Rɔmu minin 15:14 - LAWA A BOO SONBORE

¹⁴ Masɛ dinmaa waa la, máa ka á sii sonbore zɛnɛɛ, haalɛ ta ma yiri kɔ ka la dinin wa. Ka á Lawa dùũ sii doɛ̃, bɛ lɛ taman yii ni, ka á boe la ka á yiri koe kɔn la.

LAWA A BOO SONBORE 2011

¹⁴ Masɛ dinmaa waa la, máa ka á sii sonbore zɛnɛɛ, haalɛ ta ma yiri kɔ ka la dinin wa. Ka á Lawa dùũ sii doɛ̃, bɛ lɛ taman yii ni, ka á boe la ka á yiri koe kɔn la.

Rɔmu minin 15:14 ပူးပေါင်းရင်းမြစ်များ

Korɛnti1 1:5

Sonbore, a din lɛ pàã ganaa Lawa ka gɔ taãn-taãnɛ, ka yɔrɔ din tumaa nɛ. Á boo-doɛ̃ laanka sii-doɛ̃ tumaa kɔ ka la.

Korɛnti1 12:8

Yiri Fu lɛ n boo da ka sii-doɛ̃-n koe min la, a boo da ka màn doɛ̃-n kɔ min kɔsɔ la.

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti1 8:1

Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

Korɛnti1 8:10

A giala, bɛ̀ goleemali boɛɛndɛnaa nə́ nsɛ yiridɛnaa lɛ yɛ, màn bii dì wúlu bɔ ǹ kion, á re pàã koe a gɔ́ɔ̃gɔ́ɔ̃ ǹ taasiɛ la, a pɛ mà asɛ dɔ n kɔnboe a dì wúlu bɔ ǹ siĩ sɔ̃ wa?

Korɛnti1 8:7

Sɛnɛ, min tumaa tɔn bɛa sonbore kɛ dɔ̃ wa. Haalɛ tɔn pelo, a bɛ́ á ǹ tɛnɛn lɛ-mui sii baa, maǹ tɔn woe dì *wúlu bɔ ǹ bǎã nɛ, bɛ̀ ǹ tá tɔn dì wúlu bɔ ǹ siĩ soɛ̃, ka n pɛ mà bɛa siĩ lɛ n dì lɛ din wɔ lɛa. Ǹ gɔ́ɔ̃gɔ́ɔ̃ ǹ taasiɛ bɛ́ a tɛ wa, bɛa màn-bii kɛ lɛ n *gɔ̀ loe ǹ ganaa gɔrɔ.

Korɛnti2 8:7

Màn tumaa tá ka gɔn gigiã, goleemali ni, boo da doɛ̃ nɛ, màn-doɛ̃ nɛ, din kɔ sii ganaa duduu ni. Ka kɔn-narɛɛ dɔ yɛ á bɔ masɛ li. Ka toa bǐɛ̃baa ǹ foo gole dɔ goã ka nɛ, dɔmalɛ ǹ dí kɛ a lɛa.

Efɛɛzi minin 5:9

Wɔlɔ fúlu bɛ́ sii mɛn koe, bɛ n ka min bǐɛ̃baa nɛ, peperebaa nɛ, ka sonbore ne.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Filipi minin 1:7

A n siĩni ma taasiɛ wɔ miɛ̃ ka tumaa wɔ paǹ li, a giala, ka sii á kɔɔ̃n ma ganaa. Lawa bǐɛ̃ zɛnaa ma nɛ á dí mɛn kɔ ma la, ka tumaa nə́ n gii wɔ a nɛ. Ma bɛ́ kòso-n, ká n dɔ ma lɛ. Ma bɛ́ re golee ma yɔ mɛn bɔ Boo Tii Kɔɔ̃n kɛ a lɛa, ka nə n gii we bɛ dɔ nɛ.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Tesaloniki1 5:11

Bɛ lɛ taman yii, ka kɔn foo doa, ka kɔn gù we yii, ka ka bɛ́ zɛnɛɛ lɔn gɔrɔ.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Tesaloniki2 1:11

Bɛ lɛ na á toa, wɔ á Lawa nyankoe kaa lɛa baraabaraa, màn mɛn bɛ́ toɛ, wɔa Lawa lɛ mɛn dia ka la, a ka yɛ ǹ dɛnan lɛa. Ka bɛ́ li mà ka sii sonbore mɛn tumaa zɛnaa, wɔ na a nyankoe wáa a din na a zɛnaa ǹ pàã kɔ ka la, a toa kaa goleemali na a nya ǹ dí nya ka a din pàã nɛ.

Timote2 1:5

Goleemali sonbore mɛn bɛ́ n lon, ma yiri a boe-n wa, bɛ miã goleemali lɛ na á goã n náa gole Luizi laanka n dan Inisi lon lɛlɛ. Má waa la máa bɛa goleemali kɛ lɛ miã tá n dɔ lon.

Filemɔn 1:21

Ma bɛ́ sɛ́wɔ kɛ kiɛ̃, ma á waa-n la taãn-taãnɛ, máa ma bɛ́ n nyankoe ka sii mɛn nɛ, máa n tá re bɛ zɛnɛɛ ma nɛ. Ma á doɛ̃ dinin máa n tá re zɛnɛɛ, a kiɛ̃ maa taasiɛ la.

Ebrəə 5:12

Bɛ̀ ka doamaa-n kanna ka minin-daraalin baa, sɛnɛ, ka laadoo n tɔ́n na a ganaa, ǹ Lawa a boo lɛ a daraa giala kɔ ǹ bǎã siin nyaa ka nɛ. A dɔ bǎã mɛn nɛ, ka doamaa-n ka màn-bii ni, sɛnɛ ka laadoo-n tɔn nyɔ ganaa.

Ebrəə 6:9

Sɛnɛ, dɔɔ̃n sonboren lɛn, ta wɔ á boo diɛ kɛnɛn, kasɛn wɔ gɔn la wɔ á waa-n la, wáa ka tá zii lɛ a sonbore kɛ la, kirisibaa ǹ wɔ lɛ.

Piɛrɛ2 1:12

Bɛ lɛ a lɛa-n ma á giɛ li biikoo tumaa li, ma ka yiri gisĩ kɛ nɛ, a laanɛ ka á doɛ̃ gɔrɔ, ka n tɔ dɔ din we sɔnbɔraanɛ ke sonbore la, ka sonbore mɛn si ke lɛn.

Zaã1 2:21

Ma bie sɛ́wɔ kɛ diɛ ka la, mà ka n ka a sonbore lɛ doɛ̃ wa. Ma á doɛ̃ máa ka á sonbore lɛ doɛ̃, ka á doɛ̃ dɔn, mà soɛ kɔ́n ba boe la, a bɔ sonbore lɛ-n wa.