Rɔmu minin 14:13 - LAWA A BOO SONBORE

¹³ Ka daa wɔ kiri kuru kɔn la lɛ da. Màn mɛn bɛ́ soɛ, a ba siĩni min nə ǹ miã nyanaa a da sii baraa-n wa.

LAWA A BOO SONBORE 2011

¹³ Ka daa wɔ kiri kuru kɔn la lɛ da. Màn mɛn bɛ́ soɛ, a ba siĩni min nə ǹ miã nyanaa a da sii baraa-n wa.

Rɔmu minin 14:13 ပူးပေါင်းရင်းမြစ်များ

Samayeli2 12:14

Sɛnɛ, sii kɛ lɛ gɔ́ɔ̃ nɛ, ń Dɛnaa Lawa puusə kɔ parsiini, ń kɔ a zɔ́ɔn la. Bɛ lɛ taman yii, nɛgiĩ mɛn yɛ n wɔ lɛa ke, bɛ á re giɛ̃ sɛn.

Izayii 57:14

Dɛnaa Lawa pɛ: Ka zii zɛnaa fufuu, ka zii bɔ. Màn mɛn tumaa bɛ́ min nə boe la a n gòã na a ganaa, ka bɛ bɔ ka bɔ maa zaman a zii la.

Ezekieli 14:3

– Nsɛ minbuiin a nɛ, minin kɛn lɛn dìn sii tá kaka ǹ ganaa. A din dìn lɛn manə ǹ kiɛ sii baraa zɛnaa ganaa. Ma á re toɛ bɛa minin lɛn nə nɔ̀n da ma la ka sii ni sonbore?

Lawa a wúlu-bɔlen 19:14

Min baran boo baraa da too tere-a ganaa wa, min baran màn da tán yii tere-a nyɛɛn wa. Ka bɛ lɛ zɛnaa ka nyɛ́ɛ baa kaa Lawa nɛ. Ma din nə Dɛnaa Lawa lɛa.

Matiə 16:23

Yezu tɔ́n nə n bɔyaa á pɛ Piɛrɛ nɛ: «N *Sɛtaan kɛ nə n tan n nə n bɔ masɛ kio! Masɛ sã ǹ gɔn nə ke n tá giɛ li. A giala, n taasiɛ laanka Lawa wɔ a goon wa, minbuiinin taasiɛ nə n lon.»

Matiə 18:7

Bɔ̀n gole n ka kɛ nɛ kanaa minin mìi ni! A giala siin tan ǹ nə́ minin kiɛ sii baraa zɛnaa ganaa. Bɛ miã siin kɛn bie sàabiɛ wa, sɛnɛ, bɛ̀ a zɛnaa ǹ giala bɔ min mɛn li, bɔ̀n na á bɛa dɛnaa yɛ!

Matiə 7:1

Ka baran ka miãn zɛ̀rɛbaa wa, màn mɛn bɛ́ toɛ, Lawa baran ka dɔn zɛ̀rɛ baa wa.

Luku 12:57

«Wàa na á baa, ka doamaa bɛ́ nɛ ka sii mɛn zɛnaa, ka a bɛ doɛ̃ ka dinin ganaa wa?

Luku 17:2

Bɛ̀ maǹ wii lɔ ǹ gii yii ǹ dɛnaa bɔlɔ-a ǹ zũ yìsi mu gole li, bɛ á soɛ ǹ dɛnaa ganaa, á la nɛnyaanan kɛn goon toto a nyanaa a da sii baraa-n nɛ.

Rɔmu minin 11:9

Kii Davida dɔ́ pɛ: «Ǹ dinin zɔ́n màn-biin die ǹ nə ǹ kũ ka kan bɛ́ lɔn, a die a ǹ mɛnaa ǹ gòã baa, a die a dɔlɔ baa ǹ mìi ni.

Rɔmu minin 14:10

Nsɛ dɔ, wàa na á baa n tá kiri kuri n dɔɔ̃n la? Nsɛ dɔ, wàa na á baa n tá n din koɛ n dɔɔ̃n ganaa? Sonbore ne, wɔ tumaa n die golee Dɛnaa a kiri wɔ ǹ bǎã lɛ yɔrɔ-a, kiri nə n kuru wɔ la.

