Rɔmu minin 12:1 - LAWA A BOO SONBORE

¹ Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

LAWA A BOO SONBORE 2011

¹ Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 12:1 ပူးပေါင်းရင်းမြစ်များ

Loen 116:12

Dɛnaa Lawa bǐɛ̃ mɛn tumaa zɛnaa masɛ nɛ, man boe la ma saraa ka wàa nɛ?

Loen 19:14

Ka bɛ dɔ nɛ, ma kanbaa din gole-kɔlen kɛn ganaa, n nyan toa ǹ boo ma la wa. Bɛ lɛ n die toɛ maa sii lɛ pã, bɛ lɛ n die ma kanbiɛ sii baraa gole ganaa.

Izayii 56:7

ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Zeremii 6:20

Ka bɛ́ boe da yon gìĩ kɔɔ̃n nɛ Sabaa ka n die ne, ka gána sɔsɔɔ buu gìĩ kɔɔ̃n kɛ nɛ masɛ wɔ lɛa, bɛ là n ka wàa-n kəni? Kaa *wúlu màn tiɛ̃n kɛn, ma ba ǹ li wa. Kaa wúlu mànan kɛn ba kɔɔ̃n ma ganaa wa.

Ozee 14:2

Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.

Luku 7:47

Yezu pɛ Simɔn nɛ: Bɛ̀ masɛ pɛ mà lɔ kɛ lɛ a sii baraa gigiã kɛ nə́ n toa nɛ, a giala n ka kɛ nɛ, mà á kɔn-narɛɛ gole nyaa. Bɛ̀ sii baraa boɛɛn nə́ n toa min mɛn nɛ, bɛa dɛnaa n kɔn-narɛɛ boɛɛn nyɛɛ.»

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Rɔmu minin 15:30

Sɛnɛ, sii goon nə́ ke, má n die a nyankoe ka la taãn-taãnɛ, dɔɔ̃nɔn lɛn. Wɔa Dɛnaa Yezu Krita lɛ tɔ ganaa, ka kɔn-narɛɛ tɔ nɛ, Yiri Fu bɛ́ kɔn-narɛɛ mɛn koe, ka n doa parsiini ka Lawa nyankɔ maa lɛa. Ka Lawa nyankɔ kun ma nɛ,

Rɔmu minin 2:4

Lawa bɛ́ a ba dɔlɔ boe ka ganaa fufuu wa, á n kaa sii sii a ganaa, bɛ lɛ nɛ, n tá a bǐɛ̃baa gole kɛ puusə koe? N ba doɛ̃ mà Lawa a bǐɛ̃baa kɛ lɛ nə n nyanɛɛ, mà n wusoo n sii baraan kio wa?

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Rɔmu minin 6:16

Táa ka á doɛ̃, mà bɛ̀ ǹ nə́ min kɔ bɛ̀rɛ lɛa min kɔsɔ la, mà ǹ dɛnaa n bɛa min kɛ lɛ bɔlɔ sii, a na a bɛ̀rɛ baa. Bɛ̀ ka á sii baraa zɛnɛɛ, ka ǹ sii baraa a bɛ̀rɛn lɛa, á n woe ka kiɛ gɛ̀ nɛ. Bɛ̀ ka á Lawa bɔlɔ sii, ka ǹ bɔlɔ-sii a bɛ̀rɛn lɛa, bɛ n ka bii kɔɔ̃n koe kɔn ka Lawa nɛ.

Rɔmu minin 6:19

Man má bɛ̀rɛbaa saa sii a kɔnboe lɛa, má nyaa ka nɛ, màn mɛn bɛ́ toɛ, ka boo la ka a giala ma. Gɔgɔrɛbaa laanka kɔkɔrɔbaa mɛn bɛ́ min diɛ Lawa bɔlɔ tii ganaa a wo-n nyɛɛnɛ, táa ka n ká ǹ dinin kɔ bɛn la lɛlɛ, ka ǹ bɛ̀rɛn baa. Sisia, bɛa yɔrɔ kɛ lɛ la, Lawa dùũ siin mɛnɛn zɛnaa bɛ́ min *yoreen koe, ka doamaa nɛ ka ka dinin kɔ bɛn la, ka ǹ dɔn bɛ̀rɛn baa.

Rɔmu minin 9:23

Min kɔsɔn dɔn tan, Lawa n die makara boe bɛn ganaa. Bɛn laan mà maǹ yii kanaa dinin, bɛ̀ Lawa ná a yɔrɔ bɔ, mà ǹ tá re ǹ wɔ gii yii a din a gugurubaa kɛ nɛ. Lawa n die a din a gugurubaa kɛ a golebaa nyɛɛ wɔ dinin lɛn manɛ.

Korɛnti1 1:10

Ma dɔɔ̃nɔn lɛn, man ka nyankoe, ka wɔa Dɛnaa Yezu Krita tɔ nɛ, máa ka kɔn ma, ka nyan toa tatala kɔn yɛ ka bii wa. Ka toa ka goã doa-n kɔn ka taasiɛ goon ne, ka yiri goon ne.

