Rɔmu minin 5:8 - LAWA A BOO SONBORE

⁸ Sɛnɛ, Krita sɛ na á gã wɔsɛn lɛa, bɛ̀ wɔ bɛ́ tɔn Lawa a zɔ́ɔn lɛa. Lawa na á bɛ zɛnaa, á nyaa wɔ nɛ, mà asɛ á wɔ narɛ á la yii ni.

LAWA A BOO SONBORE 2011

⁸ Sɛnɛ, Krita sɛ na á gã wɔsɛn lɛa, bɛ̀ wɔ bɛ́ tɔn Lawa a zɔ́ɔn lɛa. Lawa na á bɛ zɛnaa, á nyaa wɔ nɛ, mà asɛ á wɔ narɛ á la yii ni.

Rɔmu minin 5:8 ပူးပေါင်းရင်းမြစ်များ

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Zaã a sɛ́wɔ 15:13

Min na a din nyin kɔ a giaáran lɛa, kɔn-narɛɛ kɔ́n kiɛ̃ bɛ la wa.

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Rɔmu minin 3:5

Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

Rɔmu minin 4:25

A na á toa Yezu lɛ gã, màn mɛn bɛ́ toɛ, a wɔa sii baraan tuturu. A na á ná a yii kaa á bɔ geren bii, màn mɛn bɛ́ toɛ, a wɔa zɛ̀rɛn nya, wɔ boo la, wɔ n baa min peperen lɛa a din yɔrɔ-a.

Rɔmu minin 5:20

Dí-pɛn man nə́ daa, màn mɛn bɛ́ toɛ, sii baraa mɔnaa. Sɛnɛ, sii baraa bɛ́ á mɔnaa bǎã mɛn nɛ, Lawa a bǐɛ̃baa mɔnaa walan á la yii ni.

Rɔmu minin 5:6

Wɔ bɛ́ sii baraa pàã giulun ǹ mɛn waáraa, Lawa din biikoo mɛn bɔ á koa, Krita na á gã bɛ li Lawa a zɔ́ɔn lɛa.

Rɔmu minin 5:7

Die foo n die taɛ̃, a lɛ kɔ a gã min kɔsɔ a lɛa, haalɛ ta bɛa min lɛ din nə zɛ̀rɛ baãnaa lɛa? Kɔntan bǐɛ̃-zɛnaali sonbore kɔ́n a lɛa, minin tá yii ǹ lɛ kɔ gɛ̀ ganaa.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Rɔmu minin 8:39

Lon gɔ́ɔ̃ nɛ ǹ mànan laanka tán giulun wɔn kɔn ba boe la wa. Lawa din wɔ narɛ ǹ gɔn mɛn nyaa, ka wɔa Dɛnaa Yezu Krita barka nɛ, da ǹ màn kɔ́n ba boe la, a Lawa kurəə bɛa zɛnaa ganaa wa.

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Efɛɛzi minin 2:7

Lawa na á ná a bǐɛ̃baa lɛ nyaa wɔ nɛ ka Yezu Krita nɛ. A na á zɛnaa miɛ̃, mà min tumaa dɔ̃ biikoo tumaa li, mà asɛ a bǐɛ̃baa lɛ a golebaa miã banban.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Timote1 1:16

Sɛnɛ, bɛ̀ Lawa makara bɔ masɛ sii baraa zɛnaali gole kɛ ganaa, a n li mà Yezu Krita na a sii simaa tumaa nyaa masɛ wɔ a paǹ li. A na á masɛ lɛ baa sii a kɔnboe lɛa, màn mɛn bɛ́ toɛ, min mɛnɛn bɛ́ re golee li, ǹ nyin nyabaã yɛ.

Ebrəə 8:3

Wúlu-bɔlen kiã tumaa na á n koa, mà a gɔ ǹ mànan laanka wúlu mànan kɔ Lawa la. Bɛ lɛ nɛ, wɔ dɔn wúlu-bɔlen kiã lɛ doamaa nɛ, a màn kɔ́n yɛ a kɔ Lawa la.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Zaã1 3:16

Kɔn-narɛɛ bɛ́ màn mɛn lɛa, wɔ ǹ doɛ̃ kɛ lɛ li: Krita na á n din nyin kɔ wɔa lɛa. Wɔ dɔn doamaa nɛ wɔ n nyin kɔ wɔ dɔɔ̃nɔn lɛa.