Rɔmu minin 11:36 - LAWA A BOO SONBORE

³⁶ A giala, màn tumaa n boe a din ni, a tumaa na a tan a din barka nɛ, a tumaa na a tan a din a lɛa. Lawa die a goã guguru miɛ̃ yǎa duduu. A n miɛ̃!

LAWA A BOO SONBORE 2011

³⁶ A giala, màn tumaa n boe a din ni, a tumaa na a tan a din barka nɛ, a tumaa na a tan a din a lɛa. Lawa die a goã guguru miɛ̃ yǎa duduu. A n miɛ̃!

Rɔmu minin 11:36 ပူးပေါင်းရင်းမြစ်များ

Loen 115:1

A ba wɔsɛn wɔ lɛa wa, Dɛnaa Lawa, gugurubaa ba wɔsɛn wɔ lɛa wa. Sɛnɛ, n kɔn-narɛɛ gole kɛa lɛa, n bǐɛ̃ duduu kɛ dɔ a lɛa, gugurubaa da n din tɔ la.

Loen 33:6

Dɛnaa Lawa na á lon zɛnaa ka a din a boo ne, a na á lon màn tumaa zɛnaa, ka a din lɛ gɔ́ɔ̃ ǹ piɛ̃ nɛ.

Suusun 16:4

Mìi n Dɛnaa Lawa a sii zɛnaa tumaa la ka te. A na á min baraan dɔn zɛnaa koe pinaa taman yii.

Izayii 42:12

Dɛnaa Lawa tɔ nə n bɔ, mu gánan mɛnɛn da bii, bɛn na a tɔ bɔ ka lɛn gole ne.

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Luku 19:38

Maǹ nə́ goã pii kɛnɛn: «Kii ke die ka Dɛnaa tɔ nɛ, Lawa barka wɔ bɛ nɛ! Là nyantoro tá lon, gugurubaa goã lon a Lawa gole wɔ lɛa!»

Luku 2:14

«Lon màn tumaa Lawa guguru kɔ! A na a là nyantoro koe kanaa minin la, a giala, a tá ǹ narɛ.»

Nya ǹ dín 17:28

a giala «Wɔa minbuiinbaa nɛ, ka wɔa yiikoonaabaa nɛ, ka wɔa bìn diɛ n boe a din ni.» Ka ka dinin loe-lɔle kɔsɔ dɔ bɛ́ á pɛ lɔn: «Wɔ na a din tɔrɔ lɛa.»

Rɔmu minin 16:27

Lawa goon toto mɛn dinsɔɔ̃ bɛ́ sii-dɔ̃li lɛa, gugurubaa n bɛ wɔ lɛa yǎa duuduu! A n miɛ̃.

Korɛnti1 11:12

A giala, ta maǹ nə́ lɔ bɔ giĩ ni ǹ nə́ zɛnaa, giĩ dɔ n yii lɔ la, sɛnɛ, ǹ tumaa n boe Lawa li.

Korɛnti1 8:6

Sɛnɛ, wɔsɛn yii li, Lawa n goon toto, a n Díi lɛa, màn tumaa zɛnaali lɛa, wɔa tá kanaa na a din wɔ lɛa. A din yii goon ne, Dɛnaa dɔ n goon toto, Yezu *Krita nɛ. Màn tumaa na a tan a din pàã ganaa, wɔ n kanaa a din pàã ganaa.

Galaasi minin 1:5

Tɔ golebaa die a goã a din wɔ lɛa yǎa duduu. A n miɛ̃.

Efɛɛzi minin 3:21

Gugurubaa die a goã bɛa Lawa kɛ lɛ wɔ lɛa, a din a sɔmɔ gɔ́ɔ̃ nɛ Yezu Krita pàã ganaa, baraabaraa yǎa duduu. A n miɛ̃.

Filipi minin 4:20

Tɔ golebaa die a goã wɔ Di Lawa wɔ lɛa yǎa duduu. A n miɛ̃.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Timote2 4:18

Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.

Piɛrɛ1 4:11

Bɛ̀ ka mɛn nə boo-laakalaali lɛa, ǹ dɛnaa toa a Lawa a boo kɛ laakalaa. Bɛ̀ min mɛn dɔ n dí yɔrɔ boe, a toa a zɛnaa ka pàã kɛ nɛ Lawa n koe la. A n zɛnaa miɛ̃, màn mɛn bɛ́ toɛ, sii din tumaa gɔ́ɔ̃ nɛ, tɔ-bɔ goã Lawa nɛ ka Yezu Krita barka nɛ. Gugurubaa laanka mìinaabaa n bɛa Lawa lɛ wɔ lɛa yǎa duduu. A n miɛ̃!

Piɛrɛ1 5:11

Mìinaabaa na a din wɔ lɛa yǎa duduu. A n miɛ̃!

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 19:1

Bɛ kio, má ma, ka min gigiã lɛn nə boe lon, ǹ nə́ pii: «Aleluya! Lawa tɔ bɔ! Gɔ̀lɔ̀baa nɛ, ka gugurubaa nɛ, ka pàãyiidɛnaabaa nɛ, bɛn man wɔa Lawa wɔ lɛa.

Sii-nyaan 21:6

Á tɔ́n pɛ doo kəni: «Màn tumaa nə́ n zɛnaa. Masɛ din nə bibinaa lɛa, masɛ din nə giala-nyɔmɔɔ dɔ lɛa, giala-kɔ nɛ ká a nya ǹ bǎã nɛ. Bɛ̀ mu boro tá min mɛn ganaa, mu mɛn bɛ́ yiikoonaabaa ǹ mu yala-n, masɛ á re bɛ koe la a mi kooro.

Sii-nyaan 7:10

Maǹ nə n lɛn siɛ lon ǹ nə́ pii: «Wɔa Lawa mɛn bɛ́ giã-n kii dankan nɛ, ka Sère Nɛ kɛ nɛ, gɔ̀lɔ̀baa n bɛn wɔ lɛa.»

Sii-nyaan 7:12

Ǹ nə́ goã pii: «Taarɛ! A n miɛ̃! Tɔ-bɔ nɛ, ka guguru-kɔ nɛ, sii-doɛ̃ nɛ, ka bǐɛ̃-doɛ̃ nɛ, tɔ gole kɔ nɛ, pàãdɛnaabaa nɛ, ka kakabaa nɛ, bɛn man wɔa Lawa wɔn lɛa baraabaraa yǎa duduu! A n miɛ̃.»