Rɔmu minin 12:12 - LAWA A BOO SONBORE

¹² Ka n nyɛnyɛɛ kaa foo-doa kɛ a lɛa. Ka n doa ka fuu si ka ganaa. Ka Lawa nyankɔ ka baran nɔmaa wa.

LAWA A BOO SONBORE 2011

¹² Ka n nyɛnyɛɛ kaa foo-doa kɛ a lɛa. Ka n doa ka fuu si ka ganaa. Ka Lawa nyankɔ ka baran nɔmaa wa.

Rɔmu minin 12:12 ပူးပေါင်းရင်းမြစ်များ

Loen 109:4

Masɛ nə́ ǹ kuĩ maa dàãn lɛa, sɛnɛ, ǹsɛn man zɛ̀rɛ koɛ ma ganaa. Ka bɛ yii ni, man Lawa nyankoe ǹ lɛa.

Loen 37:7

Giã kiĩni Dɛnaa Lawa li, n nə n foo doa a ganaa. Min mɛn a sii bɛ́ bǐɛ̃ koe, n foo baran busu li wa. Min mɛn bɛ́ yiri baraa boe a sii zɛnaa gɔ́ɔ̃ nɛ, n foo baran busu bɛ li wa.

Loen 40:1

LOE-saalin goledɛnaa loe mɛn lɔ. Davida a loe n ke.

Loen 62:8

Maa kirisibaa laanka maa guguru-kɔ n doa-n Lawa ganaa. A din nə maa kɔmalɛ wole kaka lɛa, maa duru ǹ bǎã nɛ.

Suusun 10:28

Min mɛn bɛ́ sii sonbore zɛnɛɛ, á re foo kɔɔ̃nbaa yii. Sɛnɛ, min baraan baran n yiri koa màn kɔn ganaa wa.

Suusun 14:32

Min baraa a baraabaa nə n bɔyɛɛ a kirəə a din la. Sɛnɛ, ta gɛ̀ biikoo ne, min pepere foo n doa nɛ.

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Luku 10:20

Ka bɛ din yii ni, ka baran n nyɛnyɛɛ mà nɔ̀ɔnɔn nə́ ka bɔlɔ si wa, ka n nyɛnyɛɛ ka tɔ a kiɛ̃ sɛ́wɔ nɛ Lawa li kɛ a lɛa.»

Luku 21:19

Ka n wen yii, bɛ á re toɛ ka nyin nyabaã yɛ.

Luku 8:15

Màn tɔrɔ mɛn bɛ́ á mɛnaa tán sonbore bǎã nɛ, bɛ n kɔnboe ka min mɛnɛn bɛ́ n too koe boo lɛ-a, ǹ si, ǹ kũ foo sonbore laanka a telee wole ne. Bɛa dɛnan lɛn man goɛ̃ bɔlɔgoondɛnaabaa la, yǎa ǹ nɛ koe.»

Nya ǹ dín 1:14

Lɔn kɔnɔn dɔn nə́ goã kunun ǹ ni, Yezu din a náa Mariya nɛ ka Yezu ǹ dɔɔ̃nɔn nɛ. Ǹ tumaa na á goã bɛ̀ ǹ nə n lɛ kaa kun, ǹ Lawa nyankɔ.

Nya ǹ dín 12:5

Piɛrɛ bɛ́ kòso-n, Lawa a sɔmɔ minin kɛn man nə́ goã Lawa nyankoe a lɛa parsiini.

Nya ǹ dín 2:42

Bɛa minin kɛn lɛn man nə́ goã woe dia dí-a wolen minin daraa ǹ bǎã-n kun, ǹ nə́ goã dɔɔ̃nbaa ǹ kɔn-narɛɛ we, ǹ nə́ goã màn bii ǹ nə́ Lawa nyankoe kun.

Nya ǹ dín 6:4

Wɔsɛn dininmaan kɛn tá re woe nyɛɛnɛ, wɔ n dinin kɔ Lawa nyankɔ la, ka Lawa a boo pɛ kɛ a dí ni.»

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Rɔmu minin 15:4

A da yaa, màn mɛn yii nə n kiɛ̃ lɛlɛ, bɛ na á n kiɛ̃ wɔa yiri kɔmala a lɛa, màn mɛn bɛ́ toɛ, Lawa a boo lɛ wɔ foo taã, a sii simaa kɔ wɔ la, wɔ foo boo la a goã doa nɛ.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Rɔmu minin 8:25

Sɛnɛ, wɔ yii bɛ́ a ba màn mɛn-a wa, wɔ foo n doa-n bɛ lɛ ganaa, wɔ nə́ n yii diɛ la ka sii simaa nɛ.

Korɛnti1 13:13

Kanna kəni, sii sɔɔ kɛ na a tan, goleemali ni, foo-doa nɛ, kɔn-narɛɛ nɛ, sɛnɛ, kɔn-narɛɛ n gole ǹ tumaa nɛ.

Korɛnti2 12:8

Ma gunyin sɔɔ n Dɛnaa nyankoe, máa a bɛa busu lɛ saa a bɔ ma la.

Filipi minin 3:1

Kanna kəni, ma dɔɔ̃nɔn lɛn, ka n nyɛnyaa Dɛnaa wɔ gɔ́ɔ̃ nɛ. Bɛ̀ ma boo da ka nɛ, má n wusii timii la, a kaka ma ganaa wa, á soɛ kasɛn dɔn wɔ paǹ li.

Filipi minin 4:4

Ka n nyɛnyaa kaa tá kun ka Dɛnaa-n kɛ gɔ́ɔ̃-n baraabaraa! Man wusii pii, máa ka n nyɛnyaa!

