Rɔmu minin 12:8 - LAWA A BOO SONBORE

⁸ Bɛ̀ minin foo taã n min mɛn wɔ lɛa, bɛ dɔ minin foo taã. Bɛ̀ Lawa wɔ gii bɔ n min mɛn wɔ lɛa, bɛ dɔ bɛ zɛnaa ka foo sonbore ne. Bɛ̀ min mɛn dɔ n minin nyɛɛnaan boe, bɛa dɛnaa dɔ bɛ zɛnaa sɔnbɔraanɛ. Bɛ̀ min mɛn dɔ n doobaan goe màn nɛ, a zɛnaa ka foo kɔɔ̃n nɛ.

LAWA A BOO SONBORE 2011

⁸ Bɛ̀ minin foo taã n min mɛn wɔ lɛa, bɛ dɔ minin foo taã. Bɛ̀ Lawa wɔ gii bɔ n min mɛn wɔ lɛa, bɛ dɔ bɛ zɛnaa ka foo sonbore ne. Bɛ̀ min mɛn dɔ n minin nyɛɛnaan boe, bɛa dɛnaa dɔ bɛ zɛnaa sɔnbɔraanɛ. Bɛ̀ min mɛn dɔ n doobaan goe màn nɛ, a zɛnaa ka foo kɔɔ̃n nɛ.

Rɔmu minin 12:8 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Loen 37:21

Min baraa n giɔ̀mɔ siɛ, a sarɛɛ wa. Sɛnɛ, min sonbore n min kɔsɔ makara doɛ̃, a gɔ ka màn nɛ.

Suusun 22:9

Min mɛnɛn bɛ́ bǐɛ̃ biɛ, barka nə ǹ ganaa, a giala maǹ doobaa toe.

Boo-laakalaali 11:6

Baayɛlɛ, n màn tɔrɔ da, n baran n gɔn basã wa, yǎa wasamiɛ̃nɛ. A giala, màn mɛn bɛ́ re bǐɛ̃ koe, n ba bɛ doɛ̃ wa, kɛ-n hinlaa kɛ nɛ, hinlaa ǹ dinin tumaa n die siĩn koe kun?

Boo-laakalaali 9:10

N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.

Izayii 32:5

Ǹ ba re pii baãnaan man doo mà ǹ yii á guguru wa. Ǹ ba re pii wurumunun man doo mà ǹ tá min sonboren lɛa wa.

Izayii 32:8

Sɛnɛ min mɛnɛn gɔ́ɔ̃ bɛ́ fu, bɛn man taasiɛ sonboren woe, ǹ nə́ sii bǐɛ̃ zɛnɛɛ.

Izayii 64:5

Wɔ tumaa n ka gɔ̀dɛnan manɛ. Wɔa sii peperen tumaa n ka mɔnaa bɛ́ lɔn mà kaa a ganaa. Wɔa siɛ̃n man wɔ biɛ, lɔnkɔsɔ á kɔnboe lɛa, piɛ̃ n woe ne.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 13:12

Kii Sɛrzusu lɛ bɛ́ á bɛa sii kɛ lɛ yɛ á n zɛnaa, á golee Lawa li, a giala boo mɛn nə n da Dɛnaa Yezu wɔ gɔn la, bɛ ná a foo kũ parsiini.

Nya ǹ dín 13:15

Muizu a Landa sɛ́wɔ laanka Lawa a boo gii-dalin sɛ́wɔ pɛ kio, lɛsɔkɔn kion lɛ a goledɛnan nə́ pɛ ǹ nɛ: – Wɔ dɔɔ̃nɔn lɛn, bɛ̀ kɔn doroo hinlaa kɔn foo taã ǹ boo kɔ́n tá ka lɛ-n, ka n die pii zaman nɛ, zii tan.

Nya ǹ dín 15:32

Zudaasi laanka Silaasi bɛ́ Lawa a boo gii-dalin lɛa, ǹ nə́ biikoo gigiã saa ǹ nə́ boo da ǹ nɛ, ǹ nə́ n dɔ ǹ lɛ, ǹ nə́ ǹ foo taã.

