Samayeli1 18:17 - LAWA A BOO SONBORE

¹⁷ Sayulu pɛ Davida nɛ: «Maa nɛlɔ goledɛnaa Meraabu lɛ á ke, man die a din lɛ koe n la lɔ lɛa. Sɛnɛ, n doa n dí nya masɛ nɛ, n Dɛnaa Lawa a zian da.» Sayulu na á goã taasɛ mà asɛ ba n gɔn diɛ Davida ganaa a dɛ wa, mà Filisiti minin die n dɛ.

LAWA A BOO SONBORE 2011

¹⁷ Sayulu pɛ Davida nɛ: «Maa nɛlɔ goledɛnaa Meraabu lɛ á ke, man die a din lɛ koe n la lɔ lɛa. Sɛnɛ, n doa n dí nya masɛ nɛ, n Dɛnaa Lawa a zian da.» Sayulu na á goã taasɛ mà asɛ ba n gɔn diɛ Davida ganaa a dɛ wa, mà Filisiti minin die n dɛ.

Samayeli1 18:17 ပူးပေါင်းရင်းမြစ်များ

Samayeli2 11:15

A boo mɛn kiɛ̃ sɛ́wɔ lɛ nɛ, á ke: «Zia lɛ bɛ́ wɛɛ̃-n bǎã mɛn nɛ, ka Urii da nyɛɛn walan, ka wusoo ka n bɔ a kio, màn mɛn bɛ́ toɛ ǹ dɛ a gã.»

Samayeli2 12:9

Wàa na á baa, n tá sàn koe ka Dɛnaa Lawa a boo ne, ń sii zɛnɛɛ, sii mɛn nə́ ke a kɔɔ̃n Lawa ganaa wa? Ń Ɛti tɔrɔ Urii dɛ zia la. N din nə n toa Amɔn tɔrɔn nə́ Urii dɛ. Bɛ kio, ń Urii a lɔ saa ń baa n din wɔ lɛa.

Samayeli2 6:16

Dɛnaa Lawa a goo lɛ bɛ́ we "Davida a kiwi" lɛ nɛ, Sayulu a nɛlɔ Miikali dɔ na á n yii kɔ fənɛtrə ne. Á kii Davida yɛ bɛ̀ biɛ, bɛ̀ á n paparɛ Dɛnaa Lawa yɔrɔ-a. Mikaali ná a puusə kɔ a din foo ne.

Loen 12:2

N dɔ ma lɛ, Dɛnaa Lawa! Min sonbore din banban doo wa. Foo doama a wole din ba minbuiinin bii doo wa.

Loen 55:21

Maa lɛlɛ a dàã kɛ lɛ nə́ n bɔyaa a giaáran li. Á lɛ kɔ kɔn la kɛ lɛ ziziɛ̃ wɔ biin ni.

Suusun 26:24

Min mɛn bɛ́ ǹ miãn tìĩ n boe n ne, a nə n duri a da ǹ boon kio, a n sii baraa taasɛ a gɔ́ɔ̃ nɛ.

Suusun 26:25

Ta á boo kɔɔ̃n da lɔn, n nyan nə n foo doa a ganaa wa. A giala, a gɔ́ɔ̃ piɛ̃maa-n ka taasiɛ baraan nɛ.

Suusun 26:26

Foo-yoo duru ǹ yiri tá a lon, sɛnɛ min tumaa á re a baraabaa kɛ doɛ̃.

Minin nimi 21:14

Bɛ lɛ nɛ, ǹ nə́ pɛ Dɛnaa Lawa a zia boon sɛ́wɔ kɛ nɛ: «Wayɛbu tà ke Sufaa, bɛ laanka a tà gòãn nɛ,

Minin nimi 32:20

Bɛ kio, Muizu pɛ ǹ nɛ: «Bɛ̀ ka bɛ zɛnaa, bɛ̀ ka ziabaa ǹ mànan goa Dɛnaa Lawa yɔrɔ-a ka woo zia la,

Minin nimi 32:27

Bɛ kio kəni, ziabaa ǹ mànan bɛ́ wɔ mɛnɛn tumaa ganaa wo ziabaa taman yii, wɔ á re kiɛ̃ Dɛnaa Lawa yɔrɔ-a wɔ wo zia lɛ la, ka wɔa dɛnaagiĩ pɛ lɔn.»

Minin nimi 32:29

Muizu lɛ na á pɛ ǹ nɛ: «Bɛ̀ Gaadi tɔrɔn lɛn laanka Urubɛn tɔrɔn lɛn nə́ ǹ ziabaa ǹ mànan goa ǹ nə́ Zurdɛ̃ tà kɛ kuru kun ka nɛ, ǹ nə́ woo zia baa Dɛnaa Lawa yɔrɔ-a, ǹ nə́ n dɔ ka lɛ ǹ nə́ gána lɛ da ka pàã giulun, ka die ka Galaati gána kɛ kɔ ǹ la ǹ bǎã lɛa.

