Rɔmu minin 14:6 - LAWA A BOO SONBORE

⁶ Min mɛn bɛ́ barka we lɛawaa tɛn nɛ, bɛa dɛnaa n bɛ zɛnɛɛ á Lawa tɔ boe ne. Min mɛn bɛ́ màn tumaa bii, bɛ dɔ a dɛnaa n Lawa tɔ boe, a giala, á barka diɛ Lawa nɛ, a màn-bii lɛ a lɛa. Min mɛn dɔ bɛ́ a màn tumaa bii wa, bɛ dɔ n bɛ zɛnɛɛ Dɛnaa a lɛa. A dɔ́ bɛ́ màn mɛn bii, a dɔ n barka diɛ Lawa-n bɛa lɛa.

LAWA A BOO SONBORE 2011

⁶ Min mɛn bɛ́ barka we lɛawaa tɛn nɛ, bɛa dɛnaa n bɛ zɛnɛɛ á Lawa tɔ boe ne. Min mɛn bɛ́ màn tumaa bii, bɛ dɔ a dɛnaa n Lawa tɔ boe, a giala, á barka diɛ Lawa nɛ, a màn-bii lɛ a lɛa. Min mɛn dɔ bɛ́ a màn tumaa bii wa, bɛ dɔ n bɛ zɛnɛɛ Dɛnaa a lɛa. A dɔ́ bɛ́ màn mɛn bii, a dɔ n barka diɛ Lawa-n bɛa lɛa.

Rɔmu minin 14:6 ပူးပေါင်းရင်းမြစ်များ

Bɔ bɛ̀rɛbaa nɛ 12:14

«Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»

Bɔ bɛ̀rɛbaa nɛ 12:42

Dɛnaa din na á n yii dɔraa bɛa tèlò kɛ lɛ nɛ, á soo ka a zaman lɛ nɛ, á bɔ Ezipti gána nɛ. Bɛa tèlò kɛ lɛ n Dɛnaa wɔ lɛa, Izirayeli nɛnyaanan doamaa nɛ, lɛ̀ woo lɛ̀, ǹ nə n yii dɔraa bɛa tèlò kɛ lɛ nɛ, ǹ tamaa.

Bɔ bɛ̀rɛbaa nɛ 16:25

Á pɛ: «Ka bɛ bii pelo, pelo n Dɛnaa a susu ǹ pii lɛa. Pelo, ka a re bɛa màn kɛ lɛ yii kaa giã ǹ bǎã lɛ kio wa.

Izayii 58:5

Ma bɛ́ lɛ soɛ mɛn narɛɛ, bɛ kɔnbɔ ka kɛ nɛ? Kasɛn din gisĩ ǹ gɔn nə ka kɛ-n ma yɔrɔ-a? Ka n mìi kuməə ka bùruu bɛ́ lɔn, ká gɛ̀ koa ǹ mɔnaa wɔ, ka n dinin tuturu tán tii li, ka n bɛ lɛ bíi "lɛ soɛ"? Bɛ n lɛawaa lɛa kɔɔ̃n Dɛnaa Lawa ganaa?

Zakarii 14:21

Donkolonon mɛnɛn bɛ́ Zeruzalɛmu ka Zudaa gána nɛ, bɛn tumaa n die goɛ̃ Dɛnaa Lawa Pàãyiidɛnaa wɔ lɛa. Min mɛnɛn bɛ́ re die wúlu boe, bɛn tá re ǹ siĩ kɔrɛɛ ǹ nɛ. Bɛa pinaa lɛ nɛ, pii-kɔle goon din ba re yii Dɛnaa Lawa Pàãyiidɛnaa a kion wa.

Matiə 14:19

Bɛ kio, á pɛ zaman lɛ nɛ, mà ǹ giã tán-a buu la. Ǹ bɛ́ ǹ nə́ giã tán, á buuru sooro lɛ laanka zɔ̀ màn paa lɛ goa, á n yɔrɔ dia lon, á barka da Lawa nɛ. Á buuru lɛ yiyiɛ á kɔ a kialandɛnan lɛn ma la, ǹ nə́ gii zaman lɛ nɛ.

Matiə 15:36

Bɛ kio, á buuru sɔbaa lɛ laanka zɔ̀ lɛ goa, á barka da Lawa nɛ, á ǹ yiyiɛ kɔn, á ǹ kɔ a kialandɛnan ma la, ǹ nə́ gii zaman lɛ nɛ.

Zaã a sɛ́wɔ 6:28

Ǹ nə́ tɔ́n pɛ nɛ: «Wɔ doamaa nɛ wɔ wàa mɛn zɛnaa, bɛ n Lawa foo sii dí lɛa kəni?»

Galaasi minin 4:10

Ka ǹ tɔn zín koe lɛawaan tɛnɛn la, ka muin tɛnɛn nɛ, waáraan tɛnɛn nɛ ka lɛ̀n tɛnɛn nɛ.