Rɔmu minin 9:21 - LAWA A BOO SONBORE

²¹ Màn mɛn bɛ́ kɔɔ̃n dɔnɔn-bɔle ganaa, a n bɛ zɛnɛɛ ka gì ni. A n boe la a dɔn kɔ́n zɛnaa, a nyaǹ kaa a ganaa, a ǹ kɔ́n dɔ zɛnaa dɔn kooro lɛa.

LAWA A BOO SONBORE 2011

²¹ Màn mɛn bɛ́ kɔɔ̃n dɔnɔn-bɔle ganaa, a n bɛ zɛnɛɛ ka gì ni. A n boe la a dɔn kɔ́n zɛnaa, a nyaǹ kaa a ganaa, a ǹ kɔ́n dɔ zɛnaa dɔn kooro lɛa.

Rɔmu minin 9:21 ပူးပေါင်းရင်းမြစ်များ

Suusun 16:4

Mìi n Dɛnaa Lawa a sii zɛnaa tumaa la ka te. A na á min baraan dɔn zɛnaa koe pinaa taman yii.

Izayii 10:15

Sɛ̀miɛ̃ á boe la a n din gole kɔ a dí nya ma-n wole ganaa? Hinlaa gɔya á boe la a n din koa a dí nya ma-n wole ganaa? Bɛ n goon ka min mɛn nə́ ke bàbàla ná a gɔn, asɛ n bàbàla lɛ foo sii zɛnɛɛ. Hinlaa ka min bɛ́ dɔ̀rɔ̀ ná a gɔn asɛ n dɔ̀rɔ̀ lɛ foo sii zɛnɛɛ.

Izayii 45:9

Min mɛn bɛ́ zia diɛ a zɛnaali ganaa, bɛa dɛnaa wɔ n ka bɔ̀n nɛ. Minbuiin nɛ n ka tii donkolon bɛ́ lɔn ǹ miãn bii. Gì tá boe la a pɛ gì-bɔle ne mà a n wàa zɛnɛɛ? Mà a tàan lɛa siĩn wa?

Izayii 64:8

Dɛnaa Lawa, n nyan toa n foo yoo a la yii-n wa. N nyan toa n yiri gisĩ wɔa sãn nɛ biikoo tumaa li wa. Baalaa wɔ, n ga wɔ ganaa, wɔ tumaa nə n zaman lɛa.

Zeremii 22:28

Minin man nɔ̀n diɛ: «Konia lɛ na á n baa ka dɔn kɔrɔ bɛ́ lɔn, a na a màn kɔn bǐɛ̃ koe doo wa? Wàa na á baa, ǹ bɛ́ ǹ ba gána mɛn doɛ̃ wa ǹ nə́ a laanka a nɛnyaanan loo ǹ nə́ ǹ kaa walan?»

Ozee 8:8

Izirayeli minin wɔ ziziɛ̃, ǹ nə́ ke tɔrɔ kɔsɔn bii ka màn mɛn bɛ́ a là ná a banban.

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Rɔmu minin 9:11

Lawa na á goã giɛ li a sii lɛ zɛnaa foaã nɛ, a nyaa mà asɛ a minin bɔ lɛ n boe a din dùũ li. Bɛ lɛ nɛ á pɛ Rebeka nɛ: «Goledɛnaa lɛ á die dí nyɛɛ kiɛɛrɛdɛnaa lɛ nɛ.» A na á bɛ pɛ, bɛ̀ nɛnyaanan lɛn dinin nə tɔn yɛ wa, bɛ̀ sii bǐɛ̃ zɛnaa hinlaa sii baraa zɛnaa wɔlɔ á lui ni ǹ ganaa. Lawa a min bɔ kɛ bie á n zɛnaa kànaa, á kɔnpɛ min a nya ǹ dí a siĩnbaa hinlaa a baraabaa-n wa. A na á n zɛnaa á kɔnpɛ a din dùũ kɛ dinsɔɔ̃ nɛ.

Rɔmu minin 9:18

Bɛ lɛ nɛ, bɛ̀ a din golee li, mà a n makara boe min mɛn ganaa, a n boe a ganaa, bɛ̀ á golee li, mà a n toɛ min mɛn dɔ too kaka kɔ, a n toɛ bɛa dɛnaa too kaka kɔ.

Rɔmu minin 9:20

Nsɛ n die lɛa kəni minbuiin nɛ! N nə́ giɛ li mà n Lawa liere kɔ? Dɔn tá pii dɔnɔn-bɔle ne: «Wàa na á baa ń ma zɛnaa kɛnɛn?» Haayii!