Samayeli1 13:19 - LAWA A BOO SONBORE

¹⁹ Izirayeli gána kuturu lɛ nɛ, min goã n niɛ̃ fuũ-n doo wa, a giala, Filisiti minin lɛn man nə́ goã ǹ nə́ taasɛ mà a doamaa bie Ebrəən lɛn nə́ gɔya san laanka sɛmiɛ̃n zɛnaa wa.

LAWA A BOO SONBORE 2011

¹⁹ Izirayeli gána kuturu lɛ nɛ, min goã n niɛ̃ fuũ-n doo wa, a giala, Filisiti minin lɛn man nə́ goã ǹ nə́ taasɛ mà a doamaa bie Ebrəən lɛn nə́ gɔya san laanka sɛmiɛ̃n zɛnaa wa.

Samayeli1 13:19 ပူးပေါင်းရင်းမြစ်များ

Kiin2 24:14

Baabilonii gána a kii lɛ Zeruzalɛmu kiwi min tumaa goa, kii kiodɛnan tumaa nɛ, pàãman tumaa nɛ, á woo ǹ ne bɛ̀rɛbaa ǹ bǎã nɛ. A wo ka min mɛnɛn nɛ, ǹ tumaa a kaa kun min duu fù (10 000), ka da-sɛlɛlin laanka fuũn ni. A na á n zɔ̃ á goã gána lɛ a doobaan dininsɔɔ̃nɔn li.

Izayii 54:16

Ga, ma din ni ma fuũ zɛnaa, asɛ mɛn bɛ́ tɛ pii nyɔɔ fuu belenbelen ganaa, a n ziabaa ǹ màn tɔrɔ tumaa zɛnɛɛ. Min mɛn dɔ bɛ́ boe la a bɛa ziabaa ǹ mànan kɛn lɛn ziziɛ̃, ma din ni má a dɔ zɛnaa.

Zeremii 24:1

Baabiloniin kii Nebukadenezɔɔrɔ Zudaan kii Zoakimu a nɛgiĩ Yekonia laanka a nyɛɛnaandɛnan goa Zeruzalɛmu á woo ǹ ne *Baabilonii kɔnlɛ ka a fuũn ni, ka a gɔn dí-nyalin ni. Bɛ kio, Dɛnaa Lawa gɔ́rɔ nɛ káka màn paa nyaa ma nɛ koa-n tán Lawa a kion yɔrɔ-a.

Zeremii 29:2

Bɛ giala mà kii Yekonia nɛ, kii ǹ dan nɛ, kii a dí-nyali dadaran nɛ, Zudaa laanka Zeruzalɛmu a kiãn nɛ, fuũn ni ka gɔn dí-nyalin ni.

Sii yɔrɔ-bɔlen 5:8

Maǹ nə́ goã lawa tiin boe, bɛ lɛ nɛ, zia goã yui ǹ ganaa. Izirayeli giĩ duu pusi bii, á kaka n goóro laanka sɛmiɛ̃ yɛ ǹ gɔn.

Samayeli1 13:20

Izirayeli minin man nə́ goã woe ǹ dí nya ǹ mànan lɛ dii, Filisiti minin lɛn li: diin kána sɔ nɛ, kána nɛ, sukun ni, sɛ̀miɛ̃ nɛ, sɛǹ gɔya nɛ.