Rɔmu minin 6:23 - LAWA A BOO SONBORE

²³ Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

LAWA A BOO SONBORE 2011

²³ Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Rɔmu minin 6:23 ပူးပေါင်းရင်းမြစ်များ

Siin Giala 2:17

Sɛnɛ, sii bǐɛ̃ laanka sii baraa dɔ̃ ǹ da ke, n nyan toa bɛa nɛ wɔ n lɛ-n wa dɛ! A giala, bɛ̀ n ná a nɛ bii ǹ mɛn pinaa, n tá re giɛ̃, sàabaa ba bɛ la wa.»

Siin Giala 3:19

N tá re sɛ̀fuu koɛ̃ n pɛsɛ̃ n tɔn nə n lɛ-a ǹ bii yɛ, yǎa n wusii n woe tán, n bɛ́ ń bɔ tán mɛn lɛ nɛ. N nə ǹ tii lɛa, n nə ǹ die wusii n wo tii li.»

Suusun 11:19

Bɛ̀ min mɛn gole bǐɛ̃ zɛnaa li, a yii á re goɛ̃ koo. Min mɛn bɛ́ baa sii sii baraa kio, bɛ n die giɛ̃.

Izayii 3:11

Sɛnɛ, min baraan wɔ n ka bɔ̀n nɛ, bɔ̀n woo bɔ̀n. A giala, a baraa mɛn zɛnaa, bɛ lɛ n die kuĩ a mìi ni.

Izayii 3:9

Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

Ezekieli 18:20

Bɛ̀ min mɛn sii baraa zɛnaa, bɛa dɛnaa din nə die giɛ̃. Nɛ a sii baraa a doe díi-a wa, díi dɔ a sii baraa ba doe nɛ ganaa wa. Min pepere a peperebaa a saraa n doe a din ganaa, min baraa dɔ a baraabaa a dɔlɔ n doe a din ganaa.

Ezekieli 18:4

Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Zaã a sɛ́wɔ 10:28

Man nyin nyabaã koe ǹ la, ǹ ba re giɛ̃ duduu wa. Min kɔ́n dɔ a re boe la a ǹ kũ a ǹ si ma la wa.

Zaã a sɛ́wɔ 17:2

N din nə́ n pàã kɔ masɛ la minbuiinin tumaa mìi la. A kɔnpɛ ka bɛ lɛ nɛ, n min mɛn tumaa kɔ masɛ la, má nyin nyabaã kɔ bɛn lɛn la.

Zaã a sɛ́wɔ 3:36

Bɛ̀ min mɛn golee a Nɛgiĩ lɛ li, nyin nyabaã n bɛa dɛnaa lon; bɛ̀ min mɛn na a bɔlɔ si wa, bɛa dɛnaa a die yiikoonaabaa yii wa, sɛnɛ, Lawa foo n goɛ̃ busii-n bɛ li.

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Zaã a sɛ́wɔ 4:36

Min mɛn bɛ́ a dí nyɛɛ, bɛ n màn nàn soekɔn biɛ̃ ǹ a lɛa. Á ke a saraa yii gɔrɔ, bɛ n ka nyin nyabaã nɛ. Bɛ lɛ nɛ, màn-dali laanka a yawaali ni, manə n nyɛnyɛɛ kun.

Zaã a sɛ́wɔ 5:24

«Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 6:68

Simɔn Piɛrɛ tɔ́n a lɛ si: «Dɛnaa, wɔsɛn man die woe die li? Nyin nyabaã kɔ ǹ boon lɛn man nə n din gɔn.

Rɔmu minin 1:32

A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Rɔmu minin 5:12

Sii baraa na á wɔ kanaa, min goon toto a sii zɛnaa a lɛa. Bɛa yɔrɔ kɛ lɛ la, minin si sii baraa la dɔ na á daa, ka min goon toto barka nɛ. Min goon toto a sii baraa na á daa ka gɛ̀ nɛ, gɛ̀ n min tumaa dɔ mìi ni. A giala, min tumaa sii baraa zɛnaa, min tumaa ka lenlen.

