Samayeli1 14:18 - LAWA A BOO SONBORE

¹⁸ Sayulu pɛ Ayia nɛ: «Dɛnaa Lawa a goo lɛ wɔlɔ kunu kɔ.» A giala, bɛa biikoo lɛ li, Dɛnaa Lawa a goo lɛ goã a tan Izirayeli nɛnyaanan lɛn li.

LAWA A BOO SONBORE 2011

¹⁸ Sayulu pɛ Ayia nɛ: «Dɛnaa Lawa a goo lɛ wɔlɔ kunu kɔ.» A giala, bɛa biikoo lɛ li, Dɛnaa Lawa a goo lɛ goã a tan Izirayeli nɛnyaanan lɛn li.

Samayeli1 14:18 ပူးပေါင်းရင်းမြစ်များ

Samayeli2 11:11

Urii mà Davida ganaa: «Lawa a *lɛ kɔ kɔn la ǹ goo kɛ nɛ, Izirayeli minin laanka Zudaa minin ni, bɛn giã ǹ bǎã kɔsɔ banban á kiɛ̃ mɔnaa kion kɛ la wa. Maa dɛnaagiĩ Zoabu laanka a kiodɛnan man diə gole kɛ nɛ. Masɛ n yui ma wo piɛ kəni ma màn bii, ma maǹ mi, ma giã kun ka maa lɔ nɛ? A n din yii toa koo, n nə́ tɔn fɔfoã sii, masɛ a bɛa sii kɛ miã zɛnɛɛ wa.»

Minin nimi 27:21

Zozoe lɛ die a goã bɛ̀ a golee Lawa a wúlu-bɔle Eleyazaara kɛ yɔrɔ-a, bɛ̀ a ga a sii giala li Lawa li, ka Lawa dùũ dɔ ǹ mànan kɛn nɛ. Zozoe lɛ laanka Izirayeli zaman lɛ die a Eleyazaara lɛ bɔlɔ si ka sii yii ni.»

Sii yɔrɔ-bɔlen 20:18

Izirayeli minin lɛn nə́ yoo, ǹ nə́ woo Betɛli, ǹ nə́ nɔ̀n da Lawa la kɛnɛn: «Wɔsɛn tɔrɔn lɛn mɛn nə die woe zia biɛ Bɛnzamɛn tɔrɔn lɛn ganaa bibinaa nɛ?» Dɛnaa Lawa nə́ ǹ lɛ si: Zudaa tɔrɔn man die woe bibinaa nɛ.

Samayeli1 14:17

Zaman mɛn bɛ́ kun ka Sayulu ni, Sayulu pɛ ǹ nɛ: «Ka tɔn bíi, ka ga a ganaa min mɛn bɛ́ á soo wɔsɛn bii.» Ǹ nə́ tɔn bii, Zonaatan laanka a ziabaa ǹ mànan-guli goã ǹ tan wa.

Samayeli1 14:36

Sayulu pɛ: «Tèlò-n, ka daa wɔ Filisiti minin lɛn kio loo. Wɔ n die ǹ mànan kokoe yǎa lɛ̀ wɛɛ. Wɔ n die ǹ tumaa lɛ naɛ.» Ǹ nə́ pɛ Sayulu ni: «Màn mɛn bɛ́ siĩni n yii li, bɛ zɛnaa.» Lawa a wúlu-bɔle tɔ́n pɛ: «Toa wɔ nɔ̀n da Dɛnaa Lawa la kànaa dinin.»

Samayeli1 23:9

Davida bɔ a siére-a, mà Sayulu n sii baraa yɔrɔ boe asɛ taman yii. Á tɔ́n pɛ Lawa a wúlu-bɔle Abiataara nɛ: «Da ka Lawa a dí nya ǹ mɔnaa lɛ nɛ.»

Samayeli1 5:2

Filisiti minin nə́ Lawa a goo lɛ saa. Ǹ dì mɛn bɛ́ ǹ nə́ bíi Daagɔn ǹ nə́ woo da bɛ genli a kion.

Samayeli1 7:1

Kiriyati-Yarimu kiwi minin nə́ daa Dɛnaa Lawa a goo lɛ saa, ǹ nə́ woo ne. Ǹ nə́ woo ne Abinaadaabu a kion, tenten la, bɛ kio, ǹ ná a nɛgiĩ Eleyazaara bɔ ǹ nə́ koa, mà a ga Dɛnaa Lawa a goo lɛ walan.