Rɔmu minin 15:8 - LAWA A BOO SONBORE

⁸ Man bɛ lɛ pii ka nɛ, máa Krita na á daa Zuifun lɛa, á nyaa mà Lawa n bɔlɔgoondɛnaa lɛa. Lawa bɛ́ a n lɛ kɔ Zuifun digolon la ka siin mɛnɛn nɛ, a na á bɛn zɛnaa á ǹ lɛ pã, ka Krita lɛ barka nɛ.

LAWA A BOO SONBORE 2011

⁸ Man bɛ lɛ pii ka nɛ, máa Krita na á daa Zuifun lɛa, á nyaa mà Lawa n bɔlɔgoondɛnaa lɛa. Lawa bɛ́ a n lɛ kɔ Zuifun digolon la ka siin mɛnɛn nɛ, a na á bɛn zɛnaa á ǹ lɛ pã, ka Krita lɛ barka nɛ.

Rɔmu minin 15:8 ပူးပေါင်းရင်းမြစ်များ

Suusun 8:7

Taãn nɛ, man sonbore pii. A giala, soɛ boon tumaa tìĩ n boe-n ma nɛ.

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Matiə 15:24

Yezu tɔ́n pɛ: «Izirayeli minin mɛnɛn bɛ́ ǹ nə́ papaã ka sèren bɛ́ lɔn, Lawa na á ma dia bɛn lɛn dininsɔɔ̃nɔn li.»

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Zaã a sɛ́wɔ 1:11

Á daa a din a gána nɛ, sɛnɛ a din tɔrɔn nə́ ǹ piã nɛ.

Zaã a sɛ́wɔ 10:16

«Maa sère kɔsɔn dɔn tan, ǹ ba kion kɛ-n wa, ma doamaa nɛ, ma da ka bɛn dɔn nɛ ma ǹ kaa a nɛ. Ǹ tá re ma bɔlɔ miɛ, ǹ tumaa nə n baa tɔɔ kuru goon toto lɛa, ǹ lɛduə̃li goã goon toto.

Nya ǹ dín 13:46

Pooli laanka Barnabaasi pɛ ǹ nɛ ka foo tãbaa nɛ: – Lawa a boo kɛ lɛ doamaa nɛ a n pɛ ka dinin lɛn man bɔrɔ, sɛnɛ, ka bɛ́ ka n piã nɛ, ka ga ka dinin ganaa mà kasɛn doamaa bie ka nyin nyabaã kɛ-n wa, bɛ lɛ nɛ, wɔsɛn manə bɔyɛɛ wɔ n yɔrɔ da tɔrɔ kɔsɔn la.

Rɔmu minin 11:22

N yiri kɔ sii màn paa kɛ li: Lawa a bǐɛ̃baa kɛ laanka a kakaarɛbaa kɛ nɛ. A n kakaarɛ a piãman wolen ganaa, a n bǐɛ̃ zɛnɛɛ nsɛ dɔ nɛ. Sɛnɛ, yǎa n goɛ̃ bɛa bǐɛ̃ kɛ lɛ nɛ, bɛ bie wa, á re n dɔ kuri a n daa.

Rɔmu minin 11:30

Kasɛn tɔrɔ kɔsɔn kɛn lɛn, lɛlɛ ká goã ká Lawa bɔlɔ tii. Sɛnɛ kanna, Zuifun Lawa bɔlɔ-tii taman yii, Lawa makara bɔ ka ganaa.

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Rɔmu minin 3:26

Lawa ná a peperebaa nyaa kanna, min mɛn dɔ bɛ́ golee Yezu li, a n bɛa dɛnaa dɔ biɛ min pepere lɛa.

Rɔmu minin 3:3

Sonbore ne, ǹ tɛnɛn nə goã bɔlɔgoondɛnaabaa la wa. Sɛnɛ, bɛ á boe la a Lawa a bɔlɔgoondɛnaabaa sàabaa ya?

Rɔmu minin 4:16

Lawa na á ná a lɛ kɔ ǹ sii lɛ zɛnaa a giala, mà Abrahamu golee li. Bɛa lɛ kɔ ǹ sii lɛ n bǐɛ̃baa ǹ màn lɛa á kɔ kooro. Bɛa yɔrɔ kɛ la, a n lɛ kɔ ka sii mɛn nɛ, bɛ n Abrahamu a nɛnyaanan tumaa wɔ lɛa. Ǹ mɛnɛn bɛ́ Lawa a dí-pɛn nə́ ǹ li, a bie bɛn dininsɔɔ̃nɔn wɔ lɛa wa. Sɛnɛ, ǹ mɛnɛn dɔn nə golee Lawa li ka Abrahamu din bɛ́ lɔn, a n bɛn dɔn wɔ lɛa. Abrahamu lɛ n wɔ tumaa a díi lɛa.

Korɛnti1 1:12

Ma bɛ́ màn mɛn pii ka nɛ á ke: Kaa didie tumaa n boo totoro diɛ. Ke mà asɛ n Pooli wɔ lɛa, ke mà asɛ n Apolɔɔsi wɔ lɛa, kɔsɔ dɔ mà asɛ n Piɛrɛ wɔ lɛa, kɔsɔ dɔ doo mà Krita wɔ-n ka asɛ nɛ.

Korɛnti1 10:19

Man giɛ li ma pɛ mà wàa? Mà là tá dì wúlu siĩ lɛ laanka dì lɛ din ganaa?

Korɛnti1 10:29

Ma bie boo diɛ ka dinin gɔ́ɔ̃ a taasiɛ kɛ wɔ gɔn la wa, sɛnɛ, min mɛn boo lɛ pɛ ka nɛ, man bɛ wɔ ganaa. Sɛnɛ, die n die nɔ̀n diɛ ma la, mà wàa na á baa? Min kɔsɔ foo a zɛ̀rɛ á boe la, a ma kurəə ma din gɔn wìi a lɛa sii-zɛnaa ganaa?

Korɛnti1 15:50

Ma dɔɔ̃nɔn lɛn, ma bɛ́ boo mɛn pii ka nɛ, bɛ á ke: màn mɛn nə n zɛnaa siĩ lɛa ka mà nɛ, bɛ gii ba *Lawa a kiibaa ǹ bǎã-n wa. Màn mɛn dɔ bɛ́ giɛ̃, bɛ gii ba nyin nyabaã kɛ-n ma.

Korɛnti2 1:20

Sonbore ne, a din nə Lawa a lɛ-kɔ ǹ sii tumaa a «Hiĩ» diɛ lɛ piɛ̃. Yezu Krita a lɛa nɛ, wɔ á pii wáa «a n miɛ̃», wɔ n Lawa tɔ gole koe ne.

Efɛɛzi minin 2:12

Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.