Samayeli1 12:21 - LAWA A BOO SONBORE

²¹ Ka baran ǹ paǹ kɔ wa. Bɛ̀ bie wa, ka ǹ die koe màn kokooron kio lɛ, mànan mɛnɛn bɛ́ ǹ ba sii kɔn bǐɛ̃ koe wa, ǹ nə́ ǹ ba min dɔ boe sii-n wa. A giala, maǹ màn kooroon lɛa.

LAWA A BOO SONBORE 2011

²¹ Ka baran ǹ paǹ kɔ wa. Bɛ̀ bie wa, ka ǹ die koe màn kokooron kio lɛ, mànan mɛnɛn bɛ́ ǹ ba sii kɔn bǐɛ̃ koe wa, ǹ nə́ ǹ ba min dɔ boe sii-n wa. A giala, maǹ màn kooroon lɛa.

Samayeli1 12:21 ပူးပေါင်းရင်းမြစ်များ

Kiin2 17:15

Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

Izayii 41:29

Á ke, ǹ ba màn kɔn lɛa wa, ǹ ba màn kɔn zɛnɛɛ wa. Ǹ dìn kɛn man piɛ̃ lɛa, màn kooron lɛa.

Izayii 45:20

Kasɛn mɛnɛn yii goã koo tɔrɔn bii, ka n sɔkɔn ka daa, ka n zɔ̃ ka dɔ. Min mɛnɛn bɛ́ dì nyín guĩ ǹ gɔn, gɔn sɛlɛɛ lɛa, ǹ nə́ ǹ guguru koe, dìn mɛnɛn bɛ́ ǹ ba boe la ǹ tá ǹ kirisibiɛ wa, bɛn man yiriwɛɛnaan lɛa.

Izayii 46:7

Bɛ kio, maǹ siɛ ǹ da ǹ kɔrɔn, ǹ wo koa bǎã kɔn nɛ. Maǹ koɛ tán, a ná a bìn diɛ doo wa. Ta min nə n lɛ dɛ a ganaa, a ba n dɛnaa lɛ sii wa. Koe biikoo li, a min kɔn kirisibiɛ wa.

Zeremii 10:15

Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 10:8

Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Zeremii 14:22

Tɔrɔ kɔsɔn lawa kooron kɛn bii, màn tá ǹ bii a n boe la a n die ka la nɛ? Mu lɛ n boe lon kiɛ a din li? N din Dɛnaa Lawa, wɔa Lawa a nya ǹ dí bie wa? Wɔ foo n doa nɛ n din ganaa. A giala, n din ni bɛa siin kɛn lɛn tumaa zɛnɛɛ.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 2:5

Dɛnaa Lawa bɛ́ màn mɛn pii, á ke: Ka digolon tá sã goon yii ǹ ma zɛ̀rɛ baa nɛ? Ǹ nə́ n wɔlɔ lui ma ganaa, ǹ nə́ koe dìn lɛ, ǹ mɛnɛn bɛ́ ǹ ba màn kɔn lɛa wa, ǹ dininmaan dɔn nə́ màn kooron baa.

Zonaasi 2:8

Maa fɔfoã bɛ́ re nyɛɛ, ma yiri gisĩ ka n din ni Dɛnaa Lawa, maa nyankɔ dɔ n din li n kion sonbore kɛ nɛ.

Zonaasi 2:9

Min mɛnɛn bɛ́ n parɛɛ dì guguru kɔ ganaa, bɛn man Lawa a bǐɛ̃ kɛ a zii tiɛ̃ ǹ dinin ganaa.

Abakuku 2:18

Dì zɛnaa a là n ka wàa nɛ? Gɔn kooro ne ǹ nə́ sɛlɛ. Fɔlɔ màn nyín zɛnaa nɛ, a n minin kiɛ golee soɛ li ganaa. Gɔn dí-nyali na á zɛnaa, a ba boo diɛ wa. A n siɛ lɔn kəni gɔn dí-nyali kɛ tá n foo doɛ a ganaa.

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Timəə dí-pɛn 11:16

Ka n dinin kũ, ka nyan toa kaa taasiɛ nə n bɔyaa, ka wusoo ka wo kaa tán lawa kɔsɔn giulun, ka mà ka n bɛn guguru koe wa.

Timəə dí-pɛn 30:17

Sɛnɛ, bɛ̀ kaa taasiɛ nə́ n bɔyaa, bɛ̀ ka n too kɔ wa, bɛ̀ ká toa minin nə́ ka kaa lawa kɔsɔn guguru kɔ ganaa, yǎa ka dí nya bɛn manɛ,

Timəə dí-pɛn 32:21

Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.