Rɔmu minin 14:2 - LAWA A BOO SONBORE

² Min tan, a n taasɛ, mà asɛ á boe la a màn tumaa bii, min kɔsɔ mɛn pàã bɛ́ kiɛɛrɛ golee Lawa li gɔ́ɔ̃ nɛ, bɛa siĩ tɔrɔ kɔ́n soɛ̃ wa.

LAWA A BOO SONBORE 2011

² Min tan, a n taasɛ, mà asɛ á boe la a màn tumaa bii, min kɔsɔ mɛn pàã bɛ́ kiɛɛrɛ golee Lawa li gɔ́ɔ̃ nɛ, bɛa siĩ tɔrɔ kɔ́n soɛ̃ wa.

Rɔmu minin 14:2 ပူးပေါင်းရင်းမြစ်များ

Siin Giala 1:29

Lawa tɔ́n kɛ pɛ á ti a ganaa: «Á ke, man màn tɔrɔ tumaa laanka da nɛ-kɔle tɔrɔ tumaa koe ka la tán tumaa la, bɛ á die kaa màn-bii biɛ.

Siin Giala 9:3

Màn yiikoonaa mɛn tumaa bɛ́ fɔfoã sii, bɛ tumaa á re kaa màn-bii biɛ. Masɛ bɛ́ má luu buruu kɔ ka la lɛlɛ lɔn, man kɛ tumaa dɔ koe ka la miɛ̃.

Suusun 15:17

Liɛ sɔ̃ kɔn-narɛɛ gɔ́ɔ̃ nɛ á soɛ siĩ nyɔɔnaa soɛ̃ nɛ zɔ́ɔbaa gɔ́ɔ̃ nɛ.

Rɔmu minin 14:1

Min mɛn pàã bɛ́ kiɛɛrɛ golee Lawa li gɔ́ɔ̃ nɛ, ka lɛ kɔ a ganaa, ka baran liere kɔ a taasiɛn wɔ gɔn la wa.

Rɔmu minin 14:14

Wɔa tá kun ka Dɛnaa Yezu-n lɛ a lɛa, má dɔ̃, má waa la dɔn taãn-taãnɛ, máa màn kɔ́n ba min *gɔgɔrɛ koe Lawa yɔrɔ-a wa. Sɛnɛ, bɛ̀ min taasɛ, mà màn mɛn tá min gɔgɔrɛ koe Lawa yɔrɔ-a, bɛa màn lɛ n goɛ̃ gɔgɔrɛ ǹ dɛnaa din gɔn.

Rɔmu minin 14:20

Ta n taasɛ mà n tá boe la n màn tumaa bii, n baran Lawa a dí sàabaa bɛa lɛa wa! Sonbore ne, màn-bii din tumaa n siĩni, sɛnɛ, màn mɛn a bii bɛ́ die n dɔɔ̃n nyanɛɛ a da sii baraa nɛ, bɛa bii a siĩn wa.

Rɔmu minin 15:1

Wɔsɛn mɛnɛn pàã bɛ́ gole golee Lawa li gɔ́ɔ̃ nɛ, wɔ doamaa nɛ, min mɛnɛn pàã bɛ́ kiɛɛrɛ golee Lawa li gɔ́ɔ̃ nɛ, wɔ bɛn sii si wɔ ganaa. Siin mɛnɛn bɛ́ kɔɔ̃n wɔ ganaa, wɔ baran ga bɛn li wa.

Korɛnti1 10:25

Ǹ bɛ́ màn mɛn tumaa siɛ̃ pii ni, ka bii. Ka nyan nɔ̀n da ka dinin gɔ́ɔ̃gɔ́ɔ̃ ǹ taasiɛ a lɛa wa.

Korɛnti1 8:9

Sɛnɛ, ka n yiri kɔ, bɛa tá ma din gɔn wìi a lɛa kɛ lɛ, a nyan goleemali boɛɛndɛnan kaa sii baraa-n wa.

Korɛnti1 9:22

Má goleemali boɛɛndɛnan sii si ma ganaa kunun ǹ ni, màn mɛn bɛ́ toɛ, ma gɔn dɔ ǹ ganaa. Man má zɛnaa miɛ̃ min tumaa nɛ, má lɛ kɔ sii din tɔrɔ tumaa ganaa, màn mɛn bɛ́ toɛ ma min tɛnɛn kirisibaa sonbore.

Galaasi minin 2:12

Zaaki a dia dí-a wolen bɛ́ ǹ tɔn daa wa, a na á goã màn bii kun ka tɔrɔ kɔsɔn kɛn nɛ, Krita a minin lɛa. Sɛnɛ, ǹ bɛ́ ǹ nə́ daa biikoo mɛn li, á n na á n bɔ ǹ ganaa. A màn bii kunun ǹ ni doo wa, a giala, a na á nyɛ́ɛ baa Zaaki a minin lɛn manɛ, ǹ paraa kurii boo ganaa kɛ taman yii.

Timote1 4:4

A giala, Lawa màn mɛn tumaa zɛnaa, a tumaa á siĩni, ǹ kɔ́n ba daa ǹ màn lɛa wa. Sɛnɛ, yǎa wɔ barka diɛ Lawa nɛ wɔ tɔn bii.

Tiitii 1:15

Min mɛnɛn bɛ́ *yoreen ne, màn tumaa n yoreen bɛn gɔn. Sɛnɛ, min mɛnɛn bɛ́ gɔgɔrɛ, ǹ nə́ ǹ ba lɛ koe goleemali dɔ ganaa wa, màn kɔ́n ba yoreen bɛn gɔn wa. A giala, mà gɔgɔrɛbaa nə́ ǹ yiri tã, á ǹ taasiɛ dɔ si.

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Ebrəə 9:10

Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.