Rɔmu minin 15:26 - LAWA A BOO SONBORE

²⁶ A giala, Masedoanɛ laanka Grɛki gána a Lawa-nyankɔlen man a gialaa wɔrɔ boboe, ǹ nə́ die koe Zeruzalɛmu wɔn kɛn la doobaabaa gɔ́ɔ̃ nɛ.

LAWA A BOO SONBORE 2011

²⁶ A giala, Masedoanɛ laanka Grɛki gána a Lawa-nyankɔlen man a gialaa wɔrɔ boboe, ǹ nə́ die koe Zeruzalɛmu wɔn kɛn la doobaabaa gɔ́ɔ̃ nɛ.

Rɔmu minin 15:26 ပူးပေါင်းရင်းမြစ်များ

Suusun 14:21

Min mɛn bɛ́ ǹ miãn pɔpɔsɛ, a n sii baraa zɛnɛɛ. Min mɛn bɛ́ din boɛɛn kɔ wolen tá kɔɔ̃n a ganaa, bɛ n min foo kɔɔ̃naa lɛa.

Suusun 14:31

Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.

Suusun 17:5

Min mɛn bɛ́ yaa we doobaa ganaa, a n sɔ koe ǹ zɛnaali ganaa. Min mɛn bɛ́ n nyɛnyɛɛ ka ǹ miãn koe ne, dɔlɔ á re n boe ǹ dɛnaa ganaa.

Zakarii 11:11

Lɛ kɔ kɔn la lɛ na á n ziziɛ̃ bɛa pinaa kɛ lɛ nɛ. Sère makara dɛnan mɛnɛn nə goã giɛ ma ganaa, bɛn nə dɔ̃, mà Dɛnaa Lawa a boo na a gialaa yɔrɔ yii.

Zakarii 11:7

Ǹ bɛ́ woe ka sèren mɛnɛn nɛ ǹ dɛ ǹ bǎã nɛ, sanparɛ a makaradɛnan kɛn, ma dinmaa-n bɛn lɛduə̃li lɛa. Má tɔɔn lɛduə̃ ǹ bàlà màn paa saa. Má a bibinaa bíi "giaárabaa", má a paabaa ǹ wɔ bíi "goonbaa", má maa sèren lɛduə̃ giala kɔ.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Matiə 26:11

A giala, doobaan tá kun ka nɛ biikoo tumaa li, sɛnɛ, ka a re masɛ yii kun ka nɛ biikoo tumaa li wa.

Luku 14:13

Bɛ̀ ń minin bíi zɔ́n màn-bii ganaa, lɛ dia doobaan la ka bɔlɔkan nɛ ka siməə wolen ne ka yii tere-an nɛ.

Luku 6:20

Yezu nə́ n yii saa lon á doa a kialandɛnan lɛn la, á pɛ ǹ nɛ: «Kasɛn mɛnɛn bɛ́ doobaan lɛa, Lawa á re barka diɛ ka ganaa, a giala *Lawa a kiibaa lɛ n ka dinin wɔ lɛa.

Nya ǹ dín 16:12

Wɔ́ n toa walan wɔ́ tɔ wɔ, wɔ́ woo Filipi kiwi, bɛ mɛn bɛ́ á goã Masedoanɛ gána paǹ goon a kiwi gole lɛa, Rɔmu minin giã ǹ bǎã lɛa. Wɔ biikoo kɔ́n zɛnaa bɛa kiwi lɛ nɛ.

Nya ǹ dín 16:9

Tèlò kɔ́n nɛ, Pooli yii màn kɔ́n yɛ: Masedoanɛ gána min goon ne, á n din nyaa nɛ golee-n lon, a ná a nyankoe kɛnɛn: «Da Masedoanɛ, n nə n dɔ wɔsɛn lɛ.»

Nya ǹ dín 18:12

Galiɔn bɛ́ Grɛki gána mìi la ǹ mɛn waáraa, Zuifun nə́ kaa kun ǹ nə́ yoo Pooli gialaa. Ǹ nə́ kũ ǹ nə́ woo ne kiri wɔ ǹ bǎã nɛ.

Nya ǹ dín 19:21

Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»

Nya ǹ dín 9:13

Ananiasi pɛ: «Dɛnaa, masɛ min gigiã lɛ ma boo diɛ giĩ kɛ lɛ wɔ gɔn la, ka a bɛ́ á sii baraan mɛnɛn zɛnaa Dɛnaa din a minin kɛn manɛ Zeruzalɛmu.

Korɛnti1 16:15

Dí goon nə ke doo, ma dɔɔ̃nɔn lɛn: Ka á doɛ̃ mà Tefanaasi laanka a kion minin man nə́ golee Lawa li bibinaanɛ Grɛki gána nɛ. A kũ bɛ lɛ ganaa, ǹ nə́ n dinin kɔ, ǹ nə́ dí nyɛɛ Lawa a sɔmɔ minin manɛ.

