Rɔmu minin 3:25 - LAWA A BOO SONBORE

²⁵ Minin bɛ́ kɔn gòã kuĩ lɔn ka tɔɔ nɛ, Lawa dɔ na á Yezu kɔ miɛ̃ *wúlu màn lɛa, á gɛ̀ wɔ. Lawa na á bɛ zɛnaa á nyaa mà asɛ á pepere. A laanɛ á goã minbuiin nɛn sii sii a ganaa lɛlɛ, a ná a ba ǹ sii baraa diɛ sii li wa.

LAWA A BOO SONBORE 2011

²⁵ Minin bɛ́ kɔn gòã kuĩ lɔn ka tɔɔ nɛ, Lawa dɔ na á Yezu kɔ miɛ̃ *wúlu màn lɛa, á gɛ̀ wɔ. Lawa na á bɛ zɛnaa á nyaa mà asɛ á pepere. A laanɛ á goã minbuiin nɛn sii sii a ganaa lɛlɛ, a ná a ba ǹ sii baraa diɛ sii li wa.

Rɔmu minin 3:25 ပူးပေါင်းရင်းမြစ်များ

Loen 119:142

N peperebaa lɛ n goɛ̃ yǎa duduu, n landa boon lɛn man taãn lɛa.

Loen 22:31

Sɛnɛ, ǹ tɔrɔ tá re dí nyɛɛ Dɛnaa nɛ, ǹ tá re Dɛnaa boo diɛ bɛa tɔrɔ lɛ nɛ.

Loen 40:10

Zaman gole kɛ bii, má n peperebaa laakalaa. Dɛnaa Lawa, man lɛ kɔ kɔn lɛ wa. N din tá bɛ doɛ̃.

Loen 50:6

Lon mànan tá a peperebaa kɛ kalɛɛ, kiri-kuruli n ka Lawa nɛ. *Doa.

Loen 97:6

Lon nə nyɛɛ, mà Lawa lɛ á pepere. Tɔrɔn tumaa ná a gugurubaa yɛ.

Loen 98:2

Dɛnaa Lawa nyaa kanaa tumaa yɔrɔ-a, mà asɛ din nə wɔ kirisibaali lɛa, á ná a peperebaa nyaa.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Lawa a wúlu-bɔlen 16:10

Sɛnɛ, butumu lɛ a mɛn bɛ́ pã lɛ mɛnaa la Azazeli wɔ lɛa, ǹ bɛ kũ a yii n koo, ǹ da koa Dɛnaa Lawa yɔrɔ-a, ǹ tɔn loo ǹ dia Azazeli la don, sii baraa sawaa ǹ wúlu màn lɛa.

Lawa a wúlu-bɔlen 16:15

Bɛa kiɛ̃ kio, butumu mɛn bɛ́ zaman lɛ a sii baraa sawaa ǹ wúlu màn lɛa, á bɛ bɔlɔ kuru, a wo ka a mà nɛ kion bii kuru kɔn-a ǹ mɔnaa lɛ nyɛɛnɛ. A sii mɛn zɛnaa ka dii gɔ̀lɔ̀ lɛ a mà nɛ, a bɛ lɛ miã zɛnaa ka butumu lɛ dɔ a mà nɛ. A pɛsɛ̃ goo lɛ lɛpii ganaa, a pɛsɛ̃ goo lɛ yɔrɔ-a.

Zaã a sɛ́wɔ 6:47

Masɛ n taãn pii ka nɛ, bɛ̀ min mɛn golee masɛ li, nyin nyabaã n bɛa dɛnaa wɔ lɛa.

Nya ǹ dín 14:16

Lɛlɛ á tɔrɔn tumaa toa walan, didie kɔ a din a zii lɛ.

Nya ǹ dín 15:18

Masɛ din Dɛnaa lɛ n pii miɛ̃, masɛ mɛn bɛ́ má bɛa siin kɛn lɛn yɔrɔ bɔ má koa haalɛ lɛlɛ-lɛlɛ.»

Nya ǹ dín 17:30

Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

Nya ǹ dín 2:23

sɛnɛ, ká n tã, ká toa Lawa doɛ̃ baãnaan nə́ dere gɔn ganaa ǹ nə́ dɛ. Sɛnɛ, Lawa din na á saa lɛlɛ á bɛ yɔrɔ bɔ á koa.

Nya ǹ dín 3:18

Sɛnɛ, Lawa din na á pɛ, mà asɛ lɛ kɔ ka Minin Nyin-sili mɛn nɛ, mà bɛ á re fuu yii. A boo gii-dalin tumaa saa lɛlɛ ǹ nə́ bɛ pɛ, mà Lawa na á toa ǹsɛn kɛn lɛn ná a lɛ pã ǹ sii zɛnaa.

Nya ǹ dín 4:28

Lawa din saa lɛlɛ, á siin mɛnɛn taasɛ, á ǹ yɔrɔ bɔ á ǹ koa, minin lɛn man nə́ bɛn lɛ pã ǹ siin dininsɔɔ̃nɔn zɛnaa.

