Rɔmu minin 12:17 - LAWA A BOO SONBORE

¹⁷ Bɛ̀ min sii baraa zɛnaa ka nɛ, ka baran a dòo saraa ka sii baraa-n wa. Ka ga sii bǐɛ̃ zɛnaa li min din tumaa yɔrɔ-a.

LAWA A BOO SONBORE 2011

¹⁷ Bɛ̀ min sii baraa zɛnaa ka nɛ, ka baran a dòo saraa ka sii baraa-n wa. Ka ga sii bǐɛ̃ zɛnaa li min din tumaa yɔrɔ-a.

Rɔmu minin 12:17 ပူးပေါင်းရင်းမြစ်များ

Siin Giala 42:25

Bɛ kio, á tɔ́n pɛ, mà ǹ belee kaa ǹ mànan nɛ ǹ pã, ǹ wusoo ǹ didie a wɔrɔ da a boroo gɔ́ɔ̃ nɛ, ǹ màn-bii kɔ ǹ la, ǹ die ǹ bii zii gialaa. A na á zɛnaa ǹ nɛ miɛ̃.

Suusun 20:22

N nyan pɛ: «Man die baraa sarɛɛ ka baraa nɛ.» Sɛnɛ, n foo doa Dɛnaa Lawa ganaa, á re n kirisibiɛ.

Suusun 24:29

N nyan pɛ: «A zɛnaa ma-n lɔn ke, ma dɔ n die zɛnɛɛ-n miɛ̃. A sii mɛn zɛnaa ma nɛ, man die bɛ lɛ miã sarɛɛ la.»

Matiə 5:24

n *wúlu màn lɛ toa walan a bɔ ǹ bǎã nɛ, n wo sii lɛ nya n bɔ ka biin ni bɔrɔ. Bɛ kio, n tɔn wusoo n da n wúlu lɛ bɔ Lawa nɛ.

Matiə 5:39

Sɛnɛ, masɛ n pii ka nɛ, bɛ̀ min nə́ sii la n la, n baran a gɛ̀ dòo bɔ a ganaa wa. Bɛ̀ min nə́ n gɔn tɔ n gusin a para nɛ, a toa a tɔ n gɔsɛ wɔ lɛ dɔ-n gɔrɔ.

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Rɔmu minin 14:16

Màn mɛn bɛ́ siĩni n yɔrɔ-a, bɛ baran zii kɔ min kɔsɔn la, ǹ boo baraa da wa.

Kolɔɔsi minin 4:5

Ka tɔ wɔ ka sii-doɛ̃ nɛ, Lawa-nyankɔle baãnaan wɔ a paǹ li. Ka dɔ biikoo sonbore gogoonmaa ganaa.

Tesaloniki1 4:12

Ka zɛnaa miɛ̃ màn mɛn bɛ́ toɛ, min mɛnɛn bɛ́ ǹ ba Lawa-nyankoe wa, kaa tɔ wɔ ǹ gɔn kɔɔ̃n kɔ bɛn ganaa, ka baran goã guĩ lɛa min kɔ́n dɔ mìi-n wa.

Tesaloniki1 5:15

Ka yiri bɔ, min kɔ́n baran sii baraa saraa ka sii baraa-n wa. Ka n doa ka sii bǐɛ̃ zɛnaa kɔn nɛ biikoo tumaa li, ka zɛnaa min tumaa dɔ nɛ.

Tesaloniki1 5:22

Ka n bɔ sii baraa tɔrɔ tumaa nɛ.

Timote1 5:14

Bɛ lɛ-n ma á giɛ li, máa lɔ giɔɔrɔ tenən nə wusoo ǹ wɔ giĩ li, ǹ nɛnyaanan yɛ, ǹ ga ǹ dinin kion walan, màn mɛn bɛ́ toɛ, wɔa zɔ́ɔn baran wɔ tɔ ziziɛ̃ wa.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Piɛrɛ1 3:16

Sɛnɛ, ka bɛ zɛnaa ka foo-basiɛ̃ nɛ, ka min kɔsɔ guguru kɔ nɛ. Ka baran toa ka foo ka zɛ̀rɛ baa ka sii kɔ́n nɛ wa, màn mɛn bɛ́ toɛ, ta maǹ ka tɔ ziziɛ̃ ka sii kɔ́n nɛ, min mɛnɛn dinin bɛ́ boo baraa diɛ ka ganaa, kaa tɔ wɔ ǹ gɔn sonbore kɛ a lɛa kun ka Krita nɛ, sìi wusoo a bɛn kũ.

Piɛrɛ1 3:9

Bɛ̀ min sii baraa zɛnaa ka nɛ ka baran a dòo saraa ka baraa-n wa. Bɛ̀ min sɔ kɔ ka ganaa, ka baran a dòo saraa ka sɔ-n wa. Sɛnɛ, Lawa na á ka bíi, mà ka Lawa bǐɛ̃ bíi ǹ li, bɛ kio kəni, a din tá re bǐɛ̃ zɛnɛɛ ka nɛ.

Uruti 3:14

Á waa tán Boazi gòãn wɔlɔ li yǎa lɛ̀ waa. Sɛnɛ, á yoo baayɛlɛ yiisoone bɛ̀ yii ba min doɛ̃ wa. A giala, Boazi na á goã pii, mà a siĩni, min dɔ̃ mà lɔ kɛ daa ɔrzi duwəə ǹ bǎã lɛ-n wa.

Samayeli1 26:11

Dɛnaa Lawa min mɛn bɔ á koa, Dɛnaa Lawa die a ma kanbaa bɛa dɛ ganaa! Sɛmiɛ̃ mɛn bɛ́ a mìi wɔlɔ li, bɛ laanka mu tɔn lɛ sɛ saa, wɔ n tan.»