Samayeli1 12:20 - LAWA A BOO SONBORE

²⁰ Samayeli pɛ zaman lɛ nɛ: «Ka baran nyɛ́ɛ baa wa! A laanɛ ka dinin man ka sii baraa bɔbɔnɛɛ kɛ zɛnaa ke, ka baran n paǹ kɔ Dɛnaa Lawa-n wa. Sɛnɛ ka Dɛnaa Lawa guguru kɔ ka ka foo din tumaa nɛ.

LAWA A BOO SONBORE 2011

²⁰ Samayeli pɛ zaman lɛ nɛ: «Ka baran nyɛ́ɛ baa wa! A laanɛ ka dinin man ka sii baraa bɔbɔnɛɛ kɛ zɛnaa ke, ka baran n paǹ kɔ Dɛnaa Lawa-n wa. Sɛnɛ ka Dɛnaa Lawa guguru kɔ ka ka foo din tumaa nɛ.

Samayeli1 12:20 ပူးပေါင်းရင်းမြစ်များ

Loen 101:3

Ma ba re toɛ ma yii bɔ *gɔ̀ sii kɔn li wa. Wusoo Lawa kio wolen sii zɛnaa ǹ gɔn ba kɔɔ̃n ma ganaa wa, a gìĩ din ba ma dii wa.

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 40:4

Á loe tii wɔ ma lɛ-n, wɔa Lawa lɛ tɔ bɔ ǹ loe lɛa. Min gigiã á re yii, ǹ tá re nyɛ́ɛ biɛ, ǹ tá re n foo doɛ Dɛnaa Lawa ganaa.

Bɔ bɛ̀rɛbaa nɛ 23:25

Bɛ̀ ka dí nya kaa Dɛnaa Lawa dinsɔɔ̃ nɛ, ma din kɛ lɛ, ma á re barka we kaa màn-bii ni ka kaa mu ni. Ma á re ka kanbiɛ busu ganaa.

Bɔ bɛ̀rɛbaa nɛ 32:30

A lɛawaa, Muizu pɛ zaman lɛ nɛ: «Ka n ka sii baraa gole taãn-taãn zɛnaa. Sɛnɛ, man die dii kele lɛ la, ma wo Dɛnaa li kanna, kɔntan á re masɛ a nyankɔ sii, a kaa sã toa ka nɛ.»

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Azee 2:5

Ma lɛ kɔ kɔn la mɛn wɔ ka ka nɛ bɛ̀ ka bɛ́ ka soo Ezipti gána nɛ, ma yiri tá kun ka nɛ biikoo tumaa li, ka nyan nyɛ́ɛ baa màn kɔn nɛ wa.

Timəə dí-pɛn 10:12

Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 11:16

Ka n dinin kũ, ka nyan toa kaa taasiɛ nə n bɔyaa, ka wusoo ka wo kaa tán lawa kɔsɔn giulun, ka mà ka n bɛn guguru koe wa.

Timəə dí-pɛn 31:29

A giala, ma á doɛ̃, máa maa gɛ̀ kio, ka tá re n dinin ziziɛ̃. Ma zii mɛn nyaa ka nɛ, ka tá re kanɛɛ ka n bɔ bɛ la. Bɛa giala-nyɔmiɛ̃ lɛ á re bɔ̀n biɛ ka ganaa. A giala, sii mɛn bɛ́ a ba siĩni Dɛnaa Lawa yii li wa, ka n die bɛ lɛ zɛnɛɛ, ka a foo yoo ne.»

Zozoe 23:6

Sɛnɛ, ka n gù we yii taãn-taãnɛ, màn mɛn tumaa bɛ́ kiɛ̃-n Muizu a landa sɛ́wɔ kɛ nɛ, ka n doa ka kɔ bɛ lɛ. Ka nyan kanaa ka wo gusin wa, ka nyan kanaa ka wo gɔsɛ wa.

Piɛrɛ1 3:16

Sɛnɛ, ka bɛ zɛnaa ka foo-basiɛ̃ nɛ, ka min kɔsɔ guguru kɔ nɛ. Ka baran toa ka foo ka zɛ̀rɛ baa ka sii kɔ́n nɛ wa, màn mɛn bɛ́ toɛ, ta maǹ ka tɔ ziziɛ̃ ka sii kɔ́n nɛ, min mɛnɛn dinin bɛ́ boo baraa diɛ ka ganaa, kaa tɔ wɔ ǹ gɔn sonbore kɛ a lɛa kun ka Krita nɛ, sìi wusoo a bɛn kũ.

Samayeli1 12:19

Zaman lɛ tumaa pɛ Samayeli ni: «Dɛnaa Lawa lɛ, n Lawa lɛa, a nyankɔ n di-nyanlin lɛn lɛa, màn mɛn bɛ́ toɛ, wɔ baran gã wa. A giala, wɔa sii baraan lɛn tumaa a là kaa, ka wɔa ga kii li kɛ nɛ.»