Rɔmu minin 12:16 - LAWA A BOO SONBORE

¹⁶ Ka toa ka kɔn wɔ ma doɛ̃, ka bɔlɔ goã goon. Ka baran n taasɛ din gole kɔ ǹ siin ganaa wa, ka lɛ kɔ din boɛɛn kɔ ǹ dín ganaa. Ka baran ga ka dinin ganaa màn-dɔ̃lin lɛa wa.

LAWA A BOO SONBORE 2011

¹⁶ Ka toa ka kɔn wɔ ma doɛ̃, ka bɔlɔ goã goon. Ka baran n taasɛ din gole kɔ ǹ siin ganaa wa, ka lɛ kɔ din boɛɛn kɔ ǹ dín ganaa. Ka baran ga ka dinin ganaa màn-dɔ̃lin lɛa wa.

Rɔmu minin 12:16 ပူးပေါင်းရင်းမြစ်များ

KZS2 30:12

Zudaa gána dɔ nɛ, Lawa sii zɛnaa a minin manɛ. Bɛ lɛ nɛ, ǹ nə́ lɛ kɔ, ǹ nə́ kii laanka a zaman nyɛɛnaandɛnan da ǹ boo kɛ sii bǎã goon ne, Dɛnaa Lawa nə ǹ mɛnɛn lɛn kɔ ǹ la.

Zɔbu 36:5

Lawa n Pàãyiidɛnaa lɛa, a ba n la boe min kɔn ganaa wa! Pàã na a lon, bɛ̀ á golee sii mɛn li bɛ a sàabiɛ wa.

Suusun 17:5

Min mɛn bɛ́ yaa we doobaa ganaa, a n sɔ koe ǹ zɛnaali ganaa. Min mɛn bɛ́ n nyɛnyɛɛ ka ǹ miãn koe ne, dɔlɔ á re n boe ǹ dɛnaa ganaa.

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Suusun 19:22

N bɛ́ zoɛ̃ li mà n min goã ka yɔrɔ mɛn nɛ, bɛ n ka sonborebaa nɛ. Doobaa á soɛ soɛ-bɔli ni.

Suusun 19:7

Doobaa tìĩ n boe ne ǹ dɔɔ̃nɔn nyin ni. A giaáran manə n nyɛnɛɛ nɛ a la a lɛlɛ ǹ nɛ. Bɛ̀ á zoɛ̃ mà a boo da ǹ nɛ, a ba ǹ yii wa.

Suusun 26:12

Bɛ̀ min tá n din biɛ yiridɛnaa lɛa, a dɔ̃ mà baãnaa á soɛ bɛa dɛnaa nɛ.

Suusun 26:5

Baãnaa lɛ si a kɔnpɛ a baãnaabaa nɛ. Bɛ bie wa, a n taasɛ mà asɛ n sii-dɔ̃li lɛa.

Suusun 3:7

N nyan taasɛ mà nsɛ n yiridɛnaa lɛa wa. Sɛnɛ, nyɛ́ɛ baa Dɛnaa Lawa yii ni, n nə n wɔlɔ lui sii baraa ganaa.

Izayii 5:21

Kaa wɔ n ka bɔ̀n nɛ, kasɛn kɛn ka dinin biɛ sii-dɔ̃lin lɛa, ka n ka dinin biɛ yiridɛnan lɛa!

Zeremii 32:39

Ma á re ǹ taasiɛ biɛ goon, ka sii zɛnaa ǹ gɔn goon ne, màn mɛn bɛ́ toɛ, ǹ nyɛ́ɛ baa ma yii ni yǎa duduu. Ka bɛ-n kəni, ǹ tá re yii-nyɛɛ yii, ǹ dinin ni ka ǹ nɛnyaanan dɔn nɛ ǹ kio.

Zeremii 45:5

Sɛnɛ nsɛ n nɔ̀n diɛ sii dadaran li n din wɔ lɛa! N nyan màn kɔn nyankɔ wa. Á ke, man koe boe màn yiikoonaa tumaa ganaa, Dɛnaa Lawa a da ǹ boo ne. Sɛnɛ nsɛ, n bɛ́ re màn mɛn yii, bɛ á ke: N bɛ́ re woe bǎã woo bǎã nɛ, n yii á re goɛ̃ koo.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 26:11

A giala, doobaan tá kun ka nɛ biikoo tumaa li, sɛnɛ, ka a re masɛ yii kun ka nɛ biikoo tumaa li wa.

Luku 14:13

Bɛ̀ ń minin bíi zɔ́n màn-bii ganaa, lɛ dia doobaan la ka bɔlɔkan nɛ ka siməə wolen ne ka yii tere-an nɛ.

