Rɔmu minin 15:28 - LAWA A BOO SONBORE

²⁸ Bɛ̀ má bɛa dí lɛ yɔrɔ bɔ má nya ka lenlen, bɛ̀ má bɛa màn boboe kɛ lɛ a kaa kun kɔ ǹ la ǹ mɛn waáraa, ma á die woe Espanyi, sɛnɛ, ma á re boe ka li ma tɔ́n kiɛ̃.

LAWA A BOO SONBORE 2011

²⁸ Bɛ̀ má bɛa dí lɛ yɔrɔ bɔ má nya ka lenlen, bɛ̀ má bɛa màn boboe kɛ lɛ a kaa kun kɔ ǹ la ǹ mɛn waáraa, ma á die woe Espanyi, sɛnɛ, ma á re boe ka li ma tɔ́n kiɛ̃.

Rɔmu minin 15:28 ပူးပေါင်းရင်းမြစ်များ

Suusun 19:21

Minbuiinin man sii gigiã taasɛ ǹ yiri ni, sɛnɛ, Dɛnaa Lawa foo sii nə n zɛnɛɛ.

Busii pɛ 3:37

Die n boe la a boo da, a toa bɛa boo lɛ kaa lɛ? Dɛnaa Lawa din bie wa?

Matiə 27:66

Ǹ nə́ tɔ́n woo ǹ nə́ yala lɛ a lɛduə̃ sii yɔrɔ bɔ. Kɔlɔ mɛn bɛ́ a lɛ tiɛ̃, ǹ nə́ gɔn bǎã da bɛ ganaa, min ba a lɛ buĩ a din gɔn wìi a lɛa wa. Ǹ nə́ sɔraasin koa a li, mà ǹ na a lɛduə̃.

Zaã a sɛ́wɔ 3:33

Bɛ̀ min mɛn lɛ kɔ a boo ganaa, bɛa dɛnaa n nyɛɛ mà Lawa n sonbore-pɛle lɛa.

Nya ǹ dín 19:21

Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»

Rɔmu minin 15:24

Man giɛ li ma bɛ zɛnaa sisia. Bɛ̀ ma á woe Espanyi ǹ mɛn waáraa, man giɛ li ma golee ka li. Bɛ̀ má golee wɔ kɔn sii bɔ ǹ mɛn waáraa, ma á doɛ̃ ka á re n doe ma lɛ ma woo.

Filipi minin 4:17

Ma bie giɛ li, máa yǎa ka bǐɛ̃baa ǹ mànan diɛ ma la wa, sɛnɛ, man giɛ li máa Lawa màn gigiã koa ka nɛ.

Kolɔɔsi minin 1:6

Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.