Rɔmu minin 2:4

Lawa bɛ́ a ba dɔlɔ boe ka ganaa fufuu wa, á n kaa sii sii a ganaa, bɛ lɛ nɛ, n tá a bǐɛ̃baa gole kɛ puusə koe? N ba doɛ̃ mà Lawa a bǐɛ̃baa kɛ lɛ nə n nyanɛɛ, mà n wusoo n sii baraan kio wa?

Rɔmu minin 3:26

Lawa ná a peperebaa nyaa kanna, min mɛn dɔ bɛ́ golee Yezu li, a n bɛa dɛnaa dɔ biɛ min pepere lɛa.

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 5:11

Ka bɛ din yii ni, wɔ foo á kɔɔ̃nɛ, a giala, wɔa Dɛnaa Yezu Krita na á daa wɔ bii kɔɔ̃n kɔ kɔn ka Lawa nɛ, wɔ ba Lawa a zɔ́ɔn lɛa doo wa.

Rɔmu minin 5:18

Bɛ lɛ n ke, min goon a bɔlɔ-tii toa, kiri á re doe min tumaa ganaa. Bɛa yɔrɔ lɛ la, min goon toto dɔ a bɔlɔ-sii na á daa ka min tumaa zɛ̀rɛ a nya nɛ, á nyin nyabaã kɔ.

Rɔmu minin 5:9

Krita bɛ́ á lɛ kɔ á gã wɔ a lɛa, Lawa lɛ kɔ wɔ ganaa min peperen lɛa, wɔ́ waa la dɔn, wáa á re wɔ kirisibiɛ biɛ̃ ǹ dɔlɔ kɛ ganaa.

Korɛnti1 5:7

Ka bɛa sii baraa zɛnaa ǹ yɔ bù zizi kɛ bɔ ka bɔ ka bii, ń giɛ ka á *yoreen koe. Buuru yia mɛn bɛ́ yɔ bù ná a ba li wa, á n buuru yia dii lɛa, ka goã bɛ lɛa. A taãnbaa li, ka n bɛ lɛ din lɛa gɔrɔ. Wɔa *kiɛ̃mala ǹ zɔ́n nə́ n giala kɔ, a giala, maǹ nə́ wúlu bɔ ka Krita nɛ, wɔa kiɛ̃mala ǹ zɔ́n sère nɛ lɛa.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Efɛɛzi minin 2:13

Sɛnɛ kanna, Yezu Krita wɔbaa gɔ́ɔ̃ nɛ, ka bɛ́ ká goã sɔsɔɔ a ganaa, ka n ká wusoo ka n mɔrɔ a ganaa, Krita din a gɛ̀ pàã ganaa.

Timote1 1:15

Kɛ n boo taãn lɛa, min tumaa doamaa nɛ a si, a waa la mà Yezu Krita na á daa kanaa, màn mɛn bɛ́ toɛ, a sii baraa-zɛnaalin kirisibaa, sanparɛ masɛ mɛn wɔ bɛ́ á là da.

Ebrəə 10:4

A giala, dii gɔ̀lɔ̀n laanka butumu mà a boe la, a sii baraan nya duduu wa.

Ebrəə 11:14

Min mɛnɛn bɛ́ boo diɛ kɛnɛn, bɛn nə́ nyaa foaãnɛ mà ǹsɛn man giɛ dikion kɔ́n li.

Ebrəə 11:17

Golee Lawa li na á toa, Lawa bɛ́ á n da Abrahamu gɔ́ɔ̃ li ke, Abrahamu lɛ kɔ á Izaaki kɔ wúlu màn lɛa. A na á n din zɛnaa á die a nɛgiĩ goon toto lɛ koe, a da yaa Lawa na á n lɛ kɔ a din lɛ wɔ gɔn la,

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Ebrəə 9:5

Lon màn yiikoonaan nyínin man Goo lɛ lalan, nyɛɛ mà Lawa tan walan. Ǹ bɛ́ wúlu boe bǎã mɛn nɛ sii baraan toa a lɛa, bɛa mànan lɛn man nə́ ǹ nyàa kan lɛ bɔ, ǹ nə́ ǹ kɔ bɛa bǎã lɛ lɛ. Sɛnɛ, bɛa siin kɛn lɛn tumaa a yɔrɔ pɛ biikoo bie ka sisia-n wa.

Zaã1 1:10

Bɛ̀ wɔ́ pɛ wáa wɔ ba sii baraa-zɛnaalin lɛa wa, wɔ ǹ Lawa biɛ soɛ-bɔle lɛa, a boo kɛ ba wɔ gɔ́ɔ̃-n wa.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.

Zaã1 4:10

Minin-narɛɛ lɛ n ka kɛ nɛ: a bie ka wɔsɛn man wɔ́ Lawa narɛ wa, sɛnɛ, asɛ na á wɔsɛn narɛ, a ná a Nɛgiĩ dia, wɔa sii baraan sawaa ǹ wúlu màn lɛa.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.

Sii-nyaan 20:15

Min mɛnɛn tumaa tɔ bɛ́ a yɛ yiikoonaabaa ǹ sɛ́wɔ lɛ-n wa, ǹ nə́ bɛn tumaa zũ tɛ panapana lɛ nɛ.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.