Luku 6:20

Yezu nə́ n yii saa lon á doa a kialandɛnan lɛn la, á pɛ ǹ nɛ: «Kasɛn mɛnɛn bɛ́ doobaan lɛa, Lawa á re barka diɛ ka ganaa, a giala *Lawa a kiibaa lɛ n ka dinin wɔ lɛa.

Nya ǹ dín 4:32

Minbuiin gigiã mɛn din tumaa golee Lawa li, bɛn gɔ́ɔ̃n laanka ǹ taasiɛn man nə́ goã goon, ǹ kɔ́n dɔ goã giɛ a din gɔn màn kɔn-a a din wɔ lɛa wa, sɛnɛ, ǹ tumaa na á goã ǹ gɔn màn yii kiɛ kun.

Rɔmu minin 11:20

Sonbore ne. Maǹ nə́ ǹ kuru a giala, ǹ golee Lawa li wa. Nsɛ dɔ n doa nɛ, golee Lawa li barka nɛ. N baran toa din gole kɔ wɔ n foo-n wa. Sɛnɛ, nyɛ́ɛ baa Lawa nɛ.

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Rɔmu minin 12:3

Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Rɔmu minin 15:5

Lawa n foo tãbaa laanka sii simaa koe. Bɛa Lawa lɛ nə n dɔ ka lɛ, ka lɛ boo la a goã kun, ka Yezu Krita bɛ́ giɛ li lɔn.

Rɔmu minin 6:2

Haayii dɛ! Wɔsɛn man goon kanna ka geren ne, sii baraa wɔ a paǹ li. Wàa n die toɛ wɔ sii baraa zɛnaa doo?

Korɛnti1 1:10

Ma dɔɔ̃nɔn lɛn, man ka nyankoe, ka wɔa Dɛnaa Yezu Krita tɔ nɛ, máa ka kɔn ma, ka nyan toa tatala kɔn yɛ ka bii wa. Ka toa ka goã doa-n kɔn ka taasiɛ goon ne, ka yiri goon ne.

Korɛnti1 3:18

Ka nyan ka dinin yiri sã wa. Bɛ̀ min tá ka bii á n taasɛ, ka kanaa minin kɛn wɔ bɛ́ lɔn, mà asɛ n sii-dɔ̃li lɛa, ǹ dɛnaa nə n din baa gàãnaa lɛa bɔrɔ, a tɔn sii-doɛ̃ taãn yɛ.

Korɛnti1 4:10

Wɔsɛn man gàãnaan lɛa Krita a lɛa; kasɛn man sii-dɔ̃lin lɛa, kaa tá kun ka Krita-n gɔ́ɔ̃ nɛ. Wɔsɛn man pàãwɛɛnaan lɛa, kasɛn man pàãdɛnan lɛa. Wɔsɛn man màn kooron lɛa, maǹ kasɛn guguru koe!

Korɛnti1 6:5

Man kɛ pii ma á sìi diɛ ka ganaa. A bɛ́ miɛ̃ min kɔ́n na a ba kasɛn bii sii-dɔ̃li lɛa, a n boe la á siin yɔrɔ boe dɔɔ̃nɔn bii ni wa!

Korɛnti1 8:2

Bɛ̀ min taasɛ a yiri ni, mà asɛ á màn kɛ doɛ̃, a tɔn bɛa màn lɛ dɔ̃, ka a bɛ́ kɔnboe a dɔ̃ lɔn wa.

Korɛnti2 13:11

Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Filipi minin 3:16

Ta á n baa lɔn, ka daa wɔ n ta nyɛɛnɛ, a kɔnpɛ ka wɔ bɛ́ wɔ́ kɔ zii mɛn lɛ, á dɔ pelo ǹ ganaa.

Filipi minin 4:2

Nsɛ Evoodii laanka Sintisi ni, man ka nyankoe, man ka gòã kuĩ, máa kaa tá kun ka Dɛnaa-n kɛ gɔ́ɔ̃ nɛ, ka n doa ka kɔn ma.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Piɛrɛ1 5:3

Lawa min mɛnɛn kɔ ka la mà ka ǹ nyɛɛnaan bɔ, ka baran pàã nyaa bɛn man wa, sɛnɛ, ka n baa tɔ wɔ ǹ gɔn sonbore nyaa ǹ minin lɛa zaman lɛ nyɛɛnɛ.

Zaã3 1:9

Má boo boɛɛn kiɛ̃ má dia kaa Lawa a sɔmɔ la. Sɛnɛ, Diotrɛfu mɛn bɛ́ zoɛ̃ ǹ kiibaa li, bɛ nə́ n piã, ma boo mɛn da, a baa boo lɛa wa.