Korɛnti2 10:1

Masɛ Pooli dinmaa n kɛ pii ka nɛ, masɛ mɛn bɛ́, ǹ nə pii mà bɛ̀ ma á ka li, mà man min basiɛ̃ lɛa, sɛnɛ, mà bɛ̀ ma a ka li wa, mà man kakaarɛ ka ganaa. Man ka nyankoe ka *Krita a foo basiɛ̃ laanka a sonborebaa nɛ.

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Korɛnti2 4:16

Bɛ lɛ n toɛ, maa foo tãbaa a nyɛɛ pin kɔ́n-a wa. Haalɛ ta ma gɔ̀nɔn siĩ n ziziɛ̃ boɛboɛ woe, ma telenboen nə màn dii biɛ lɛawaa gogoonmaa li.

Korɛnti2 5:20

Man boo kɛ diɛ ka nɛ Krita bǎã nɛ, ka n pɛ mà Lawa dinmaa lɛ lɛ n boe ka bíi ka masɛ lɛ nɛ: Man ka gòã kuĩ ka Krita tɔ nɛ, ka lɛ kɔ ka n dinin kaa kun ka Lawa nɛ.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Efɛɛzi minin 5:10

Sii mɛn bɛ́ kiɛ Dɛnaa foo la, ka n doa ka bɛ dɔ̃.

Timəə dí-pɛn 14:2

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Filipi minin 1:20

Sonbore, masɛ gɔ́ɔ̃ nɛ, ma yiri na a ganaa, máa ma nyan sii kɔ́n zɛnaa a n sìi diɛ ma din ganaa ka duduu wa. Man giɛ li, máa ma goã piɛ̃-n ka foo tãbaa-n baraanɛ, sanparɛ sisia kɛ nɛ, ta man liɛ, ta man giɛ̃, Krita a gugurubaa yɛ maa minbuiinbaa tumu gɔ́ɔ̃ nɛ.

Filipi minin 2:17

Bɛ̀ a n doa wa, bɛ̀ má gɛ̀-wɔle baa, ma mà á re goɛ̃ kun ka kaa *wúlu màn kɛ nɛ, ka n koe Lawa la ka goleemali ni. Bɛ̀ bɛ́ taãn baa, ma foo n die kɔɔ̃n koe, ma ka dɔn tumaa gii da maa foo kɔɔ̃n kɔ kɛ nɛ.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki1 4:10

Bɛ lɛ n ke ka á zɛnɛɛ dinin, dɔɔ̃nɔn tumaa wɔ a paǹ li, Masedoanɛ gána din tumaa nɛ. Sɛnɛ, wɔ n ka nyankoe doo dɔɔ̃nɔn lɛn, wáa ka n doa ka wusoo ka màn da li.

Tesaloniki1 5:12

Dɔɔ̃nɔn lɛn, min mɛnɛn bɛ́ dí nyɛɛ ka bii, wɔ ǹ ka nyankoe wáa ka ǹ guguru kɔ. Dɛnaa na á bɛn lɛn koa mà ǹ ka nyɛɛnaan bɔ, ǹ ka doroo.

Timote1 2:3

Màn mɛn bɛ́ siĩni, wɔ Kirisibaali Lawa yɔrɔ-a, á n kɔɔ̃n a ganaa, a din lɛ n ka bɛ nɛ.

Timote1 5:4

Sɛnɛ, bɛ̀ nɛnyaanan tá lɔ giɔɔrɔ mɛn lon, hinlaa ta a nɔ̀ɔnɔn manɛ, bɛn lɛn doamaa nɛ, ǹ nə ǹ kɔ Lawa a zii lɛ nyaa ǹ dinin kion minin man bɔrɔ, ǹ nə ǹ yɛ-wolen gɔn dòo saraa ǹ la. Màn mɛn bɛ́ kɔɔ̃n Lawa ganaa, a din lɛ n ka bɛ nɛ.

Filemɔn 1:10

ma nə n nyankoe Onezimu wɔ gɔn la. Onezimu mɛn bɛ́, ma bɛ́ kòso-n kànaa, má Lawa a boo pɛ nɛ, á si á golee Lawa li, á n ka maa nɛ bɛ́ lɔn sisia.

Filemɔn 1:9

Sɛnɛ, ma a re zɛnɛɛ miɛ̃ wa, màn mɛn bɛ́ soɛ, man die n nyankoe ka sii goon ne, wɔ bii gɔ́ɔ̃ ǹ kɔn-narɛɛ kɛ a lɛa. Masɛ Pooli nə n nyankoe, masɛ mɛn bɛ́ giĩ gole lɛa, ka bɛ dɔ nɛ, man kòso-n sisia Yezu Krita a lɛa,

Ebrəə 13:22

Dɔɔ̃nɔn lɛn, man ka nyankoe, ka doroo ǹ boon kɛn si ka ganaa. Kɛ din nə boo nɛ paa kooro lɛa ma á diɛ ka la.

Piɛrɛ1 2:20

Sonbore, bɛ̀ min sii la, a ná a fuu yii, ta á bɛa fuu lɛ si a ganaa, là goon ba a-n wa. Sɛnɛ, bǐɛ̃ zɛnaa kio, bɛ̀ n tá fuu yii, n nə́ sii n ganaa, bɛ lɛ n bǐɛ̃ lɛa Lawa yii li.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.