Samayeli1 12:17 - LAWA A BOO SONBORE

¹⁷ Táa *belee kurii biikoo n ka kɛ-n sisia? Masɛ n die Dɛnaa Lawa nyankoe. Á re die ka la a paraa laanka la nɛ. Bɛ̀ bɛ nə́ n zɛnaa, ka tɔn dɔ̃ kəni mà ka nɔ̀n mɛn da Dɛnaa Lawa la ka kii-n ke, sii baraa gole ne, ka zɛnaa Dɛnaa Lawa yii li.

LAWA A BOO SONBORE 2011

¹⁷ Táa *belee kurii biikoo n ka kɛ-n sisia? Masɛ n die Dɛnaa Lawa nyankoe. Á re die ka la a paraa laanka la nɛ. Bɛ̀ bɛ nə́ n zɛnaa, ka tɔn dɔ̃ kəni mà ka nɔ̀n mɛn da Dɛnaa Lawa la ka kii-n ke, sii baraa gole ne, ka zɛnaa Dɛnaa Lawa yii li.

Samayeli1 12:17 ပူးပေါင်းရင်းမြစ်များ

Loen 99:6

Muizu laanka Aarɔn nə kun a wúlu-bɔlen ne. Samayeli sɛ n kun a tɔ-bíilin ni. Bɛn man nə́ goã Dɛnaa Lawa lɛ tɔ bíi, á goã ǹ lɛ dɔ sii.

Bɔ bɛ̀rɛbaa nɛ 32:30

A lɛawaa, Muizu pɛ zaman lɛ nɛ: «Ka n ka sii baraa gole taãn-taãn zɛnaa. Sɛnɛ, man die dii kele lɛ la, ma wo Dɛnaa li kanna, kɔntan á re masɛ a nyankɔ sii, a kaa sã toa ka nɛ.»

Suusun 26:1

Nyan ba woe kun ka tɛ̀fuu n wa. Min kɔn ba giɛ la li kaa-piɛ waáraa wa. A din yii goon ne, baãnaa kɔnbɔ ka guguubaa-n wa.

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zozoe 10:12

Dɛnaa Lawa bɛ́ á Amɔɔrɔ tɔrɔn lɛn wɔ Izirayeli minin lɛn gɔn ǹ mɛn pinaa, Zozoe boo da Dɛnaa Lawa nɛ, á pɛ Izirayeli minin lɛn yɔrɔ-a: «Wasa, golee Gabawɔ̃ lalan, nsɛ mui dɔ, golee Ayalɔn a nyankɔrɔ basa kɛ lalan!»

Samayeli1 12:13

Sisia, ka min mɛn bɔ kii lɛa á ke. Ka dinin man ka nɔ̀n da nɛ, á ke Dɛnaa Lawa koa ka mìi la sisia.

Samayeli1 12:19

Zaman lɛ tumaa pɛ Samayeli ni: «Dɛnaa Lawa lɛ, n Lawa lɛa, a nyankɔ n di-nyanlin lɛn lɛa, màn mɛn bɛ́ toɛ, wɔ baran gã wa. A giala, wɔa sii baraan lɛn tumaa a là kaa, ka wɔa ga kii li kɛ nɛ.»

Samayeli1 2:10

Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»

Samayeli1 7:5

Samayeli pɛ: «Ka Izirayeli kuturu lɛ sɔkɔn Misipaa, masɛ n die Dɛnaa Lawa nyankoe kaa lɛa.»

Samayeli1 8:6

Ǹ dinin pɛ kɛ lɛ, mà Samayeli kii kɔ ǹsɛn la, a ǹsɛn sii yɔrɔ bɔ, bɛ kɔɔ̃n kɔ Samayeli ganaa wa. Samayeli tɔ́n Dɛnaa Lawa nyankɔ.

Samayeli1 8:7

Dɛnaa Lawa pɛ Samayeli ni: «Zaman lɛ bɛ́ re boo mɛn din tumaa diɛ, n too kɔ a ganaa, a giala, nsɛ Samayeli bie ǹ tá n piɛ̃-n wa, masɛ din ni. Ǹ ba li masɛ goã ǹ mìi la doo wa.