Samayeli1 12:19 - LAWA A BOO SONBORE

¹⁹ Zaman lɛ tumaa pɛ Samayeli ni: «Dɛnaa Lawa lɛ, n Lawa lɛa, a nyankɔ n di-nyanlin lɛn lɛa, màn mɛn bɛ́ toɛ, wɔ baran gã wa. A giala, wɔa sii baraan lɛn tumaa a là kaa, ka wɔa ga kii li kɛ nɛ.»

LAWA A BOO SONBORE 2011

¹⁹ Zaman lɛ tumaa pɛ Samayeli ni: «Dɛnaa Lawa lɛ, n Lawa lɛa, a nyankɔ n di-nyanlin lɛn lɛa, màn mɛn bɛ́ toɛ, wɔ baran gã wa. A giala, wɔa sii baraan lɛn tumaa a là kaa, ka wɔa ga kii li kɛ nɛ.»

Samayeli1 12:19 ပူးပေါင်းရင်းမြစ်များ

Siin Giala 20:7

Sisia, giĩ lɛ a lɔ lɛ kɔ la. A giala, Lawa a boo gii-dali ni, á die Lawa nyankoe n lɛa, màn mɛn bɛ́ toɛ n nyin goã. Bɛ̀ n kɔ la wa, a dɔ̃ mà n din laanka n minin tumaa á re giɛ̃, sàabaa ná a ba la wa.»

Zɔbu 37:13

Bɛ̀ a tá li a dɔlɔ bɔ kanaa ganaa, hinlaa a bǐɛ̃ zɛnaa nɛ, a n labaran lɛn boe a ǹ dia.

Zɔbu 42:8

A bɛ́ miɛ̃, ka dii gɔ̀lɔ̀ sɔbaa kũ ka sère gɔ̀lɔ̀ sɔbaa nɛ, ka wo ǹ ne maa dí-nyali Zɔbu li, ka baa *wúlu màn tiɛ̃ lɛa. Maa dí-nyali Zɔbu á re Lawa nyankoe kaa lɛa. A Lawa nyankɔ lɛ a lɛa, a laanɛ ka boo sonbore da masɛ wɔ paǹ li ka Zɔbu wɔ bɛ́ lɔn wa, ma a re ka kuĩ bɛ li wa.»

Bɔ bɛ̀rɛbaa nɛ 10:17

Kanna kəni, man ka nyankoe, máa ka maa sã toa ma-n doo. Ka kaa Dɛnaa Lawa lɛ nyankɔ, a bǐɛ̃ kɔ a dɔlɔ baraa kɛ saa a bɔ ma mìi ni.»

Bɔ bɛ̀rɛbaa nɛ 32:30

A lɛawaa, Muizu pɛ zaman lɛ nɛ: «Ka n ka sii baraa gole taãn-taãn zɛnaa. Sɛnɛ, man die dii kele lɛ la, ma wo Dɛnaa li kanna, kɔntan á re masɛ a nyankɔ sii, a kaa sã toa ka nɛ.»

Bɔ bɛ̀rɛbaa nɛ 9:28

Ka Dɛnaa lɛ nyankɔ. La a paraa lɛ laanka la gii lɛ la yii ni. Ma á re toɛ ka woo, ka a re beleboe kànaa doo wa.»

Izayii 26:16

Dɛnaa Lawa, koe biikoo li, manə n bɔyɛɛ die n din li. Bɛ̀ ń dɔlɔ bɔ ǹ ganaa, manə n nyankoe ka lɛn basiɛ̃ nɛ.

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 27:18

Bɛ̀ bɛa minin lɛn man Lawa a boo gii-dalin lɛa, bɛ̀ maǹ Lawa a boo gii diɛ sonbore, ǹ doamaa bɛ́ nɛ ǹ màn mɛn nyankɔ Dɛnaa Lawa Pàãyiidɛnaa lon, bɛ n ka kɛ nɛ: Màn giɔ̀mɔ kakan mɛnɛn bɛ́ tɔn Lawa a kion, Zudaan kii a kion ka Zeruzalɛmu kiwi ni, ǹ nyan toa bɛn nə wo Baabilonii wa.