Korɛnti1 16:5

Ma á re woe boe ka Masedoanɛ gána nɛ, ma tɔn da ka li. Sonbore, ma á re bɛa gána kɛ wɔsɛ kɔn.

Korɛnti2 11:9

Ma bɛ́ má goã kaa piɛ, bɛ̀ ma laadoo tá wɔrɔ ganaa, ma mɛnaa kaa min kɔ́n la wa. A giala, wɔ dɔɔ̃nɔn mɛnɛn nə bɔ Masedoanɛ, ǹ nə́ daa ma laadoo màn tumaa kɔ ma la. Man din kũ sii din tumaa gɔ́ɔ̃ nɛ, máa ma nyan goã guĩ lɛa ka mìi-n wa. Man tɔn die n din kuĩ miɛ̃.

Korɛnti2 2:13

Sɛnɛ, ma gɔ́ɔ̃ goã bii ni, a giala, ma wo ma dɔɔ̃n Tiiti yaa wa. Bɛ lɛ na á toa, má zii nyankɔ Troasi minin la, má kiɛ̃ má woo Masedoanɛ gána nɛ.

Korɛnti2 7:5

Haalɛ ma bɛ́ má dɔ Masedoanɛ gána nɛ, ma susui yɛ ka duduu wa. Sii kakan nə́ ma yɛ paǹ din tumaa ganaa: má yɔ bɔ kɔn ka min kɔsɔn nɛ, nyɛ́ɛ n ma foo ne.

Korɛnti2 9:12

A giala, bɛa dí kɛ lɛ ka á nyɛɛ, a bie Lawa a zaman dinsɔɔ̃ laadoo bǐɛ̃ koe wa, sɛnɛ, a n toɛ doo, barka gigiã nə n da Lawa nɛ.

Korɛnti2 9:2

Taasiɛ sonboren mɛnɛn bɛ́ ka gɔ́ɔ̃ nɛ, man ma din laakalɛɛ ka bɛn nɛ Masedoanɛ minin li kaa lɛa. Má pɛ máa a saa diɛ̃n ganaa, wɔ dɔɔ̃nɔn mɛnɛn bɛ́ Grɛki gána nɛ, máa bɛn nə́ lɛ kɔ ka dɔmalɛ lɛ nɛ. Kaa din kɔ sii ganaa miɛ̃ kɛ lɛ Lawa a sɔmɔn lɛn gigiã gù kaa.

Korɛnti2 9:4

Bɛ̀ a n baa miɛ̃ wa, bɛ̀ Masedoanɛ minin nə́ daa kun ka ma nɛ, ǹ nə́ daa yaa bɛ̀ ka n yɔrɔ bɔ wa, maa waa ka la miɛ̃ kɛ á re sìi diɛ ma ganaa parsiini, a ka dɔn dinin pusii wa!

Filipi minin 4:15

Ka Filipi minin dininmaan tá doɛ̃, mà ma bɛ́ má soo Masedoanɛ biikoo mɛn li, bɛ̀ wɔ bɛ́ Boo Tii Kɔɔ̃n kɛ laakalaa giala koe, ka dinin Lawa a sɔmɔ lɛ din sɔɔ̃ na á goã á n dɔ ma lɛ. Ka dininsɔɔ̃nɔn man ka n gii wɔ maa yoo laanka maa mɛnaa ǹ sii ni.

Tesaloniki1 1:7

Bɛ lɛ na á toa, kaa tɔ wɔ ǹ gɔn nə́ Masedoanɛ gána laanka Grɛki gána a golee Lawa li wolen tumaa daraa.

Tesaloniki1 1:8

Dɛnaa a boo lɛ nə́ n toa kaa piɛ, á dɔ Masedoanɛ laanka Grɛki minin li, bɛ dinsɔɔ̃ bie wa, sɛnɛ, kaa golee Lawa li lɛ dɔ a boo nə n da wɔlɔ la lɔn, mìi din ba la doo wɔsɛn na a boo da wa.

Tesaloniki1 4:10

Bɛ lɛ n ke ka á zɛnɛɛ dinin, dɔɔ̃nɔn tumaa wɔ a paǹ li, Masedoanɛ gána din tumaa nɛ. Sɛnɛ, wɔ n ka nyankoe doo dɔɔ̃nɔn lɛn, wáa ka n doa ka wusoo ka màn da li.

Timote1 1:3

Ka má pɛ n nɛ lɔn, bɛ̀ ma bɛ́ woe Masedoanɛ gána nɛ, giã Efɛɛzi kiwi. Minin tá walan ǹ nə́ minin darɛɛ soɛ boon ganaa. Yǎa n pii ǹ ni mà ǹ na a lɛ diɛ.