Nya ǹ dín 20:2

Á bɔ bɛa bǎãn kɛn lɛn nɛ, á dɔɔ̃nɔn lɛn foo taã ka Lawa a boo gigiã nɛ. Bɛ kio, á woo dɔ Grɛki gána nɛ,

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Nya ǹ dín 4:36

Bɛ lɛ nɛ, giĩ goon dɔ́ zɛnaa miɛ̃. Bɛa giĩ lɛ tɔ na á goã Zozɛfu, Siipri gána min ni, Levii tɔrɔ lɛa, dia dí-a wolen man nə́ goã bíi Barnabaasi, bɛ giala, mà "Minin foo-taãli".

Rɔmu minin 12:13

Ka n doa ka Lawa-nyankɔlen laadoo bǐɛ̃ kɔ, ka tiin kũ doɛ̃ sɔnbɔraanɛ.

Rɔmu minin 13:6

Bɛ lɛ dɔ a lɛa nɛ, ka á nyin giɔ̀mɔ sarɛɛ, a giala, goledɛnan lɛn dɔn man bɛ zɛnɛɛ, ǹ tá dí nyɛɛ Lawa nɛ.

Korɛnti1 12:28

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Korɛnti1 14:3

Sɛnɛ, min mɛn bɛ́ Lawa a boo gii diɛ, bɛ n boo diɛ minbuiinin ni, a nə́ n doe ǹ lɛ, a tá ǹ foo taɛ̃, a tá ǹ foo basɛ̃.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Korɛnti2 9:11

Á re ka biɛ pàãman lɛa a dɔ kɔn, ka boo la, ka n dinin nyaa bǐɛ̃baa ǹ foodɛnan lɛa biikoo tumaa li. Masɛ bɛ́ re woe kaa bǐɛ̃baa ǹ mànan mɛnɛn koɛ, bɛ á re toɛ min gigiã barka da Lawa nɛ.

Korɛnti2 9:13

Ka bɛ́ n doe min mɛnɛn lɛ, ǹ gigiã á re Lawa tɔ gole koe. Ka bɛ́ dí nyɛɛ ka bɔlɔgoondɛnaabaa-n ka yɔrɔ mɛn nɛ, *Krita a Boo Tii Kɔɔ̃n kɛ gɔ́ɔ̃ nɛ, bɛ á re toɛ, ǹ barka da Lawa nɛ. Ka bɛ́ ka gɔn mànan gii kɔn-a ǹ nɛ, a n doe min kɔsɔn dɔn ganaa, ǹ tá re barka diɛ Lawa-n bɛ dɔ a lɛa.

Korɛnti2 9:7

Didie tumaa lɛ kɔ lɔn, a màn kɔ a kɔnpɛ bɛ nɛ. A kɔ bɔ a din ni, a nyan pàã baa wa. A giala, bɛ̀ min màn kɔ ka foo kɔɔ̃n nɛ, Lawa n bɛa dɛnaa narɛ.

Efɛɛzi minin 6:5

Bɛ̀rɛn lɛn, ka kaa tán a mìinaan kɛn lɛ si, ka nyɛ́ɛ baa ǹ nɛ, ka ǹ guguru kɔ ka foo sonbore ne, ka n pɛ mà ka n dí nyɛɛ *Krita nɛ.

Timəə dí-pɛn 15:14

Kaa Lawa, Dɛnaa Lawa dí mɛn bǐɛ̃ kɔ ka dɔn gɔn, ka da zii sɔnbɔraanɛ ka bɛ lɛ a mànan nɛ: sèren ne, bòen ne, *belee ne ka duvɛ̃ nɛ.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Kolɔɔsi minin 3:22

Bɛ̀rɛn lɛn, ka kaa kanaa a goledɛnan lɛn bɔlɔ si ka sii din tumaa nɛ, ka dí nya ǹ nɛ. Ǹ bɛ́ giɛ ka gɔn li mɛnɛn, bɛa lɛa bie wa. Ka baran zɛnaa, ka n pɛ mà ka n giɛ li, ka kɔɔ̃n kɔ minin ganaa wa. Sɛnɛ, ka zɛnaa ka gɔ́ɔ̃ fu ni, nyɛ́ɛbaa Dɛnaa yii-n wolen sii n ka bɛ nɛ.

