Rɔmu minin 5:21 - LAWA A BOO SONBORE

²¹ Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

LAWA A BOO SONBORE 2011

²¹ Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

Rɔmu minin 5:21 ပူးပေါင်းရင်းမြစ်များ

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 10:28

Man nyin nyabaã koe ǹ la, ǹ ba re giɛ̃ duduu wa. Min kɔ́n dɔ a re boe la a ǹ kũ a ǹ si ma la wa.

Rɔmu minin 4:13

Sonbore, Lawa na á n lɛ kɔ Abrahamu la, mà asɛ n die kanaa din tumaa koe a nɛnyaanan la ǹ wɔ lɛa. Lawa na á n lɛ kɔ Abrahamu la kɛnɛn, Abrahamu a kɔ Lawa a dí-pɛn lɛ a lɛa bie wa. Sɛnɛ, Lawa din bɛ́ á ga a ganaa min pepere lɛa, a golee Lawa li mɛn a lɛa ke, bɛ taman yii ni.

Rɔmu minin 5:12

Sii baraa na á wɔ kanaa, min goon toto a sii zɛnaa a lɛa. Bɛa yɔrɔ kɛ lɛ la, minin si sii baraa la dɔ na á daa, ka min goon toto barka nɛ. Min goon toto a sii baraa na á daa ka gɛ̀ nɛ, gɛ̀ n min tumaa dɔ mìi ni. A giala, min tumaa sii baraa zɛnaa, min tumaa ka lenlen.

Rɔmu minin 5:14

Ka bɛ din tumaa nɛ, gɛ̀ na á goã minin dii, a kũ Aadã ganaa a da Muizu a biikoo yaa, haalɛ ta ǹ dinin nə Lawa bɔlɔ tii ka Aadã bɛ́ á zɛnaa lɔn wa. Min mɛn bɛ́ re die ke lɛn, Aadã na á goã bɛa kɔnboe lɛa ka yɔrɔ kɔ́n nɛ.

Rɔmu minin 5:17

Min goon toto a bɔlɔ-tii taman yii ni, gɛ̀ á minbuiinin mìi ni. Sɛnɛ, Yezu Krita goon toto kɛ màn mɛn zɛnaa, bɛa giala-nyɔmɔɔ ǹ sii á gole, á la Aadã a sii baraa kɛ wɔ nɛ. Min mɛnɛn tumaa bɛ́, Lawa ná a bǐɛ̃ gole kɔ ǹ la kooro, á lɛ kɔ ǹ ganaa min peperen lɛa, bɛn tá re nyin nyabaã yii Krita barka nɛ, ǹ kii baa kun ni.

Rɔmu minin 6:12

Ka baran toa sii baraa goã kii lɛa ka gɔ̀nɔn siĩ gã wole kɛ la doo wa. Ka baran kɔ dùũ sii babaraan kɛn lɛ doo wa.

Rɔmu minin 6:14

Sii baraa pàã ba re boe ka la doo wa, a giala, dí-pɛn bie ka mìi-n doo wa, Lawa a bǐɛ̃baa n ka mìi ni.

Rɔmu minin 6:16

Táa ka á doɛ̃, mà bɛ̀ ǹ nə́ min kɔ bɛ̀rɛ lɛa min kɔsɔ la, mà ǹ dɛnaa n bɛa min kɛ lɛ bɔlɔ sii, a na a bɛ̀rɛ baa. Bɛ̀ ka á sii baraa zɛnɛɛ, ka ǹ sii baraa a bɛ̀rɛn lɛa, á n woe ka kiɛ gɛ̀ nɛ. Bɛ̀ ka á Lawa bɔlɔ sii, ka ǹ bɔlɔ-sii a bɛ̀rɛn lɛa, bɛ n ka bii kɔɔ̃n koe kɔn ka Lawa nɛ.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Rɔmu minin 8:10

Bɛ̀ Krita tá ka foo ne, a laan sii baraa a lɛa nɛ, ka gɔ̀nɔn kɛ á re giɛ̃ ke, Lawa Yiri lɛ n toɛ, ka á yiikoonaan lɛa, a giala, Lawa lɛ kɔ ka ganaa min peperen lɛa.

Tiitii 2:11

A giala, Lawa ná a bǐɛ̃ nyaa mà minbuiin din tumaa a kirisibaa bɔ a nɛ.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Zaã1 2:25

Krita lɛ kɔ ka màn mɛn nɛ, mà asɛ á re koe wɔ la, bɛ n ka nyin nyabaã nɛ.