mìilandɛnaa lɛ a sɔɔbaa ǹ wɔ dia doo, a laanka a kiodɛnaa posooro ne. Bɛa sɔɔbaa ǹ dɔn wɔ lɛ woo, sɛnɛ a bɛ́ á dɔ, á na á kaa tán Yilii giulun, a ná a nyankɔ á pɛ: «Lawa a min, n dí-nyali posooro ke, toa barka goã bɛn yiikoonaabaa nɛ n gɔn, ka masɛ dɔ wɔ nɛ.

Loen 116:15

Min mɛnɛn bɛ́ Dɛnaa Lawa wɔn lɛa, bɛn gɛ̀ á sii kaka lɛa a gɔn.

Loen 119:99

Min mɛnɛn nə ma daraa, má sii dɔ̃ má la bɛn manɛ. A giala, ma nə n taasɛ ka n gɔn waa ǹ boon kɛn nɛ duduu.

Suusun 12:8

Maǹ min tɔ boe a yiriwoorobaa taman yii. Yirikɔkɔrɔdɛnaa wɔ n ka papaã nɛ.

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Efɛɛzi minin 5:15

Ka n yiri kɔ kaa giã ǹ gɔn li parsiini. Ka baran n dinin nyaa ka yiri baãnaan bɛ́ lɔn wa, sɛnɛ, ka n dinin nyaa ka sii-dɔ̃lin bɛ́ lɔn.

Piɛrɛ1 2:4

Ka n mɔrɔ Dɛnaa lɛ ganaa. A din lɛ n kɔlɔ yiikoonaa lɛ lɛa, minin nə́ n piã nɛ, sɛnɛ, a din lɛ-n Lawa bɔ, á n soɛ kɔlɔ tumaa nɛ a yɔrɔ-a.

Piɛrɛ1 2:7

Haya kəni, kasɛn golee Lawa li wolen lɛn, kɔlɔ kɛ lɛ a barka n kasɛn wɔ lɛa. Sɛnɛ, golee Lawa li baãnaan kɛn, bɛn wɔ á ke: «Kion-dɔlen nə n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa.

Samayeli1 18:29

Sayulu wusoo, á nyɛ́ɛ baa Davida nɛ á kaa li, á tɔ́n Davida baa zɔ́ɔ a yiikoonaabaa tumaa gɔ́ɔ̃ nɛ.

Samayeli1 18:5

Sayulu goã Davida diɛ woe koe bǎãn mɛnɛn tumaa lɛ, á goã gɔ̀lɔ̀baa yii. Sayulu Davida kũ á da a zia-baalin mìi la. Davida a sii goã siĩni zaman lɛ tumaa yii li. Á goã siĩni Sayulu a dí-nyalin dɔn yii li.

Samayeli1 19:8

Zia lɛ bɛ́ á wusoo á yoo, Davida woo zia baa Filisiti minin lɛn ganaa. Á ǹ dɛ babaraa, ǹ nə́ baa si a nyɛɛnɛ.

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.

Samayeli1 26:21

Sayulu nə́ n toa: «Má sii baraa zɛnaa. N bɔyaa n daa, maa nɛgiĩ Davida! Ma ba re sii baraa zɛnɛɛ n nɛ doo wa, a giala, pelo kɛ lɛ nɛ, n sàn kɔ ka masɛ a yiikoonaabaa-n wa. Taãnɛ, ma gaãnaabaa ǹ sii zɛnaa, má sã gole wɔ.»

Samayeli1 26:24

Ma bɛ́ ma sàn kɔ ka n yiikoonaabaa n lɔn pelo ke wa, Dɛnaa Lawa die a masɛ dɔ wɔ lɛ kũ miɛ̃, ka bɛ dɔ nɛ, Dɛnaa Lawa die a ma kanbaa foo ziziɛ̃ ǹ sii tumaa ganaa.»