Samayeli1 10:3 - LAWA A BOO SONBORE

³ Sayulun bɛ́ bǎã mɛn nɛ, bɛ̀ ń woo nyɛɛnɛ sɔsɔɔ á la bɛ nɛ, n nə n doe Tabɔɔrɔ a da sasa kɛ li. Giĩ min sɔɔ tá re die n yiɛ walan, kiɛ̃ woe Lawa guguru koe Betɛli. Bòe banɛɛ sɔɔ tá goon gɔn, buuru mìi sɔɔ tá goon gɔn, yɔ bɔnaa tá goon gɔn.

LAWA A BOO SONBORE 2011

³ Sayulun bɛ́ bǎã mɛn nɛ, bɛ̀ ń woo nyɛɛnɛ sɔsɔɔ á la bɛ nɛ, n nə n doe Tabɔɔrɔ a da sasa kɛ li. Giĩ min sɔɔ tá re die n yiɛ walan, kiɛ̃ woe Lawa guguru koe Betɛli. Bòe banɛɛ sɔɔ tá goon gɔn, buuru mìi sɔɔ tá goon gɔn, yɔ bɔnaa tá goon gɔn.

Samayeli1 10:3 ပူးပေါင်းရင်းမြစ်များ

Siin Giala 28:19

Á bɛa bǎã lɛ bíi Betɛli, bɛ giala mà "Lawa a Kion". Sɛnɛ lɛlɛ, kiwi lɛ tɔ na á goã Luuzu.

Siin Giala 28:22

Ma kɔlɔ doa bǎã mɛn nɛ, bɛa bǎã lɛ á re Lawa a kion biɛ. Lawa bɛ́ re màn woo màn koe masɛ la, ma á re a fùbaa ǹ wɔ boe a wɔ lɛa.»

Siin Giala 35:1

Bɛ kio, Lawa pɛ Zakɔba nɛ: «Yoo n wo Betɛli, n giã walan. N *wúlu bɔ ǹ bǎã dɔ masɛ Lawa-n walan, man din nyaa n nɛ bǎã mɛn nɛ, bɛ̀ n bɛ́ baa sii n gologiĩ Ezawu nyɛɛnɛ.»

Siin Giala 35:3

Ka yoo wɔ n ta Betɛli. Lawa mɛn bɛ́, á maa nyankɔ lɛ si, maa nɔmaa biikoo li, man die wúlu bɔ ǹ bǎã doe bɛ-n walan. Ma bɛ́ woe bǎã woo bǎã nɛ, a din Lawa lɛ n kun ka ma nɛ.»

Loen 89:12

Lon nə n din wɔ lɛa, tán dɔ nə n din wɔ lɛa. N din nə ń kanaa laanka a gɔ́ɔ̃ mànan giala wɔ.

Zeremii 32:8

Ka Dɛnaa Lawa goã á pɛ ma-n lɔn, ma dɔɔ̃ngiĩ Hanaaneyeli daa ma yaa wɔlɔ-lɛduə̃lin sumu-n, á pɛ ma-n kɛnɛn: «Maa wuru kɛ pii Anaatɔti, Bɛnzamɛn gána nɛ. A giala, n din nə ma dɔɔ̃n taãn lɛa, a pii n doe n din ganaa.» Má dɔ̃ ka bɛ-n kəni, máa Dɛnaa Lawa na á boo da ma nɛ.

Lawa a wúlu-bɔlen 1:10

Bɛ̀ tɔɔ boɛɛn nɛ a n die biɛ wúlu màn tiɛ̃ lɛa, ta sère ne hinlaa bòe ne, a doamaa nɛ a da ka a gɔ̀lɔ̀ nɛ, wɔ̀lɔ̀ ná a ba a ganaa wa.

Lawa a wúlu-bɔlen 23:13

Mànan mɛnɛn bɛ́ n tii bɛ ganaa Lawa gɔ ǹ wɔn lɛa, bɛn nə́ ke: *wùsu sonbore kilo sɔrɔ. Ka bɛ yia ka nyɔɔ nɛ, ka kɔ masɛ la wúlu màn lɛa, a tɛmaa gìĩ n kɔɔ̃n masɛ ganaa, kun ka duvɛ̃ litiri goon ka talɛɛ nɛ.

Lawa a wúlu-bɔlen 3:12

Bɛ̀ bòe ne min nə́ die Lawa goe ne, a doamaa nɛ a da nɛ Dɛnaa Lawa yɔrɔ-a bɔrɔ.