Rɔmu minin 14:3

Pàã bɛ́ min mɛn lon á n màn tumaa bii, bɛ doamaa bie a n din gole kɔ màn tɛn biili kɛ ganaa wa. Màn tɛn biili dɔ doamaa bie a kiri kuru màn tumaa biili la wa, a giala Lawa na á bɔ.

Rɔmu minin 14:4

Die n ka nsɛ nɛ, n tá kiri kuri min kɔsɔ a dí-nyali la? A dí sonbore nya laanka a dí baraa nya nɛ, ǹ kɔ́n ba n bǎã-n wa, ǹ tumaa na a goledɛnaa bǎã nɛ. A n die goɛ̃ dí sonbore nyɛɛ, a giala, pàã tá Dɛnaa lon a n dɔ lɛ, a ná a ba a baraa nyɛɛ wa.

Rɔmu minin 16:17

Ma dɔɔ̃nɔn lɛn, man ka nyankoe taãn-taãnɛ, min mɛnɛn bɛ́ toɛ̃-kɔn we Lawa-nyankɔlen bii, ǹ nə́ ǹ yiri siɛ̃ ǹ tá ǹ papaɛ̃, ka n dinin kũ bɛn ganaa. Ka n daraa Lawa a boo mɛn ganaa, bɛa minin kɛn lɛn da ǹ boon laanka ǹ minin daraa ǹ siin man zia biɛ bɛa boo kɛ lɛ ganaa. Ka n na ka n bɔ bɛa minin kɛn lɛn ganaa.

Korɛnti1 10:32

Ka giã doɛ̃, ta Zuifun manɛ, ta Grɛkin manɛ, ta Lawa a sɔmɔn manɛ, ka nyan kɔ́n da kanaa ǹ minin baa wa.

Korɛnti1 11:13

Ka dinin nə ga a ganaa: Á siĩni lɔ goã ka a mìi kooro ne Lawa nyankɔ biikoo li?

Korɛnti2 5:14

A giala, Krita a minin-narɛɛ la ma nɛ, masɛ mɛn bɛ́ má waa la, máa min goon na á gã min tumaa a lɛa, bɛ n nyɛɛ mà min tumaa na á gã.

Korɛnti2 6:3

Ma ba li ma min kɔ́n mìi ziziɛ̃ ka yɔrɔ kɔ́n nɛ wa, ń giɛ, ǹ nyan maa dí kɛ pɔpɔsɛ wa.

Filipi minin 1:10

màn mɛn bɛ́ toɛ, ka sii sonbore gɔgɔɔ̃ doɛ̃. Bɛa yɔrɔ lɛ la ka á re goɛ̃ *yoreen ne, ǹ ba re boe la ǹ ka zɛ̀rɛ baa ka sii kɔ́n nɛ, Krita a lɛawaa kɛ a pinaa wa.

Timote1 5:14

Bɛ lɛ-n ma á giɛ li, máa lɔ giɔɔrɔ tenən nə wusoo ǹ wɔ giĩ li, ǹ nɛnyaanan yɛ, ǹ ga ǹ dinin kion walan, màn mɛn bɛ́ toɛ, wɔa zɔ́ɔn baran wɔ tɔ ziziɛ̃ wa.

Zaaki 2:4

bɛ gɔ́ɔ̃ nɛ, ka bie ka bɔkɔnlɛ wɔ ka dinin bii wa? Ka bie ka kiri kuru ka taasiɛ babaraa-n wa?

Zaaki 4:11

Dɔɔ̃nɔn lɛn, ka nyan lɛ pɔrɔ kɔn ganaa wa. Bɛ̀ min mɛn tá lɛ pɔrɛɛ ǹ miã ganaa, hinlaa bɛ̀ á zɛ̀rɛ koɛ a ganaa, bɛa dɛnaa n lɛ pɔrɛɛ Lawa a dí-pɛ ganaa, á n zɛ̀rɛ koɛ a ganaa. A da yaa, bɛ̀ n tá zɛ̀rɛ koɛ Lawa a dí-pɛ ganaa, n bie a tamaali lɛa doo wa, sɛnɛ, a zɛ̀rɛ baali nə n ne.

Zaã1 2:10

Min mɛn bɛ́ ǹ dɔɔ̃n narɛ, bɛ n wɔlɔ fúlu li, ka bɛ nɛ, sii kɔ́n ba a li, a n boe la a min kɔsɔ da sii baraa-n wa.

Sii-nyaan 2:14

«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.