Rɔmu minin 3:20 - LAWA A BOO SONBORE

²⁰ Lawa a dí-pɛn bɛ́ mà màn mɛn nə n zɛnaa, min kɔ́n bɛ zɛnaa a ná a lɛ pã wa. Bɛ lɛ taman yii, min kɔ́n ba boe la, a min pepere baa ǹ lɛa Lawa yɔrɔ-a wa. Lawa a dí-pɛn dí n ka kɛ dinsɔɔ̃ nɛ, ǹ sii baraa nyaa, min nə yɛ.

LAWA A BOO SONBORE 2011

²⁰ Lawa a dí-pɛn bɛ́ mà màn mɛn nə n zɛnaa, min kɔ́n bɛ zɛnaa a ná a lɛ pã wa. Bɛ lɛ taman yii, min kɔ́n ba boe la, a min pepere baa ǹ lɛa Lawa yɔrɔ-a wa. Lawa a dí-pɛn dí n ka kɛ dinsɔɔ̃ nɛ, ǹ sii baraa nyaa, min nə yɛ.

Rɔmu minin 3:20 ပူးပေါင်းရင်းမြစ်များ

Zɔbu 15:15

Bɛ̀ ń Lawa yaa a ba wɛɛ a din a dia dí-a wole sonboren kɛn la lon wa, a din lon mɛn zɛnaa bɛ̀ bɛa yoreen ne a yɔrɔ-a wa,

Loen 130:3

Bɛ̀ ma n wɔ kuĩ wɔa sã ǹ siin kɛn li, Dɛnaa Lawa, die n boe la a la?

Loen 143:2

N baran kiri wɔ n bɛ̀rɛgiĩ lɛ-a wa, a giala, min kɔn ba pepere nsɛ yɔrɔ-a wa.

Nya ǹ dín 13:39

Sɛnɛ, bɛ̀ ka golee Yezu li, Lawa á die kaa sii baraan tumaa toɛ ka nɛ.

Rɔmu minin 2:13

Bɛ̀ min tá giɛ li a boo la, a n baa min pepere lɛa Lawa yɔrɔ-a, dí-pɛn kɛn doɛ̃ dinsɔɔ̃ bie boe wa, yǎa a tɔ we a kɔnpii ka Lawa a zii kɛ nɛ.

Rɔmu minin 3:28

A giala wɔ n taasɛ wáa minbuiin nɛ n peperebaa yii Lawa yɔrɔ-a goleemali barka nɛ, dí-pɛn gòɛ̃ ná a ba a-n wa.

Rɔmu minin 4:13

Sonbore, Lawa na á n lɛ kɔ Abrahamu la, mà asɛ n die kanaa din tumaa koe a nɛnyaanan la ǹ wɔ lɛa. Lawa na á n lɛ kɔ Abrahamu la kɛnɛn, Abrahamu a kɔ Lawa a dí-pɛn lɛ a lɛa bie wa. Sɛnɛ, Lawa din bɛ́ á ga a ganaa min pepere lɛa, a golee Lawa li mɛn a lɛa ke, bɛ taman yii ni.

Rɔmu minin 4:15

Lawa a dí-pɛn lɛn man dɔlɔ diɛ min mìi ni, a giala, dí-pɛn bɛ́ ǹ ba bǎã mɛn nɛ wa, dí-pɛn bɔlɔ-tii dɔ banban.

Rɔmu minin 5:13

Lawa laan mà a na a dí-pɛn koe, bɛ̀ sii baraa tá kanaa. Sɛnɛ, Lawa bɛ́ a tɔn na a dí-pɛn kɔ wa, Lawa goã sii baraa diɛ sii li wa.

Rɔmu minin 5:20

Dí-pɛn man nə́ daa, màn mɛn bɛ́ toɛ, sii baraa mɔnaa. Sɛnɛ, sii baraa bɛ́ á mɔnaa bǎã mɛn nɛ, Lawa a bǐɛ̃baa mɔnaa walan á la yii ni.

Rɔmu minin 7:11

Sii baraa na á dí-pɛ lɛ gɔn kũ, á n doa a pàã ganaa, á wɔ sã, á gɛ̀ da wɔ mìi ni.

Rɔmu minin 9:32

A giala, ǹ bie ǹ nə́ goã giɛ li, mà Lawa lɛ kɔ ǹsɛn-a min peperen lɛa, ka golee Lawa li barka-n wa. Maǹ nə́ goã giɛ bɛ li, ka ǹ dinin nya ǹ dí barka nɛ. Ǹ nə́ n gòã na "mɛnaa ǹ kɔlɔ" lɛ ganaa.

Korɛnti1 15:56

Gɛ̀ a minin ziziɛ̃ ǹ pàã n boe sii baraa nɛ, sii baraa dɔ pàã n boe dí-pɛ nɛ.

Galaasi minin 2:16

Sɛnɛ, wɔ á doɛ̃ wáa Lawa n lɛ koe min ganaa min pepere lɛa, a golee Yezu Krita li barka nɛ. A bie lɛ koe min ganaa Muizu a dí-pɛn zɛnaan lɛa wa. Wɔsɛn dɔn man wɔ golee Yezu Krita li, màn mɛn bɛ́ toɛ, Lawa lɛ kɔ wɔ ganaa min peperen lɛa, wɔa golee Krita li taman yii. Sɛnɛ, wɔa dí-pɛn sii zɛnaan taman yii bie wa. A giala, Lawa a lɛ koe min kɔ́n ganaa min pepere lɛa, dí-pɛn sii zɛnaan lɛa wa.

Galaasi minin 2:19

A da yaa dí-pɛn lɛn wɔ paǹ li, a n goon ka man má gã. Dí-pɛn lɛn dininmaa man nə́ ma dɛ, màn mɛn bɛ́ toɛ, ma yii goã koo Lawa wɔ lɛa. Man má gã gɔn ganaa kun ka Krita nɛ.

Galaasi minin 5:4

Táa ka n giɛ li, mà Lawa lɛ kɔ ka ganaa min peperen lɛa dí-pɛn taman yii! Haya, ka n ká n dinin na ka n bɔ Krita ganaa. Kaa wɔ gii ba Lawa a bǐɛ̃ kɛ-n doo wa.

Ebrəə 7:19

Sonbore, Muizu a Dí-pɛn lɛn nə pàã kɔ minin la, ǹ nə́ sii kɔ́n zɛnaa, ǹ ná a lɛ pã wa. Sɛnɛ, wɔa foo-doa yɔrɔ bɛ́ dia-n màn mɛn la kanna, bɛ á soɛ wɔa lɛlɛ a foo-doa ǹ wɔ kɛ nɛ. Wɔ ǹ boe la, wɔ n mɔrɔ Lawa ganaa ka bɛ barka nɛ.