Lawa a wúlu-bɔlen 3:6

Bɛ̀ min tá die tɔɔ boɛɛn koe Dɛnaa Lawa la, barka da ǹ wúlu màn lɛa, ta a gɔ̀lɔ̀ nɛ hinlaa ǹ dan nɛ, wɔ̀lɔ̀ doamaa bie a goã a ganaa wa.

Lawa a wúlu-bɔlen 7:13

Buuru mɛn dɔ bɛ́ yɔ bù n li, ka da ka bɛ nɛ, ka ǹ kaa kun ka barka da Lawa nɛ ǹ wúlu màn lɛ nɛ.

Zozoe 19:12

A nə n toɛ Saridi lɛ nɛ, a n pɛnɛ a wo bɔ lɛ̀giala li, Kisilɔti-Tabɔɔrɔ kiwi gèlè la, a kiɛ̃ a wo bɔ Daberati kiwi, a n lɛ dii a wo Yafiya kiwi.

Zozoe 19:22

Gèlè lɛ na á goã boe Tabɔɔrɔ laanka Sayisimaa kiwi li ka Bɛti-Semɛsi ni, a kiɛ̃ a wo n doa Zurdɛ̃ tà ganaa. Kiwi dadara fulusɔrɔ na á goã ǹ bǎã lɛ nɛ ka ǹ lɛkoro lɛ-a kiwi bisinin ni.

Sii yɔrɔ-bɔlen 20:18

Izirayeli minin lɛn nə́ yoo, ǹ nə́ woo Betɛli, ǹ nə́ nɔ̀n da Lawa la kɛnɛn: «Wɔsɛn tɔrɔn lɛn mɛn nə die woe zia biɛ Bɛnzamɛn tɔrɔn lɛn ganaa bibinaa nɛ?» Dɛnaa Lawa nə́ ǹ lɛ si: Zudaa tɔrɔn man die woe bibinaa nɛ.

Sii yɔrɔ-bɔlen 20:27

Bɛa biikoo li, bɛ̀ Lawa a *lɛ kɔ kɔn la ǹ goo kɛ á tɔn Betɛli. Eleyazaara a nɛgiĩ Finee mɛn bɛ́ Aarɔn a nɔ̀ɔn lɛa, bɛ̀ bɛ n Lawa a wúlu-bɔle lɛa. Izirayeli minin lɛn nə́ nɔ̀n da Dɛnaa Lawa la: «Wɔ doamaa nɛ wɔ wusoo wɔ wo zia baa wɔ dɔɔ̃n Bɛnzamɛn tɔrɔn lɛn ganaa hinlaa wɔ doamaa nɛ wɔ a lɛ da?» Dɛnaa Lawa nə́ ǹ lɛ si: «Ka woo, a giala, biɛ̃, ma á re Bɛnzamɛn tɔrɔn lɛn we ka gɔn.»

Sii yɔrɔ-bɔlen 4:12

Ǹ nə́ pɛ Sizeraa nɛ, mà Abinoamu a nɛgiĩ Baraki daa Tabɔɔrɔ kele la.

Sii yɔrɔ-bɔlen 4:6

Ǹ kɔn pinaa, Deboraa minin dia, mà ǹ wo lɛ dia Abinoamu a nɛgiĩ Baraki la, Kedɛsi kiwi, Nɛfutalii gána nɛ. Deboraa pɛ nɛ: «Dɛnaa Lawa lɛ, Izirayeli minin Lawa lɛa, a din na á dí kɛ kɔ mà n wo Tabɔɔrɔ kele la, kun ka giĩ duu fù kɛ nɛ, n nə́ ǹ bɔ Nɛfutalii tɔrɔn laanka Zabulɔn tɔrɔn bii.

Sii yɔrɔ-bɔlen 8:18

Bɛ kio, Zediɔ̃ nɔ̀n da Zebaa laanka Salmunaa la: «Ka giĩn mɛnɛn dɛ Tabɔɔrɔ kele la, maǹ nə́ goã lɔn?» Ǹ ná a lɛ si mà maǹ nə́ bɔ a din li, mà ǹ gogoonmaa na á goã ka kii a nɛ bɛ́ lɔn.

Samayeli1 10:4

Ǹ tá re fòo diɛ n nɛ, ǹ buuru mìi paa kɔ n la, n die n lɛ kɔ n si.