Kolɔɔsi minin 1:11

Lawa die a toa ka pàã gole kɔ, ká a din a boo sii la laanka a din a Lawabaa ǹ pàãdɛnaabaa kɛ barka nɛ, màn mɛn bɛ́ toɛ, ka sii si ma-a laanka gɔ̀lɔ̀baa yɛ fuu tumaa gɔ́ɔ̃ nɛ,

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Kolɔɔsi minin 4:12

Epafrasi mɛn bɛ́ á bɔ ka dinin li, bɛ dɔ á fòo diɛ ka nɛ. A n Yezu Krita a bɛ̀rɛ lɛa; biikoo tumaa li, a n yɔ boe kaa lɛa ka Lawa-nyankɔ nɛ, màn mɛn bɛ́ toɛ, ka goã doa nɛ, kaa sii yii lɛ n piɛ̃ nɛ, ka n golee-n Lawa dùũ li, ka n koe lɛ.

Kolɔɔsi minin 4:2

Ka n doa Lawa-nyankɔ ganaa, ka n yii dɔraa bɛ gɔ́ɔ̃ nɛ, bɛ̀ ka n barka diɛ Lawa nɛ.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Tesaloniki1 5:8

Sɛnɛ, wɔsɛn mɛnɛn bɛ́ tɔ we penleen ne, wɔ toa wɔ yii goã kɔɔ̃nɛ. Golee Lawa li laanka kɔn-narɛɛ doamaa nɛ a goã wɔ lon, bɛ wɔ tamaa ka zia-baali a dɔnkɛ bɛ́ tamaɛ lɔn; foo-doa mɛn bɛ́ wɔ lon wáa wɔ á die kirisibaa yii, bɛ dɔ́ goã wɔ lon ka zia-baali a bafolo bɛ́ goɛ̃ a mìi-a lɔn.

Tesaloniki2 1:4

Bɛ lɛ na á toa, wɔ dɔn tá wɔ dinin laakalɛɛ kaa lɛa Lawa a sɔmɔ minin yɔrɔ-a, a giala, ká sii si ka ganaa ká goleemali wɔ, fuu laanka nɔmaa tumaa gɔ́ɔ̃ nɛ.

Tesaloniki2 3:5

Dɛnaa die a Lawa narɛ ǹ foo wɔ ka nɛ, a *Krita a sii simaa kɔ ka la.

Timote1 6:11

Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

Timote2 3:10

Sɛnɛ, ma bɛ́ minin darɛɛ siin mɛnɛn ganaa, nsɛ Timote á bɛn doɛ̃. Maa tɔ wɔ ǹ gɔn nɛ, ka ma sii mɛn koa ma yɔrɔ-a, n tá bɛ dɔ doɛ̃. N maa goleemali boo ma, maa foo-kuĩ ni, ka maa kɔn-narɛɛ laanka maa sii simaa nɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Tiitii 3:7

Bɛ na á n zɛnaa, màn mɛn bɛ́ toɛ, a bǐɛ̃ kɛ wɔ baa min peperen lɛa a din yɔrɔ-a. Wɔ bɛ́ n yiri koɛ nyin-nyabaã wole mɛn ganaa, wɔ boo la wɔ bɛ yɛ.

Ebrəə 10:32

Ka n yiri gisĩ kaa giala-kɔ nɛ. Bɛa biikoon li, kaa Lawa a wɔlɔ fúlu yɛ lɛ kio, ka fuu gigiã yɛ, ka sii si ka ganaa.

Ebrəə 10:36

Sonbore, ka laadoo tá sii simaa ganaa, ka boo la ka Lawa dùũ lɛ zɛnaa ka a lɛ pã, ka tɔn a lɛ-kɔ ǹ sii lɛ a zɛnaa yɛ.

Ebrəə 12:1

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.

Ebrəə 6:12

Wɔ ba li yoobaa ka kũ wa. Sɛnɛ, min mɛnɛn bɛ́ golee Lawa li, ǹ nə́ sii sii ǹ ganaa, yǎa ǹ Lawa a lɛ-kɔ ǹ mànan kɛn yii, ka tɔ lɛ wɔ ka bɛn bɛ́ lɔn.

Ebrəə 6:15

Abrahamu bɛ́ á n foo kũ, á sii si a ganaa, á yɛ Lawa ná a lɛ-kɔ ǹ sii lɛ zɛnaa, a ná a lɛ pã.

Zaaki 5:7

Bɛ lɛ taman yii, ma dɔɔ̃nɔn lɛn, ka si ka ganaa yǎa Dɛnaa a daa pinaa. Ka ga buu-kɔsɔli ganaa. A màn tɔrɔ mɛn da tán, a nə n yii diɛ bɛ la yǎa a miɛ sɔnbɔraanɛ. Bɛ gɔ́ɔ̃ nɛ, a n sii sii a ganaa, yǎa la bibinaa laanka a nyɔɔbaa nə kiɛ.

Piɛrɛ1 4:13

Sɛnɛ, ka n nyɛnyɛɛ kaa fuu yɛ kun Krita-n kɛ lɛ a lɛa, màn mɛn bɛ́ toɛ, ka foo dɔ kɔɔ̃n kɔ parsiini a din a da ka gugurubaa-n kɛ a pinaa.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Piɛrɛ2 1:6

Ka n doa dɔn ka boo ma din la naa doɛ̃ ganaa, ka sii simaa naa boo ma din la ganaa, ka tɔn nyɛ́ɛ baa Lawa-n naa sii simaa kɛ ganaa.

Sii-nyaan 13:10

Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.