Rɔmu minin 5:10 - LAWA A BOO SONBORE

¹⁰ Sonbore, wɔ n wɔ́ goã Lawa a zɔ́ɔn lɛa, sɛnɛ, a Nɛgiĩ a gɛ̀ lɛ taman yii, Lawa wɔa zɔ́ɔbaa lɛ nya. Sisia kəni, wɔ bɛ́ kun ka Lawa nɛ, wɔ á re kirisibiɛ a nɛgiĩ a yiikoonaabaa kɛ taman yii.

LAWA A BOO SONBORE 2011

¹⁰ Sonbore, wɔ n wɔ́ goã Lawa a zɔ́ɔn lɛa, sɛnɛ, a Nɛgiĩ a gɛ̀ lɛ taman yii, Lawa wɔa zɔ́ɔbaa lɛ nya. Sisia kəni, wɔ bɛ́ kun ka Lawa nɛ, wɔ á re kirisibiɛ a nɛgiĩ a yiikoonaabaa kɛ taman yii.

Rɔmu minin 5:10 ပူးပေါင်းရင်းမြစ်များ

KZS2 29:24

Lawa a wúlu-bɔlen nə́ tɔn nə ǹ bɔlɔ kuru, ǹ nə́ ǹ mà kaa wúlu bɔ ǹ bǎã lɛ la, màn mɛn bɛ́ toɛ Izirayeli tumaa a sii baraan nə n toa nɛ. Bɛ lɛ nɛ kii lɛ pɛ mà ǹ *wúlu màn tiɛ̃ laanka sii baraa sawaa ǹ wúlu bɔ zaman lɛ tumaa wɔ lɛa.

Ezekieli 45:20

Bɛ̀ min mɛn sii baraa zɛnaa, sã lɛa a na a zɛnaa woon ma, hinlaa a na a dɔ̃ wa, mui lɛ a lɛawaa sɔbaabaa ǹ wɔ pinaa, ka zɛnaa miɛ̃ bɛ dɔ wɔ paǹ li. Bɛ̀ ka bɛ zɛnaa, ka á re gɔ̀ boe ka bɔ Lawa a kion lɛ dɔ ganaa.

Zaã a sɛ́wɔ 14:19

Kànaa ka boɛɛn, kanaa minin ba re masɛ yii doo wa, sɛnɛ, kasɛn tá re ma yii ma yii n koo, ka dɔn yii á re goɛ̃ koo.

Zaã a sɛ́wɔ 5:26

A giala, Díi bɛ́ boe la a yiikoonaabaa kɔ min la lɔn, a ná a kɔ min la ǹ pàã kɔ Nɛgiĩ dɔ la miɛ̃.

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 6:57

Maa Díi mɛn n ma dia, a din lɛ n yiikoonaabaa koe, ma yii n koo ka bɛ lɛ barka nɛ, bɛ̀ min mɛn n masɛ sɔ̃, bɛa dɛnaa dɔ yii n goɛ̃ koo miɛ̃ ka masɛ barka nɛ.

Rɔmu minin 11:28

Ǹ piã ka Lawa a boo tii kɔɔ̃n kɛ lɛ taman yii ni, Zuifun tá Lawa a zɔ́ɔn lɛa. Bɛ na á n zɛnaa kasɛn tɔrɔ kɔsɔn kɛn bǐɛ̃ a lɛa. Sɛnɛ, Lawa din a minin bɔ kɛ wɔ gɔn la, Lawa tá ǹ narɛ ǹ digolon lɛ-a.

Rɔmu minin 5:11

Ka bɛ din yii ni, wɔ foo á kɔɔ̃nɛ, a giala, wɔa Dɛnaa Yezu Krita na á daa wɔ bii kɔɔ̃n kɔ kɔn ka Lawa nɛ, wɔ ba Lawa a zɔ́ɔn lɛa doo wa.

Rɔmu minin 5:6

Wɔ bɛ́ sii baraa pàã giulun ǹ mɛn waáraa, Lawa din biikoo mɛn bɔ á koa, Krita na á gã bɛ li Lawa a zɔ́ɔn lɛa.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Rɔmu minin 8:34

Die n boe la kəni, a dɔlɔ da ǹ mìi ni? Min kɔ́n, a giala, Yezu Krita na á gã, ka bɛ dɔ nɛ a yii kaa, á giã-n Lawa gusin, á n Lawa nyankoe wɔ a lɛa.

Rɔmu minin 8:7

Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

Korɛnti2 5:20

Man boo kɛ diɛ ka nɛ Krita bǎã nɛ, ka n pɛ mà Lawa dinmaa lɛ lɛ n boe ka bíi ka masɛ lɛ nɛ: Man ka gòã kuĩ ka Krita tɔ nɛ, ka lɛ kɔ ka n dinin kaa kun ka Lawa nɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Efɛɛzi minin 2:16

Krita a gã gɔn la kɛ pàã nɛ tìĩ bɔ kɔn nyin ni nya. Á tɔrɔ màn paa kɛ baa goon, á ǹ kaa kun ka Lawa nɛ.

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Zaã1 2:1

Maa nɛnyaanan lɛn, man sɛ́wɔ kɛ diɛ ka la, máa ka baran sii baraa zɛnaa wa. Sɛnɛ, ta min mɛn na á sii baraa zɛnaa dinin, min mɛn bɛ́ boo diɛ wɔ a lɛa wɔ Di Lawa li, bɛ tan, Yezu *Krita pepere kɛ nɛ.

Zaã1 4:10

Minin-narɛɛ lɛ n ka kɛ nɛ: a bie ka wɔsɛn man wɔ́ Lawa narɛ wa, sɛnɛ, asɛ na á wɔsɛn narɛ, a ná a Nɛgiĩ dia, wɔa sii baraan sawaa ǹ wúlu màn lɛa.

Sii-nyaan 1:18

Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.