Timəə dí-pɛn 17:7

Siéren lɛn dinin nə kɔlɔ kaã bɔ a ganaa bibinaa nɛ, bɛ kio, zaman lɛ tumaa zɛnaa miɛ̃ ǹ dɛ a gã. Bɛ á re toɛ, ka sii baraa bɔ ka bɔ ka bii.

Samayeli1 14:49

Sayulu a nɛgiĩn man nə́ goã ka Zonaatan nɛ, ka Zisiwii laanka Malkisuwa nɛ. A nɛlɔn man min paa. A goledɛnaa lɛ tɔ n Meraabu, asɛ a zizi tɔ n Mikaali.

Samayeli1 17:25

Izirayeli minin lɛn man nə́ goã pii: «Ka giĩ kɛ yɛ soe die? A n soe die giɛ Izirayeli minin lɛ li. Min mɛn bɛ́ re dii, kii lɛ á die pàãma baa ǹ màn gigiã koe la. Kii lɛ tá re a nɛlɔ koe la, a n dɛnaa a sumu minin goɛ̃ bɔ a bɔ nyin giɔ̀mɔ saraa nɛ.»

Samayeli1 17:36

Ma bin yàra dɛ, ká don màn babaraa kɔn nɛ. Kɛa Filisiti min soroma lɛ dɔ n die n biɛ ka bɛn goon bɛ́ lɔn, a giala, a na á sɔ kɔ Lawa Yiikoonaa a sɔraasin ganaa.»

Samayeli1 17:47

Zaman kɛ lɛ tumaa á re doɛ̃, mà Dɛnaa Lawa bie min sii diɛ ka gɔya nɛ, hinlaa ka sɛmiɛ̃-n wa. Zia a gɔ̀lɔ̀baa n Dɛnaa Lawa wɔ lɛa, a tá re ǹ we wɔ gɔn.»

Samayeli1 18:21

Sayulu na á goã taasɛ ma asɛ n die Mikaali koe Davida la, màn mɛn bɛ́ toɛ Mikaali na a mìi dɔ li, Filisiti minin gɔn die a dɔ ganaa. A gunyin paabaa ǹ wɔ n ke Sayulu n pii Davida nɛ mà a tá re asɛ daãgiĩ biɛ kanna.

Samayeli1 18:25

Sayulu nə́ n toa: – Ka pɛ Davida-n kɛnɛn: «Kii lɛ bɛ́ giɛ màn mɛn dinsɔɔ̃ li, a nɛlɔ lɛ a gɔn si ǹ wɔ lɛa, bɛ n ka Filisiti min giulun lɛpii paabiɛ nɛ (100), a kii lɛ a dòo bɔ nɛ a zɔ́ɔn ganaa.» Sayulu gɔ́ɔ̃ na á goã a ganaa bɛa yɔrɔ kɛ lɛ la, mà Filisiti minin lɛn gɔn nə dɔ Davida ganaa.

Samayeli1 18:27

Davida bɔ á mɛ zii la á woo ka a minin ni. Á min biɛpaa (200) dɛ Filisiti minin lɛn bii. Davida daa ka ǹ giulun lɛpiin ni, ǹ ná a lɛ-piɛ̃ kɔ kii lɛ nɛ, màn mɛn bɛ́ toɛ Davida kii lɛ daãgiĩ baa. Sayulu tɔ́n na a nɛlɔ Mikaali kɔ Davida la lɔ lɛa.

Samayeli1 25:28

Bǐɛ̃ kɔ n nə n bɛ̀rɛlɔ a sã toa nɛ. Dɛnaa Lawa tá re n biɛ kii lɛa, a nə n nɛnyaanan dɔn baa a lɛa, a giala, ń zian da, Dɛnaa Lawa a lɛa. N yiikoonaabaa tumaa gɔ́ɔ̃ nɛ, min baran baraa yɛ n paǹ li wa.

Samayeli1 30:26

Davida bɛ̀ á dɔ Siklagi kiwi, ǹ mànan mɛnɛn si, á bɛ kɔn pɔrɔ á dia a giaáran Zudaa min golen la, á pɛ ǹ nɛ kɛnɛn: «Mànan mɛnɛn nə n si Dɛnaa Lawa a zɔ́ɔn la, bɛ kɔn nə́ ke man bǐɛ̃ biɛ ka la nɛ.»