Rɔmu minin 8:31 - LAWA A BOO SONBORE

³¹ Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

LAWA A BOO SONBORE 2011

³¹ Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Rɔmu minin 8:31 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Kiin1 8:57

Wɔa Lawa, Dɛnaa Lawa lɛ die a goã kun ka wɔ nɛ ka a goã kun ka wɔ digolon ne lɔn. A baran n gɔn bɔ wɔ ganaa wa, a baran wɔ toa walan duduu wa.

Kiin2 6:16

Yiliizee ná a lɛ si: «N baran nyɛ́ɛ baa wa! Min mɛnɛn bɛ́ kun ka wɔsɛn nɛ, bɛn tá mɔnaa nɛ ǹ nə́ la kɛn manɛ kunun ǹ ni.»

KZS1 19:15

Amɔn nɛn bɛ́ ǹ nə́ Aaramu minin yɛ baa si lɔn gɔrɔ, ǹ dɔn nə́ kaa baa nɛ Zoabu ǹ diɛ̃giĩ Abisayii nyɛɛnɛ. Ǹ nə́ kaa kiwi lɛ nɛ, Zoabu nə́ n bɔyaa á woo Zeruzalɛmu.

KZS1 5:22

Ǹ nə́ goã ǹ nə́ zɔ́ɔn lɛn min didi dɔ dɛ. Bɛ na á goã á n zɛnaa, a giala bɛa zia lɛ na á goã boe Lawa li. Bɛ kio, ǹ nə́ giã Agaara tɔrɔn lɛn bǎã nɛ, ǹ nə́ goã walan yǎa wo bɛ̀rɛbaa ǹ bǎã-n kɛa biikoo li.

Loen 118:6

Dɛnaa Lawa á kun ka ma nɛ, ma a nyɛ́ɛ biɛ màn kɔn nɛ wa. Minbuiinin man boe la ǹ wàa zɛnaa ma nɛ?

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Loen 56:11

Man Lawa tɔ boe a lɛ-kɔn kɛn lɛa. Sonbore, man Dɛnaa Lawa tɔ boe bɛa boon kɛn lɛa.

Loen 56:4

Bɛ̀ nyɛ́ɛ tá ma ganaa ǹ mɛn pinaa, ma nə n foo doɛ n din ganaa.

Loen 56:9

Nsɛ á doɛ̃ mà ma gɔ́ɔ̃ wɔ̃. N din ma yii mu si, ń kaa n màn nɛ. Táa n bɛn da sii li.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 54:17

Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Zeremii 1:19

Ǹ tá re yui n gialaa, Sɛnɛ, ǹ ba re boe sii kɔn la ǹ zɛnaa n nɛ wa, a giala, ma tá kunun n ni, n kirisibiɛ. Masɛ din Dɛnaa Lawa a da ǹ boo ne.

Zeremii 20:11

Sɛnɛ, Dɛnaa Lawa n kun ka ma nɛ. A n zia biɛ ka pàã gole ne maa lɛa. Min mɛnɛn bɛ́ boe ma yii ni, bɛn tá re boe ǹ mɛnaa. Ǹ ba re boe sii kɔn la ǹ zɛnaa ma-n wa. Sìi á re n koe ǹ lɛ, a giala, ǹ pàã dɔ ma li wa. Ǹ sìi lɛ n die goɛ̃ miɛ̃ yǎa duduu. Ǹ kɔn yiri a re boe-n wa.

Zeremii 42:11

Kanna, ka nyan nyɛ́ɛ baa Baabiloniin kii-n doo wa, kɛ lɛ ka n nyɛ́ɛ biɛ nɛ. Ma din Dɛnaa Lawa a da ǹ boo ne: Ka nyan nyɛ́ɛ baa-n wa. A giala, ma á kun ka nɛ, ma ka kirisibaa, ma ka kanbaa a pàã ganaa.

Minin nimi 14:9

Sɛn kəni, ka baran n gòãn dii Dɛnaa Lawa ganaa wa. Ka baran nyɛ́ɛ baa bɛa gána kɛ lɛ a minin man wa. Bɛa minin kɛn lɛn ba re wɔsɛn lɛ boe goon dinin wa. A giala, ǹ bɛ́ dìn mɛnɛn wúlu li, bɛn nə́ ǹ toa walan. A da yaa, Dɛnaa Lawa á kun ka wɔsɛn nɛ. Ka baran nyɛ́ɛ din baa ǹ nɛ wa.»

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Rɔmu minin 3:5

Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

Rɔmu minin 4:1

Wɔ n die pii mà wàa kəni, wɔ digolo Abrahamu wɔ paǹ li? A na á wàa yɛ a minbuiin nɛbaa gɔ́ɔ̃ nɛ?

Timəə dí-pɛn 33:29

Izirayeli minin, kasɛn wɔ bǐɛ̃ kɔ! Dɛnaa Lawa na á tɔrɔ kɔsɔ mɛn kirisibaa ka kasɛn kɛn bɛ́ lɔn? A din nə goóro lɛa ka tamaɛ, a din dɔ n gɔya sa lɛa, pàã koe ka la. Kaa zɔ́ɔn tá re ka bebele ka yɔrɔ yii ni, sɛnɛ, kasɛn tá re tɔ we ǹ dɔ̀ɔ̃ la.»

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.

Zaã1 4:4

Sɛnɛ, maa nɛnyaanan lɛn, kasɛn mɛnɛn bɛ́ Lawa wɔn lɛa, kasɛn nə́ boo Lawa a boo gii-dali soɛ-bɔlen kɛn la. A giala, Yiri mɛn bɛ́ ka lon, a pàã la kanaa kɛ a minin wɔ nɛ.

Samayeli1 14:6

Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»