Samayeli1 10:19 - LAWA A BOO SONBORE

¹⁹ Sɛnɛ ka dinin man ke pelo, ká n piã ka kaa Lawa nɛ, asɛ mɛn bɛ́ n doe ka lɛ, kaa nɔmaan laanka kaa fuu tumaa gɔ́ɔ̃ nɛ. Ka pɛ nɛ mà yǎa ma kii koe kasɛn la. «Ka kiɛ̃ kanna kəni, ka giã bii-a Dɛnaa Lawa yɔrɔ-a, tɔrɔ lɛ yii li, tanlɛ yii li.»

LAWA A BOO SONBORE 2011

¹⁹ Sɛnɛ ka dinin man ke pelo, ká n piã ka kaa Lawa nɛ, asɛ mɛn bɛ́ n doe ka lɛ, kaa nɔmaan laanka kaa fuu tumaa gɔ́ɔ̃ nɛ. Ka pɛ nɛ mà yǎa ma kii koe kasɛn la. «Ka kiɛ̃ kanna kəni, ka giã bii-a Dɛnaa Lawa yɔrɔ-a, tɔrɔ lɛ yii li, tanlɛ yii li.»

Samayeli1 10:19 ပူးပေါင်းရင်းမြစ်များ

Suusun 16:33

Minin tá boe la ǹ nə n pã, sɛnɛ, Dɛnaa Lawa na a tumaa yɔrɔ boe.

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Minin nimi 11:20

Sɛnɛ, ka n die soɛ̃ mui goon tumu gɔ́ɔ̃ nɛ, yǎa a n toe ka nɛ, a tìĩ boe ka nyin ni. A giala, Dɛnaa Lawa lɛ n kun ka nɛ, ka ná a puusə kɔ, ka wuu pɛ a yɔrɔ-a ká pɛ: Wàa na á baa wɔsɛn nə́ soo wɔ n bɔ Ezipti gána-n dinin?»

Minin nimi 17:2

«Lawa a wúlu-bɔle Eleyazaara ke, Aarɔn a nɛgiĩ lɛa, a pɛ bɛ nɛ, a da yon gìĩ kɔɔ̃n kaa ǹ mànan kɛn waa, a ǹ bɔ tɛ lɛ nɛ, a ǹ tɛ nàn pɛsɛ̃ tán tìãlɛ-a. A giala, maǹ nə́ n baa masɛ wɔn lɛa.

Timəə dí-pɛn 17:14

Bɛ̀ ká wɔ gána lɛ nɛ ǹ mɛn waáraa, kɛ lɛ kaa Lawa, Dɛnaa Lawa n koe ka la, bɛ̀ ká si ká baa kaa wɔ lɛa yǎa ka giã a nɛ, kɔntan ka á re pii ǹ kɔn pinaa mà kasɛn man giɛ li ka kii koa ka dinin mìi la, ka tɔrɔ kɔsɔn kɛn tumaa wɔ bɛ́ lɔn ka lɛnpɛnɛ.

Zozoe 24:1

Ǹ kɔn pinaa, Zozoe Izirayeli minin lɛn tumaa lɛ sɔkɔn Sisɛmu. Á lɛ dia ǹ min golen la, ǹ nyɛɛnaandɛnan nɛ, ǹ sii yɔrɔ-bɔlen ne ka ǹ landa sii-daraalin ni. Ǹ nə́ daa golee Lawa yɔrɔ-a.

Sii yɔrɔ-bɔlen 8:23

Zediɔ̃ nə́ ǹ lɛ si: «Ma a re giɛ̃ ka mìi la kii lɛa wa, maa a nɛ dɔ a re giɛ̃ ka mìi la wa. Dɛnaa Lawa á re giɛ̃ ka mìi la.»

Samayeli1 10:20

Samayeli Izirayeli tɔrɔn lɛn tumaa wɔlɔ kunu kɔ a din ganaa. Dɛnaa Lawa nə́ n gɔn nyaa Bɛnzamɛn tɔrɔn ganaa.

Samayeli1 12:12

Sɛnɛ, ka bɛ́ ka yɛ mà Amɔn gána a kii Naasi lɛ n die koe ka lɛ ka zia nɛ, ka pɛ ma nɛ mà haba! Mà yǎa kii goɛ̃ kasɛn mìi la. A da yaa kaa Lawa, Dɛnaa Lawa lɛ n kaa kii lɛa.

Samayeli1 14:23

Bɛa pinaa kɛ lɛ nɛ, Dɛnaa Lawa gɔ̀lɔ̀baa kɔ Izirayeli minin la. Ǹ nə́ zia lɛ baa yǎa ǹ nə́ woo Bɛti-Avɛn da ǹ kio.

Samayeli1 14:38

Sayulu pɛ zaman lɛ a goledɛnan manɛ: «Ka tumaa nə n mɔrɔ kànaa. Màn mɛn bɛ́ sii baraa lɛ lɛa pelo, ka ga bɛ li ka dɔ̃.

Samayeli1 3:21

Dɛnaa Lawa goã bɛ́ a n din nyaa Siiloo. Sonbore ne, a na á goã n din nyɛɛ Samayeli ni walan ka a boo ne.

Samayeli1 4:1

Samayeli a boo lɛ yɔrɔ na á goã dia-n Izirayeli minin tumaa la. Izirayeli minin nə́ woo kɔ Filisiti minin lɛ ka zia nɛ. Izirayeli minin nə́ giã kunu Ebɛn-Ezɛrɛ ganaa, Filisiti minin lɛn man nə́ goã Afɛki.

Samayeli1 8:19

Sɛnɛ zaman lɛ nə́ piã, ǹ Samayeli bɔlɔ si wa. Ǹ nə́ pɛ: «Haayii! Kii n die goɛ̃ wɔsɛn lon.

Samayeli1 8:5

Ǹ nə́ pɛ nɛ: «Á ke ń zizi kɔ n nɛgiĩn lɛn bɛ́ ǹ ba n tɔ wɔ ǹ gɔn siɛ wa, kii kɔ wɔ la, a wɔsɛn sii yɔrɔ bɔ ka tɔrɔ gialakun kɛn tumaa wɔ bɛ́ lɔn.»