Samayeli1 10:7 - LAWA A BOO SONBORE

⁷ Bɛ̀ ń bɛa siin kɛn lɛn yɛ n zɛnɛɛ ǹ mɛn waáraa, n gɔn bɛ́ re kɔnpii ka sii woo sii ni, bɛ zɛnaa, a giala Lawa tá kunun n ni.

LAWA A BOO SONBORE 2011

⁷ Bɛ̀ ń bɛa siin kɛn lɛn yɛ n zɛnɛɛ ǹ mɛn waáraa, n gɔn bɛ́ re kɔnpii ka sii woo sii ni, bɛ zɛnaa, a giala Lawa tá kunun n ni.

Samayeli1 10:7 ပူးပေါင်းရင်းမြစ်များ

Siin Giala 21:20

Lawa nə́ n dɔ nɛginin lɛ lɛ, yǎa á gole kɔ. Á giã Paaran don, á n baa sa-zũli gole lɛa.

Samayeli2 7:3

Natan tɔ́n pɛ kii lɛ nɛ: «Ń bɛ́ li n sii mɛn tumaa zɛnaa, wo zɛnaa, a giala, Dɛnaa Lawa tá kunun n ni.»

Zɔbu 31:25

Ma bin nə n nyɛnyɛɛ maa màn a mɔnaabaa kɛ taman yii wa. Ma bin nə n nyɛnyɛɛ ma gɔn màn a gigiãbaa kɛ taman yii wa.

Bɔ bɛ̀rɛbaa nɛ 4:8

Dɛnaa pɛ-n kɛnɛn: «Haya! Bɛ̀ ǹ lɛ kɔ, ǹ nə́ n too kɔ n lon, sii-nyaa bibinaa kɛ a lɛa wa, ǹ tá re n too koe n lon a paabaa ǹ wɔ kɛ a lɛa.

Boo-laakalaali 9:10

N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Luku 2:12

Ka bɛ́ re doɛ̃ màn mɛn li, bɛ n ka kɛ nɛ: Ka á die nɛnyaan tiɛɛ̃n yii, tɔɔn màn bii ǹ goo ne, mɔnaa gɔnɔn nə́ pɛnɛɛ nɛ a ganaa.»

Zaã a sɛ́wɔ 6:14

Minin bɛ́ ǹ nə́ bɛa kaãbaa ǹ sii kɛ lɛ yɛ á n zɛnaa, ǹ nə́ tɔ́n pɛ: «Lawa a boo gii-dali mɛn doamaa bɛ́ a da kanaa gɔ́ɔ̃ nɛ, a din lɛ n ka kɛ-n sonbore!»

Timəə dí-pɛn 20:1

Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»

Zozoe 1:5

A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Sii yɔrɔ-bɔlen 6:12

Dɛnaa a lon a dia dí-a wole lɛ nə́ n din nyaa nɛ, á pɛ-n kɛnɛn: Dɛnaa Lawa tá kunun n ni, zia-baali zanbia gole!

Sii yɔrɔ-bɔlen 9:33

Baayɛlɛ, wasa a bɔ tán waáraa gɔrɔ, n yoo n wo kiwi lɛ gialaa fufuu. Bɛ̀ Gaali soo á daa n gialaa kun ka a minin lɛn tumaa nɛ, n bɛ́ boe sii mɛn la, n bɛ zɛnaa nɛ.

Samayeli1 2:34

Sii mɛn bɛ́ re n nɛgiĩ min paa lɛ yii, Ɔfuni laanka Fineyasi, bɛ n die sii a kɔnboe biɛ n gɔn. Ǹ dinin paanan tá re giɛ̃ pinin goon.

Samayeli1 20:13

Bɛ̀ á daa yaa, á tá ma di lɛ gɔ́ɔ̃ nɛ mà a baraa zɛnaa n nɛ, ma á die pii n ni, man da zii n wo ka là nyantoro ne. Sɛnɛ, bɛ̀ a ba miɛ̃ wa, bɛ̀ ma pɛ n nɛ wa, Dɛnaa Lawa die a dɔlɔ babaraa bɔ masɛ Zonaatan ganaa. Dɛnaa Lawa die a goã kunun n ni, ka a goã kun ka masɛ a díi-n lɔn!

Samayeli1 3:19

Samayeli bɛ́ gole koe woe, Dɛnaa Lawa goã kun ni, a boon lɛn kɔn goã kooro, lɛ-pã baã wa.