Rɔmu minin 12:7 - LAWA A BOO SONBORE

⁷ Bɛ̀ dí yɔrɔ bɔ na á n kɔ min mɛn la, a dɔ dí yɔrɔ bɔ. Bɛ̀ minin daraa na á n kɔ min mɛn la, bɛ dɔ minin daraa.

LAWA A BOO SONBORE 2011

⁷ Bɛ̀ dí yɔrɔ bɔ na á n kɔ min mɛn la, a dɔ dí yɔrɔ bɔ. Bɛ̀ minin daraa na á n kɔ min mɛn la, bɛ dɔ minin daraa.

Rɔmu minin 12:7 ပူးပေါင်းရင်းမြစ်များ

Loen 34:11

Yàra tenən dinin laadoo siin tan, bòo tá ǹ kuĩ. Sɛnɛ, min mɛnɛn bɛ́ giɛ Dɛnaa Lawa li, màn kɔn ba re nyaabiɛ bɛn ganaa wa.

Loen 51:13

N nyan ma na n ma zũ sɔsɔɔ n din ganaa wa, n nyan nə n yiri sonbore kɛ si ma la wa.

Boo-laakalaali 12:9

Minin-daraali lɛ goã sii-dɔ̃li lɛa, bɛ dɔ dinsɔɔ̃ bie wa, á wusoo doo á minin dɔn daraa sii-doɛ̃ ganaa. Á suusu gigiã sɔsɔ̃, á ǹ gɔsɛ, á ǹ zɛnaa.

Izayii 21:8

Bǎã-lɛduə̃li lɛ paraa ka yàra bɛ́ lɔn: Mìinaa, man giã-n bǎã lɛduə̃ ǹ bǎã lɛ nɛ, lɛawaa tumaa gɔ́ɔ̃ nɛ, man bǎã lɛduə̃ ǹ bǎã lɛ nɛ ka tèlò tumaa nɛ.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Zaã a sɛ́wɔ 3:2

Ǹ kɔ́n pinaa tèlò-n, á daa Yezu li á pɛ nɛ: «Mìinaa, wɔsɛn tá doɛ̃, wáa Lawa na á n dia mà n da wɔ daraa. A giala, n bɛ́ kaãbaa ǹ siin mɛnɛn zɛnɛɛ, min kɔ́n ba boe la a bɛn zɛnaa, bɛ̀ Lawa ná a kun ka ǹ dɛnaa-n wa.»

Nya ǹ dín 13:1

Lawa a boo gii-dalin laanka minin-daraalin kɔnɔn nə́ goã Lawa a sɔmɔ lɛ nɛ Antiɔsi kiwi. Bɛa minin lɛn man ka Barnabaasi ni, Simiɔn nɛ, ǹ bɛ́ min mɛn bíi Min Tì, ka Lusiisu mɛn bɛ́ boe Sirɛni kiwi, ka kii Erɔdi a nɛnyaanmaa a koa-kun wole Manayɛni ni, ka Sooli ni.

Nya ǹ dín 20:20

Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Nya ǹ dín 6:1

Bɛa biikoo kɛ lɛ li, màn mɛ Yezu a kialandɛnan lɛn li, ǹ nə́ mɔnaa. Zuifun mɛnɛn nə́ bɔ bǎã kɔsɔn nɛ, ǹ nə́ Grɛki bɔlɔ pii, bɛn nə́ goã gungunun sii gána gɔ́ɔ̃ wɔn kɛn ganaa, a giala, mà maǹ màn-bii gii baraabaraa, ǹ ba ǹ lɔ giɔɔrɔn goe taãn wa.

Korɛnti1 12:28

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Korɛnti1 12:5

Nya ǹ dín tá totoro, sɛnɛ, maǹ nə ǹ nyɛɛ Dɛnaa goon ne.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Galaasi minin 6:6

Ǹ bɛ́ min mɛn darɛɛ Boo Tii Kɔɔ̃n kɛ ganaa, màn mɛn tumaa bɛ́ a gɔn, a doamaa nɛ, a gii kɔn ka a daraali kɛ nɛ.

Efɛɛzi minin 4:11

A din lɛ dɔ na á bǐɛ̃ totoron zɛnaa minbuiinin ni: Á minin kɔnɔn baa dia dí-a wolen lɛa, á kɛn baa Lawa a boo gii-dalin lɛa. Á ǹ tɛnɛn baa Boo Tii Kɔɔ̃n laakalaalin lɛa, á gialakunun baa ga Lawa a sɔmɔ walan wolen lɛa, ǹ nə́ minin darɛɛ.

Timəə dí-pɛn 33:10

Ǹ dinin lɛn man Zakɔba tɔrɔn darɛɛ n sii yɔrɔ bɔ ǹ boon ganaa, ǹ dinin man Izirayeli minin darɛɛ n dí-pɛn ganaa. Ǹ dinin man nyɔɔ gìĩ kɔɔ̃n tiɛ̃ n yɔrɔ-a, ǹ dinin man *wúlu màn tiɛ̃ *wúlu bɔ ǹ bǎã kɛ nɛ.

Kolɔɔsi minin 4:17

Ka pɛ Arsipu dɔ nɛ mà «Dɛnaa dí mɛn kɔ la mà a nya, mà a yiri bɔ bɛ li, a toa a nya sɔnbɔraanɛ a na a lɛ pã.»

Timote1 2:7

Lawa na á masɛ koa bɛa boo lɛ a kalaali lɛa. Á ma dia, mà ma wo tɔrɔ kɔsɔn daraa goleemali laanka sonbore ganaa. Sonbore-n ma á pii, ma bie soɛ boe wa.

Timote1 3:2

Ga Lawa a sɔmɔ walan wole doamaa nɛ a goã zɛ̀rɛ baãnaa lɛa, lɔ goon-dɛnaa lɛa, din-kũli lɛa, sii saa ka yiri-n wole lɛa, a tɔ wɔ ǹ gɔn nə́ siĩni. A doamaa nɛ a goã tii-kũli lɛa, á n boe minin daraa la.

Timote1 4:16

N yiri kɔ n din laanka n minin daraa li. Sii si n ganaa a gɔ́ɔ̃ nɛ. Bɛ̀ n zɛnaa miɛ̃, n tá re n dinmaa kirisibiɛ. Min mɛnɛn dɔn bɛ́ n too koe n lon, n tá re bɛn dɔn kirisibiɛ.

Timote1 5:17

Ga Lawa a sɔmɔ walan wolen mɛnɛn bɛ́, ǹ dí nyɛɛ a yɔrɔ li, bɛn doamaa-n ka saraa paa nɛ. Sanparɛ ǹ mɛnɛn bɛ́, ǹ nə́ Lawa a boo laakalaa laanka minin daraa baa ǹ nya ǹ dí lɛa.

Timote2 2:2

N màn mɛn ma ma lɛ-n siére gigiã yii ni, min mɛnɛn bɛ́ bɔlɔgoondɛnan lɛa, ǹ dɔn nə́ boe la, ǹ min kɔsɔn daraa a ganaa, a yɔrɔ nyaa bɛn manɛ.

Timote2 2:24

A giala, Dɛnaa a dí-nyali doamaa bie a goã zia-dali lɛa wa. A foo doamaa nɛ a goã basiɛ̃-n min tumaa wɔ paǹ li. A doamaa nɛ a boo minin daraa la, á n sii sii a ganaa.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.