Rɔmu minin 2:27 - LAWA A BOO SONBORE

²⁷ Bɛa soroma kɛ lɛ gɔ̀nɔn siĩ wɔ gɔn la, bɛ lɛ n die kiri kuri nsɛ Zuifu lɛ la. A laanɛ n tá kurii ni, n nə́ Lawa a dí-pɛn doɛ̃, n bɛ́ n nə́ ǹ bɔlɔ tii. A da yaa soroma kɛ lɛ n koe ǹ lɛ a tá ǹ zɛnɛɛ.

LAWA A BOO SONBORE 2011

²⁷ Bɛa soroma kɛ lɛ gɔ̀nɔn siĩ wɔ gɔn la, bɛ lɛ n die kiri kuri nsɛ Zuifu lɛ la. A laanɛ n tá kurii ni, n nə́ Lawa a dí-pɛn doɛ̃, n bɛ́ n nə́ ǹ bɔlɔ tii. A da yaa soroma kɛ lɛ n koe ǹ lɛ a tá ǹ zɛnɛɛ.

Rɔmu minin 2:27 ပူးပေါင်းရင်းမြစ်များ

Matiə 3:15

Yezu tɔ́n pɛ nɛ: «A giala, wɔ doamaa nɛ wɔ Lawa foo sii zɛnaa miɛ̃.» ZAÃ nɔmaa á lɛ kɔ.

Nya ǹ dín 13:22

Lawa bɛ́ á Sayulu bɔ á bɔ ǹ mìi la, á Davida bɔ á koa ǹ kii lɛa. Lawa na á boo kɛ pɛ a din lɛ wɔ gɔn la: «Masɛ n má Zesee a nɛgiĩ Davida yɛ min lɛa, a sii n kiɛ ma foo la parsiini. A din lɛ n die ma foo dùũ siin tumaa zɛnɛɛ a nə ǹ lɛ pã.»

Rɔmu minin 13:10

Bɛ̀ min mɛn tá ǹ miã kɔsɔ narɛ, a ba sii baraa zɛnɛɛ-n wa. Miã kɔsɔ narɛɛ lɛ n Lawa a dí-pɛn tumaa lɛ piɛ̃ lɛa.

Rɔmu minin 2:15

Ǹ dinin tɔ wɔ ǹ gɔn nə nyɛɛ kɛnɛn, mà dí-pɛn bɛ́ giɛ màn mɛn li, mà bɛ n kiɛ̃ nɛ ǹ gɔ́ɔ̃ nɛ. Ǹ dinin foo n bɛa siére pii, ǹ taasiɛn manə ǹ zɛ̀rɛ biɛ biikoo tɛn li, ǹ sonbore kɔ ǹ la biikoo tɛn dɔ li.

Rɔmu minin 2:20

mà nsɛ n sii doɛ̃baãnaan-daraali lɛa, ka nɛnyaanan mìinaa nɛ. Ma n bɛ pii, a giala, minbuiin nɛ doamaa bɛ́ nɛ, a Lawa laanka a sonbore kɛ dɔ̃ lɔn, ma nə n bɛ yii yɛ dí-pɛn lɛn nɛ.

Rɔmu minin 2:25

Liere ba a-n wa, là tá kurii ganaa bɛ̀ n tá koe dí-pɛn lɛn lɛ. Sɛnɛ, bɛ̀ n tá ǹ bɔlɔ tii, ta n nə́ n kuru, ma n ka *soroma bɛ́ lɔn Lawa yɔrɔ-a.

Rɔmu minin 2:26

Tɔrɔ kɔsɔn soroman kɛn, bɛ̀ bɛn min tá koe dí-pɛn lɛ, a nə́ ǹ zɛnɛɛ, a soromabaa lɛ bie re goɛ̃ ka kurii bɛ́ lɔn Lawa yɔrɔ-a wa?

Rɔmu minin 2:29

Gɔ́ɔ̃ wɔ n min biɛ Zuifu taãn lɛa, kurii n boe foo li, Lawa a Yiri Fu barka nɛ, sɛnɛ Lawa a boo kiɛ̃ kɛ dinsɔɔ̃ barka bie wa. Bɛa Zuifu taãn kɛ a tɔ bɔ bie boe minbuiinin li wa sɛnɛ, a n boe Lawa li.

Rɔmu minin 3:30

Lawa n goon toto, a bɔkɔnlɛ we wa. Bɛ̀ Zuifu golee li, a n lɛ koe a ganaa, bɛ̀ tɔrɔ kɔsɔ dɔ golee li, a n lɛ koe a dɔ ganaa.

Rɔmu minin 8:4

Bɛ na á n zɛnaa, màn mɛn bɛ́ toɛ, Lawa a dí-pɛn bɛ́ giɛ màn mɛn li, bɛ boo la a n zɛnaa wɔ nɛ, wɔsɛn mɛnɛn bɛ́, wɔ a tɔ we á kɔnpii dùũ sii babaraan kɛn nɛ doo wa, sɛnɛ, wɔ n tɔ we á kɔnpii ka Lawa a Yiri fu dùũ ni.

Korɛnti1 7:19

Kurii a màn kɔn lɛa wa, kuriibaã dɔ a màn kɔn lɛa wa. Lawa a dí-pɛn lɛ si dinsɔɔ̃ n sii taãn lɛa.

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Galaasi minin 5:14

A giala, dí-pɛ tumumaa lɛ n piɛ̃ ka boo goon toto kɛ nɛ: «Ǹ miã kɔsɔ narɛ ka n bɛ́ n din narɛ lɔn.»

Efɛɛzi minin 2:11

Ka bie ká yɛ Zuifun lɛa wa. Zuifun man nə́ goã ka bíi soroman, ǹ nə́ n dinin bíi kurii wolen. Bɛa kurii lɛ n sii a kɔnboe lɛa, ǹ nə́ goã zɛnɛɛ ǹ dinin gɔ̀nɔn ganaa. Ka goã lɔn lɛlɛ, ka n yiri koa ka bɛ nɛ.

Timote2 3:15

Haalɛ, n nɛnyaanbaa waáraa, n tá Lawa a sɛ́wɔ boo sonboren kɛn doɛ̃. Ǹ tá boe la ǹ yiri kɔ n la, n golee Yezu Krita li, màn mɛn bɛ́ toɛ, n kirisibaa yɛ.

Ebrəə 11:3

Golee Lawa li n toɛ, wɔ á doɛ̃ wáa Lawa na á kanaa da ka a boo ne. Bɛ lɛ nɛ, wɔ yii bɛ́ kanaa mɛn ganaa, bɛ bie á n zɛnaa ka màn yɛ ka yii-n wole-n wa.