Samayeli1 17:47 - LAWA A BOO SONBORE

⁴⁷ Zaman kɛ lɛ tumaa á re doɛ̃, mà Dɛnaa Lawa bie min sii diɛ ka gɔya nɛ, hinlaa ka sɛmiɛ̃-n wa. Zia a gɔ̀lɔ̀baa n Dɛnaa Lawa wɔ lɛa, a tá re ǹ we wɔ gɔn.»

LAWA A BOO SONBORE 2011

⁴⁷ Zaman kɛ lɛ tumaa á re doɛ̃, mà Dɛnaa Lawa bie min sii diɛ ka gɔya nɛ, hinlaa ka sɛmiɛ̃-n wa. Zia a gɔ̀lɔ̀baa n Dɛnaa Lawa wɔ lɛa, a tá re ǹ we wɔ gɔn.»

Samayeli1 17:47 ပူးပေါင်းရင်းမြစ်များ

Kiin2 5:15

Naaman wusoo á daa Lawa a min Yiliizee li, kun ka a kiodɛnan tumaa nɛ. Naaman wɔ á woo golee Yiliizee nyɛɛnɛ, á pɛ: «Kanna, ma á doɛ̃, máa kanaa bǎã yii ni, Lawa banban bǎã kɔn nɛ, Izirayeli gána kio wa. Bǐɛ̃ kɔ sisia, n maa bǐɛ̃ baa ǹ màn si.»

KZS2 14:11

Ká Dɛnaa Lawa barka nɛ, Azaa laanka Zudaa minin nə́ gɔ̀lɔ̀baa yɛ Etiopii minin la, ǹ nə́ ǹ kaa baa la.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Rɔmu minin 8:37

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Zozoe 10:8

Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, má ǹ wɔ n gɔn. Min goon din ba re golee n nyɛɛn wa.»

Samayeli1 14:6

Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»

Samayeli1 18:17

Sayulu pɛ Davida nɛ: «Maa nɛlɔ goledɛnaa Meraabu lɛ á ke, man die a din lɛ koe n la lɔ lɛa. Sɛnɛ, n doa n dí nya masɛ nɛ, n Dɛnaa Lawa a zian da.» Sayulu na á goã taasɛ mà asɛ ba n gɔn diɛ Davida ganaa a dɛ wa, mà Filisiti minin die n dɛ.