Rɔmu minin 5:17

Min goon toto a bɔlɔ-tii taman yii ni, gɛ̀ á minbuiinin mìi ni. Sɛnɛ, Yezu Krita goon toto kɛ màn mɛn zɛnaa, bɛa giala-nyɔmɔɔ ǹ sii á gole, á la Aadã a sii baraa kɛ wɔ nɛ. Min mɛnɛn tumaa bɛ́, Lawa ná a bǐɛ̃ gole kɔ ǹ la kooro, á lɛ kɔ ǹ ganaa min peperen lɛa, bɛn tá re nyin nyabaã yii Krita barka nɛ, ǹ kii baa kun ni.

Rɔmu minin 5:21

Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

Rɔmu minin 6:16

Táa ka á doɛ̃, mà bɛ̀ ǹ nə́ min kɔ bɛ̀rɛ lɛa min kɔsɔ la, mà ǹ dɛnaa n bɛa min kɛ lɛ bɔlɔ sii, a na a bɛ̀rɛ baa. Bɛ̀ ka á sii baraa zɛnɛɛ, ka ǹ sii baraa a bɛ̀rɛn lɛa, á n woe ka kiɛ gɛ̀ nɛ. Bɛ̀ ka á Lawa bɔlɔ sii, ka ǹ bɔlɔ-sii a bɛ̀rɛn lɛa, bɛ n ka bii kɔɔ̃n koe kɔn ka Lawa nɛ.

Rɔmu minin 6:21

Ka ǹ ká wàa là yɛ kəni? Pelo, bɛa siin kɛn lɛn man sìi diɛ ka ganaa, a giala, ǹ giala-nyɔmiɛ n ka gɛ̀ nɛ.

Rɔmu minin 8:13

Bɛ̀ ka á tɔ we á kɔnpii ka gɔ̀nɔn foo siin ni, ka á re giɛ̃. Sɛnɛ, Lawa Yiri barka nɛ, bɛ̀ ka gɔ̀nɔn foo siin kɛn zɛnaa toa walan ka lenlen, ka á re yiikoonaabaa yii.

Rɔmu minin 8:38

Má waa la taãn-taãnɛ, máa màn kɔ́n ba boe la, a Lawa kurəə wɔ narɛɛ ganaa wa. Gɛ̀ a boe la wa, ka yiikoonaabaa nɛ, lon a dia dí-a wolen ne, ka lon màn pàãdɛnan laanka ǹ goledɛnan kɔn ba boe la wa. Pelo màn kɔ́n laanka biɛ̃ ǹ wɔ kɔ́n ba boe la wa.

Rɔmu minin 8:39

Lon gɔ́ɔ̃ nɛ ǹ mànan laanka tán giulun wɔn kɔn ba boe la wa. Lawa din wɔ narɛ ǹ gɔn mɛn nyaa, ka wɔa Dɛnaa Yezu Krita barka nɛ, da ǹ màn kɔ́n ba boe la, a Lawa kurəə bɛa zɛnaa ganaa wa.

Rɔmu minin 8:6

Taasiɛ doa gɔ̀nɔn foo siin ganaa n woe min diɛ gɛ̀ nɛ. Taasiɛ doa Lawa a Yiri Fu dùũ siin ganaa n woe min diɛ nyin nyabaã laanka là nyantoro ne.

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Tiitii 1:2

ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.

Zaaki 1:15

Bɛ̀ yii bɔ sii li dɔ wɔ foo ne á nya, bɛ lɛ n die ka sii baraa nɛ. Bɛ̀ sii baraa dɔ nə́ n din yɛ, bɛ lɛ n die ka gɛ̀ nɛ.

Zaã1 2:25

Krita lɛ kɔ ka màn mɛn nɛ, mà asɛ á re koe wɔ la, bɛ n ka nyin nyabaã nɛ.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»