Rɔmu minin 8:24 - LAWA A BOO SONBORE

²⁴ Foo-doa gɔ́ɔ̃ nɛ, wɔa kirisibaa lɛ lɛ pã gɔrɔ. Sɛnɛ, a lɛ n piɛ̃-n gɔrɔ foo-doa dinsɔɔ̃ gɔ́ɔ̃ nɛ. Min bɛ́ n yii diɛ màn mɛn a daa la, bɛ̀ a yii bɛ yɛ, a laadoo ba a ganaa a n foo doa doo, ka n pɛ mà bɛa màn lɛ n tɔn sɔsɔɔ wa. Die n màn yii a yii ni, a wusoo doo a n foo doa bɛ ganaa, ka n pɛ mà a wɔlɔ n sɔsɔɔ?

LAWA A BOO SONBORE 2011

²⁴ Foo-doa gɔ́ɔ̃ nɛ, wɔa kirisibaa lɛ lɛ pã gɔrɔ. Sɛnɛ, a lɛ n piɛ̃-n gɔrɔ foo-doa dinsɔɔ̃ gɔ́ɔ̃ nɛ. Min bɛ́ n yii diɛ màn mɛn a daa la, bɛ̀ a yii bɛ yɛ, a laadoo ba a ganaa a n foo doa doo, ka n pɛ mà bɛa màn lɛ n tɔn sɔsɔɔ wa. Die n màn yii a yii ni, a wusoo doo a n foo doa bɛ ganaa, ka n pɛ mà a wɔlɔ n sɔsɔɔ?

Rɔmu minin 8:24 ပူးပေါင်းရင်းမြစ်များ

Loen 146:5

Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa, min mɛn bɛ́ n foo doɛ a Dɛnaa Lawa kɛ ganaa, bɛ wɔ na á bǐɛ̃ kɔ.

Loen 33:18

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, ǹ nə́ n foo doɛ a kɔn-narɛɛ gole kɛ ganaa, Dɛnaa Lawa n giɛ bɛn walan.

Loen 33:22

Dɛnaa Lawa, wɔ bɛ́ wɔ́ n foo doa n din ganaa, toa n kɔn-narɛɛ gole kɛ goã wɔ li.

Suusun 14:32

Min baraa a baraabaa nə n bɔyɛɛ a kirəə a din la. Sɛnɛ, ta gɛ̀ biikoo ne, min pepere foo n doa nɛ.

Zeremii 17:7

Sɛnɛ, min mɛn bɛ́ golee Dɛnaa Lawa li, a nə́ n foo doɛ Dɛnaa Lawa ganaa, Barka á re n diɛ bɛa Dɛnaa ganaa.

Zakarii 9:12

Kòso nɛ foo doa wolen lɛn, ka n bɔyaa ka da kaa kiwi tamaa wole ne! Pelo dinin, man pii ka nɛ, màn mɛn bɛ́ ka lon, man die bɛa la ma-n paa koe ka la.

Rɔmu minin 12:12

Ka n nyɛnyɛɛ kaa foo-doa kɛ a lɛa. Ka n doa ka fuu si ka ganaa. Ka Lawa nyankɔ ka baran nɔmaa wa.

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Rɔmu minin 15:4

A da yaa, màn mɛn yii nə n kiɛ̃ lɛlɛ, bɛ na á n kiɛ̃ wɔa yiri kɔmala a lɛa, màn mɛn bɛ́ toɛ, Lawa a boo lɛ wɔ foo taã, a sii simaa kɔ wɔ la, wɔ foo boo la a goã doa nɛ.

Rɔmu minin 4:18

Foo-doa bɛ́ a ba sii mɛn din ni doo wa, asɛ nə́ n foo doa Lawa ganaa ka bɛ nɛ. Á golee li mà Lawa á re asɛ biɛ tɔrɔ gigiã a díi lɛa, a giala, Lawa pɛ nɛ: «N tɔrɔ á die mɔnɛɛ ka lon a leeren bɛ́ lɔn.»

