Rɔmu minin 2:22 - LAWA A BOO SONBORE

²² N mà ǹ baran naarɛbaa zɛnaa wa, n din nə zɛnɛɛ. N ba giɛ li n dì gìĩ ma wa, sɛnɛ, ma na a *wúlu bɔ ǹ bǎã mànan goɛ.

LAWA A BOO SONBORE 2011

²² N mà ǹ baran naarɛbaa zɛnaa wa, n din nə zɛnɛɛ. N ba giɛ li n dì gìĩ ma wa, sɛnɛ, ma na a *wúlu bɔ ǹ bǎã mànan goɛ.

Rɔmu minin 2:22 ပူးပေါင်းရင်းမြစ်များ

Loen 50:17

N bɛ́ ń maa doroo tii, ń nə́ n piã ka maa boo ne.

Zeremii 5:7

Man makara boe n ganaa lɔn kəni Zeruzalɛmu? N nɛnyaanan nə́ n la bɔ ma ganaa. Mànan mɛnɛn bɛ́ ǹ ba Lawa lɛa wa, maǹ liɛ we ka bɛn tɔ nɛ. Ǹ bɛ́ màn mɛn tumaa li, má a tumaa kɔ ǹ la. Sɛnɛ, ǹ nə́ naarɛbaa zɛnaa, ǹ nə́ kɔn nyɛnyɛnaa ǹ nə́ woo kɔrɔbaa ǹ kion.

Zeremii 9:2

Ǹ lɛwɔn nə baraa ka kiɛ bɛ́ lɔn. Ǹ nə́ gána lɛ a mìinaan baa soɛ taman yii peperebaa a lɛa bie wa. Taãn nɛ, gɛ̀ dɛ woo gɛ̀ dɛ, ǹ dí n ka bɛ lɛ nɛ. A giala, ǹ ba ma doɛ̃ wa. Dɛnaa Lawa a da ǹ boo ne.

Ezekieli 22:11

Minin man sii bɔbɔnɛɛ zɛnɛɛ kun ka ǹ miãn lɔn nɛ, min nə ǹ manaa bebele a giã kun ni woone. Min dɔ na á tan kiwi lɛ nɛ, giɛ̃ kun ka ǹ miãnɛn nɛ, a din a díi a yii lɛa.

Malakii 1:14

Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Malakii 1:8

Bɛ̀ ka daa tɔɔ yii tere-a nɛ, tɔɔ mɛn bɛ gisiĩ hinlaa tɔɔ bɔlɔka kɔ ma la *wúlu màn lɛa ka n taasɛ mà á siĩni? Bɛ̀ ka bɛa tɔɔ kɛ lɛ miã kɔ kaa gánadɛnaa la, ka á taasɛ mà a foo á re kɔɔ̃n koe a lɛ kɔ a sii zɛnaa kaa lɛa? Man nɔ̀n diɛ ka la masɛ Dɛnaa Lawa Pàãyiidɛnaa.

Malakii 3:8

Man ka lɛ sii kɛnɛn: «Minbuiin nɛ á boe la a Lawa sã?» Sɛnɛ, kasɛn man masɛ siɛ̃. Ka n nɔ̀n diɛ ma la: «Wɔ wɔ́ n sã ka wàa nɛ: kaa tán dí nya ǹ màn a talɛɛ a fùbaa ǹ wɔ a kɔmala gɔ́ɔ̃ nɛ, ka kaa wúlu màn a kɔmala nɛ.

Matiə 12:39

Yezu tɔ́n pɛ ǹ nɛ: – Pelo min babaraan, Lawa bɔlɔ tii wolen kɛn man giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa.

Matiə 16:4

Pelo min babaraan, Lawa bɔlɔ tii wolen kɛn ka n giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa. Bɛ kio, á kiɛ̃ á ǹ toa walan.»

Marki 11:17

Á tɔ́n minin daraa á pɛ ǹ nɛ: – A tá kiɛ̃-n Lawa a boo-n kɛnɛn: «Maa Kion lɛ n die n bíi mà tɔrɔ din tumaa a Lawa nyankɔ ǹ kion, sɛnɛ, kasɛn man biɛ wurumunun duru ǹ yala lɛa!»

Nya ǹ dín 19:37

Sonbore, ka ǹ ka daa kànaa ka minin ni, minin mɛnɛn bɛ́ ǹ wɔsɛn dì soɛ̃ yiɛ wa, ǹ boo baraa dɔ da a ganaa wa.

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.