Zeremii 37:3

A da yaa, kii Sedekiasi na á Selemia a nɛgiĩ Yukaali laanka Maseya a nɛgiĩ Lawa a wúlu-bɔle Sefania dia Zeremii li. Ǹ nə́ pɛ-n kɛnɛn: «Dɛnaa Lawa, wɔa Lawa nyankɔ wɔa lɛa!»

Zeremii 42:2

ǹ nə́ woo dɔ Lawa a boo gii-dali Zeremii li ǹ nə́ pɛ nɛ: «Baalaa wɔ n wɔa nyankɔ lɛ si! Dɛnaa Lawa, n Lawa nyankɔ wɔsɛn yiikoonaan kɛn lɛa. Wɔ́ kiɛɛrɛ kɔ á la yii ni ka n din yii bɛ́ a ganaa lɔn.

Malakii 1:9

Kanna ka n doa ka ma nyankɔ, masɛ, kaa Lawa, ń giɛ maa zaman lɛ makara á ma kuĩ. Ka n taasɛ mà ma á re n too koe ka lon sonbɔraanɛ kaa sii zɛnaa kɛ kio. Bɛ a yɔrɔ yii wa.

Minin nimi 21:7

Zaman lɛ tɔ́n daa dɔ Muizu li, ǹ nə́ pɛ nɛ: «Wɔsɛn nə́ sii baraa zɛnaa, a giala, wɔ boo da n laanka Dɛnaa Lawa ganaa. Dɛnaa Lawa nyankɔ, a miɛ̃n lɛn wɔlɔ lui wɔ ganaa.» Muizu Lawa nyankɔ zaman lɛ a lɛa.

Nya ǹ dín 8:24

Simɔn pɛ: «Ka dininmaan nə Dɛnaa lɛ nyankɔ masɛ a lɛa, màn mɛn bɛ́ toɛ, ka sii mɛn boo da masɛ wɔ gɔn la, bɛ kɔ́n baran n zɛnaa masɛ-n wa.»

Zaaki 5:15

Bɛa Lawa nyan kɛ lɛ á n kɔ ka goleemali ni, bɛ á die busulə lɛ kirisibiɛ. Dɛnaa á die kakabaa koe la. Bɛ̀ sii baraa dɔ tá a mìi ni, á die bɛ dɔ toɛ nɛ.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.

Samayeli1 12:13

Sisia, ka min mɛn bɔ kii lɛa á ke. Ka dinin man ka nɔ̀n da nɛ, á ke Dɛnaa Lawa koa ka mìi la sisia.

Samayeli1 12:17

Táa *belee kurii biikoo n ka kɛ-n sisia? Masɛ n die Dɛnaa Lawa nyankoe. Á re die ka la a paraa laanka la nɛ. Bɛ̀ bɛ nə́ n zɛnaa, ka tɔn dɔ̃ kəni mà ka nɔ̀n mɛn da Dɛnaa Lawa la ka kii-n ke, sii baraa gole ne, ka zɛnaa Dɛnaa Lawa yii li.

Samayeli1 12:20

Samayeli pɛ zaman lɛ nɛ: «Ka baran nyɛ́ɛ baa wa! A laanɛ ka dinin man ka sii baraa bɔbɔnɛɛ kɛ zɛnaa ke, ka baran n paǹ kɔ Dɛnaa Lawa-n wa. Sɛnɛ ka Dɛnaa Lawa guguru kɔ ka ka foo din tumaa nɛ.

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.

Samayeli1 7:5

Samayeli pɛ: «Ka Izirayeli kuturu lɛ sɔkɔn Misipaa, masɛ n die Dɛnaa Lawa nyankoe kaa lɛa.»

Samayeli1 7:8

Izirayeli minin lɛn nə́ pɛ Samayeli ni: «N baran n lɛ tã wa! N doa n nə lɛ dɛ Dɛnaa Lawa, wɔa Lawa lɛ ganaa wɔsɛn lɛa, màn mɛn bɛ́ toɛ, a wɔ si Filisiti minin la.»

Samayeli1 8:6

Ǹ dinin pɛ kɛ lɛ, mà Samayeli kii kɔ ǹsɛn la, a ǹsɛn sii yɔrɔ bɔ, bɛ kɔɔ̃n kɔ Samayeli ganaa wa. Samayeli tɔ́n Dɛnaa Lawa nyankɔ.