Rɔmu minin 5:2

A giala, a na á zii bũ wɔ nɛ, wɔ́ boo la wɔ́ n mɔrɔ Lawa a bǐɛ̃baa lɛ ganaa. Wɔ n wɔ́ lɛ kɔ bɛa bǐɛ̃ lɛ ganaa, golee Yezu li barka nɛ, wɔ na a din bǐɛ̃ kɛ lɛ gɔ́ɔ̃ nɛ, haalɛ ka pelo yii ni. Sisia kəni, wɔ foo á kɔɔ̃nɛ, a giala, wɔ á waa-n la, wáa Lawa á re toɛ wɔ wɔa wɔ gii yɛ a din a gugurubaa kɛ nɛ.

Rɔmu minin 8:20

Kanaa màn din tumaa na a gialaa ziziɛ̃. A din a sii baraa a lɛa bie wa, a giala, Lawa na á ná a dɔ da minbuiin nɛ a dɔlɔ lɛ nɛ. Sɛnɛ, Lawa wusoo á foo-doa kɔ a din a da ǹ màn kɛ la.

Korɛnti1 13:13

Kanna kəni, sii sɔɔ kɛ na a tan, goleemali ni, foo-doa nɛ, kɔn-narɛɛ nɛ, sɛnɛ, kɔn-narɛɛ n gole ǹ tumaa nɛ.

Korɛnti2 4:18

A giala, yii bɛ́ màn mɛn yii, ma bie n yiri koɛ bɛ ganaa wa. Yii bɛ́ a ba ǹ mɛn yii wa, ma yiri n bɛ ganaa. Yii bɛ́ màn mɛn yii, bɛa beleboe taãn ma. Sɛnɛ, yii bɛ́ a ba màn mɛn yii wa, bɛ n beleboe yǎa duduu.

Korɛnti2 5:7

Wɔ ǹ tɔ we ka goleemali barka nɛ, sɛnɛ, yii a yɛ ná a bie wa.

Galaasi minin 5:5

Wɔsɛn foo n doa nɛ wáa Lawa á re wɔ biɛ min peperen lɛa. Wɔ nə n yii diɛ bɛ lɛ la Yiri Fu barka nɛ, asɛ mɛn bɛ́ dí nyɛɛ wɔa goleemali gɔ́ɔ nɛ.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Kolɔɔsi minin 1:5

Ka foo bɛ́ doa-n màn mɛn ganaa lon, ka n ka bɛa foo-doa lɛ yɛ ka Boo Tii Kɔɔ̃n barka nɛ, ǹ mɛn bɛ́ sonbore boo lɛa. Ka n ka saa lɛlɛ ka bɛ lɛ ma.

Tesaloniki1 5:8

Sɛnɛ, wɔsɛn mɛnɛn bɛ́ tɔ we penleen ne, wɔ toa wɔ yii goã kɔɔ̃nɛ. Golee Lawa li laanka kɔn-narɛɛ doamaa nɛ a goã wɔ lon, bɛ wɔ tamaa ka zia-baali a dɔnkɛ bɛ́ tamaɛ lɔn; foo-doa mɛn bɛ́ wɔ lon wáa wɔ á die kirisibaa yii, bɛ dɔ́ goã wɔ lon ka zia-baali a bafolo bɛ́ goɛ̃ a mìi-a lɔn.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Tiitii 3:7

Bɛ na á n zɛnaa, màn mɛn bɛ́ toɛ, a bǐɛ̃ kɛ wɔ baa min peperen lɛa a din yɔrɔ-a. Wɔ bɛ́ n yiri koɛ nyin-nyabaã wole mɛn ganaa, wɔ boo la wɔ bɛ yɛ.

Ebrəə 11:1

Wɔ foo bɛ́ doa-n mànan mɛnɛn ganaa ke, wɔa waa bɛn la lɛ n golee Lawa li lɛa. Yii bɛ́ a ba mànan mɛnɛn ganaa wa, golee Lawa li n bɛn nyɛɛ wɔ nɛ.

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Zaã1 3:3

Bɛa foo-doa kɛ miã bɛ́ min mɛn nɛ Krita a lɛa, bɛ nə n din *yoreen koe, ka Krita bɛ́ yoreen lɔn.