Rɔmu minin 8:14 - LAWA A BOO SONBORE

¹⁴ Min mɛnɛn bɛ́ tɔ we á kɔnpii ka Lawa Yiri dùũ siin ni, bɛn man Lawa a nɛnyaanan lɛa.

LAWA A BOO SONBORE 2011

¹⁴ Min mɛnɛn bɛ́ tɔ we á kɔnpii ka Lawa Yiri dùũ siin ni, bɛn man Lawa a nɛnyaanan lɛa.

Rɔmu minin 8:14 ပူးပေါင်းရင်းမြစ်များ

Loen 143:10

Ma daraa n foo sii zɛnaa ganaa, a giala, n din nə maa Lawa lɛa. N yiri sonbore kɛ die a ma da zii pepere la.

Suusun 8:20

Man tɔ we peperebaa zii la. Zii mɛn bɛ́ ǹ nə́ dí-pɛn tamaɛ la, maa wɔ n ka bɛ nɛ.

Matiə 5:9

Min mɛnɛn bɛ́ dí nyɛɛ là nyantoro a lɛa, Lawa á re barka diɛ bɛn ganaa, a giala ǹ tá re ǹ bíi Lawa a nɛnyaanan!

Zaã a sɛ́wɔ 1:12

A laan ka bɛ yii ni, min mɛnɛn nə lɛ kɔ a ganaa, ǹ nə́ golee li, a din na á toa bɛn nə́ Lawa a nɛbaa yɛ.

Rɔmu minin 8:19

Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.

Rɔmu minin 8:5

Min mɛnɛn bɛ́ tɔ we, á kɔnpii ka gɔ̀nɔn foo siin ni, bɛn taasiɛn man doa nɛ ǹ dinin dùũ siin dininsɔɔ̃nɔn ganaa. Sɛnɛ, min mɛnɛn bɛ́ tɔ we á kɔnpii Lawa a Yiri Fu dùũ siin ni, bɛn taasiɛn man doa-n Lawa a Yiri Fu dùũ siin ganaa.

Rɔmu minin 8:9

Sɛnɛ, kasɛn ba koe gɔ̀nɔn foo siin lɛ wa, ka ǹ tɔ we á kɔnpii ka Lawa a Yiri Fu dùũ siin ni, bɛ̀ á daa yaa bɛ̀ Lawa a Yiri Fu lɛ tá ka li sonbore. Bɛ̀ Krita Yiri kɛ ba min mɛn li wa, bɛa dɛnaa ba a wɔ lɛa wa.

Rɔmu minin 9:26

A n pɛ ǹ nɛ bǎã mɛn din ni ke lɛn mà "ka ba masɛ tɔrɔ lɛa wa", maǹ die ǹ bíi doo bɛa bǎã kɛ lɛ nɛ, "Lawa, nyin nyabaã kɔle a nɛnyaanan".»

Rɔmu minin 9:8

Bɛ giala, mà goã mà goon ka Abrahamu-n bie min biɛ Lawa a nɛnyaan lɛa wa. Sɛnɛ, bɛ̀ min mɛn a yɛ nə n giala wɔ Lawa a lɛ kɔ ǹ sii ganaa, bɛa dɛnaa n Lawa a nɛnyaan lɛa.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 4:5

màn mɛn bɛ́ toɛ, a da tá dí-pɛn pàã giulun wolen kirisibaa. A din lɛ pàã ganaa, Lawa wɔ baa a nɛnyaanan lɛa.

Galaasi minin 4:6

Wɔ bɛ́ na a nɛ taãnan lɛa, bɛ lɛ nɛ, Lawa ná a Nɛgiĩ Yiri dia wɔ foo ne. Bɛ lɛ n pii wɔ gɔ́ɔ̃ nɛ mà "Wɔa Díi".

Galaasi minin 5:16

Ka n too kɔ ma lon: Ka tɔ wɔ Yiri Fu gòã wuu li, ka a re gɔ̀nɔn foo siin zɛnɛɛ doo wa.

Galaasi minin 5:18

Sɛnɛ, ka toa Yiri Fu ka nyɛɛnaan bɔ, ka a re goɛ̃ dí-pɛn giulun doo wa.

Efɛɛzi minin 1:5

a na á saa lɛlɛ, á wɔ baa a din a nɛnyaanan lɛa ka Yezu Krita barka nɛ. A na á zɛnaa miɛ̃, a giala mà bɛ á kɔɔ̃n a ganaa.

Efɛɛzi minin 5:9

Wɔlɔ fúlu bɛ́ sii mɛn koe, bɛ n ka min bǐɛ̃baa nɛ, peperebaa nɛ, ka sonbore ne.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.

Zaã1 3:24

Min mɛn bɛ́ Lawa a dí-pɛn lɛ sii, bɛa dɛnaa n goɛ̃ kun ka Lawa nɛ, Lawa n goɛ̃ kun ka a dɔ nɛ. Màn mɛn bɛ́ toɛ wɔ dɔ̃, mà Lawa tá kun wɔ nɛ, a bɛ́ á n din Yiri mɛn kɔ wɔ la, bɛ lɛ a lɛa nɛ.

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.