Samayeli1 17:24 - LAWA A BOO SONBORE

²⁴ Bɛa giĩ kɛ lɛ, Izirayeli minin lɛn bɛ́ ǹ nə́ yɛ, nyɛ́ɛ nə́ ǹ kũ parsiini ǹ nə́ baa si.

LAWA A BOO SONBORE 2011

²⁴ Bɛa giĩ kɛ lɛ, Izirayeli minin lɛn bɛ́ ǹ nə́ yɛ, nyɛ́ɛ nə́ ǹ kũ parsiini ǹ nə́ baa si.

Samayeli1 17:24 ပူးပေါင်းရင်းမြစ်များ

Izayii 30:17

Zɔ́ɔ goon dinsɔɔ̃ n die nyɛ́ɛ diɛ ka ganaa, a kaa min duu goon gɔ̀nɔn da bìn diɛ ganaa. Zɔ́ɔ sooro n die nyɛ́ɛ diɛ ka ganaa, ka tumaa baa si. A giala nyɔmɔɔ li, kaa min mɛnɛn bɛ́ re goɛ̃, bɛn man die n biɛ ka sii giala pɛ ǹ màn bɛ́ lɔn kele mìi ni, ka zanzan bɛ́ lɔn tenten la.

Izayii 7:2

Lɛ dia dɔ Davida tɔrɔ Ahaazi ganaa, ka a kiodɛnan tumaa nɛ, mà Siirii minin nə́ wɔ Efrayimu gána nɛ. Bɛa kibərə lɛ bìn da kii laanka a zaman ganaa parsiini ka piɛ̃ bɛ́ bìn diɛ da ganaa lɔn.

Lawa a wúlu-bɔlen 26:36

Kaa min mɛnɛn yii bɛ́ re goɛ̃ koo, ma á re foo biɛ niɛ diɛ bɛn ganaa, kaa zɔ́ɔn lɛn gána nɛ. Ta da luu na á na lon á mɛnaa, ǹ tá re n gòã diɛ baa nɛ. Ǹ tá re baa sii ka min nə ǹ kio ka gɔya sa nɛ. Ǹ tá re boe bɛ̀ ǹ nə n duduwəə tán min dɔ ná a bie ǹ lui wa.

Minin nimi 13:33

Wɔ min mɛnɛn tumaa yɛ a nɛ, maǹ sɔsɔrɔ. Wɔ́ Anaaki tɔrɔn yɛ a nɛ, bɛa min sasa gegere tɔrɔn kɛn lɛn. Wɔ́ goã giɛ wɔ dinin ganaa bisinin lɛa ǹ genli, ǹ dɔn yii na á goã wɔsɛn ganaa miɛ̃ lɛn.»

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?

Samayeli1 17:11

Filisiti min lɛ boon mɛnɛn da, Sayulu laanka Izirayeli minin tumaa bɛn ma. Nyɛ́ɛ gole nə́ ǹ kũ, á ǹ gù yii dɛ.

Samayeli1 17:23

A Davida toa boo diɛ ǹ nɛ, bɛ̀ sɛ̀mɔɔ lɛ á ke á soo Filisiti minin sɔraasin li. A tɔ n Goliati, Filisiti min mɛn lɛ á ke boe Gaati. A goã boo mɛn diɛ lɛlɛ, á wusoo á bɛ lɛ miã da doo, Davida ma.

Samayeli1 17:25

Izirayeli minin lɛn man nə́ goã pii: «Ka giĩ kɛ yɛ soe die? A n soe die giɛ Izirayeli minin lɛ li. Min mɛn bɛ́ re dii, kii lɛ á die pàãma baa ǹ màn gigiã koe la. Kii lɛ tá re a nɛlɔ koe la, a n dɛnaa a sumu minin goɛ̃ bɔ a bɔ nyin giɔ̀mɔ saraa nɛ.»