Tesaloniki1 2:3

A giala, wɔ bɛ́ minin bíi sii mɛn ganaa, sã ba a-n wa, wɔ bie pii ka taasiɛ naarɛ kɔsɔn nɛ wɔ yiri-n wa, wɔ bie pii wɔ á min kɔ́n siɛ̃-n wa.

Tesaloniki1 2:8

Ka sii n kɔɔ̃n wɔ ganaa miɛ̃ lɛn, bɛ lɛ-n wɔ́ lɛ kɔ wáa wɔ á Lawa a Boo Tii Kɔɔ̃n kɛ pii ka nɛ, bɛ dinsɔɔ̃ bie wa; sɛnɛ, wɔ́ lɛ kɔ dɔn wáa wɔ tá wɔ dininmaan nyin koe ka taman yii, a giala, kaa sii kaka kɔ wɔ ganaa á la yii ni.

Timote1 4:13

Ma laan bɛ̀ ma daa, n doa n Lawa a boo lɛ pɛ min tumaa yɔrɔ-a, n na a laakalaa ǹ nɛ, n nə ǹ daraa a ganaa.

Timote1 5:17

Ga Lawa a sɔmɔ walan wolen mɛnɛn bɛ́, ǹ dí nyɛɛ a yɔrɔ li, bɛn doamaa-n ka saraa paa nɛ. Sanparɛ ǹ mɛnɛn bɛ́, ǹ nə́ Lawa a boo laakalaa laanka minin daraa baa ǹ nya ǹ dí lɛa.

Timote1 6:18

A pɛ ǹ nɛ, mà ǹ sii bǐɛ̃ zɛnaa, ǹ naforodɛnan baa sii sonbore zɛnaa gɔ́ɔ̃ nɛ. Ǹ toa bǐɛ̃baa ǹ foo yɛ ǹ lon, ǹ min kɔsɔn gɔ ka màn nɛ.

Ebrəə 10:25

Min tɛnɛn lɛ mui ka wusu lɛsɔkɔn bǎã-n nɛ. Bɛ a siĩn wa. Ka daa wɔ n doa wɔ kɔn foo taã lɛsɔkɔn gɔ́ɔ̃ nɛ, sanparɛ ka yii bɛ́ Dɛnaa a lɛawaa lɛ ganaa dirii.

Ebrəə 13:17

Ka kaa nyɛɛnaandɛnan bɔlɔ si, ka goã doroo ne ǹ ne. Sonbore, maǹ giɛ ka telenboenən walan, a giala, ǹ tá re n bɔlɔ pii Lawa yɔrɔ-a bɛa lɛa. Bɛ̀ ka á ǹ bɔlɔ sii, ǹ tá re dí nyɛɛ ka nyɛnyɛɛ nɛ. Bɛ̀ ka a ǹ bɔlɔ sii wa, ǹ tá re nyɛɛ ka yɔrɔ-kɔsiɛ nɛ. Bɛ̀ á yɔrɔ-kɔsiɛ baa, ka dɔn dinin là ba a-n wa.

Ebrəə 13:22

Dɔɔ̃nɔn lɛn, man ka nyankoe, ka doroo ǹ boon kɛn si ka ganaa. Kɛ din nə boo nɛ paa kooro lɛa ma á diɛ ka la.

Ebrəə 13:24

Ma á fòo diɛ kaa nyɛɛnaandɛnan tumaa nɛ, ka Lawa-nyankɔlen tumaa nɛ. Italii minin tá fòo diɛ ka nɛ.

Ebrəə 13:7

Ka n yiri kɔ kaa lɛlɛ a nyɛɛnaandɛnan kɛn nɛ, ǹ mɛnɛn nə Lawa a boo lɛ pɛ ka nɛ. Ka ga ǹ tá kanaa a tɔ-wɔ ǹ gɔn kɛ laanka ǹ gɛ̀-wɔ ǹ gɔn kɛ ganaa, ka toa ka ǹ golee Lawa li lɛn zɔɔ̃.