Rɔmu minin 11:14 - LAWA A BOO SONBORE

¹⁴ ta bɛ á re ma din tɔrɔ minin Zuifun kɛn lɛn foo busi, a gialakunun kirisibaa ǹ gòã baa.

LAWA A BOO SONBORE 2011

¹⁴ ta bɛ á re ma din tɔrɔ minin Zuifun kɛn lɛn foo busi, a gialakunun kirisibaa ǹ gòã baa.

Rɔmu minin 11:14 ပူးပေါင်းရင်းမြစ်များ

Siin Giala 29:14

Laban tɔ́n pɛ nɛ: «Ma din a min taãn-taãn nə n nɛ, n laanka masɛ n goon toto.» Zakɔba giã Laban li yǎa mui goon.

Samayeli2 19:12

Ǹ goã boo mɛn pii Izirayeli gána tumaa nɛ, bɛ́ dɔ kii ganaa a piɛ. Bɛ lɛ nɛ, á tɔ́n pɛ wúlu-bɔlen manɛ, Sadɔki laanka Abiataara nɛ mà n wo nɔ̀n da Zudaa min golen lɛn la kɛnɛn: «Wàa na á baa ka dinin tá re wusii ka goã kio ka kii a wusoo a da-piɛ sii yɔrɔ bɔ nɛ?

Rɔmu minin 10:19

Man nɔ̀n diɛ dɔn: Izirayeli minin manə ǹ bɛ giala ma wa? Muizu pɛ dinin gɔrɔ: «Tɔrɔ mɛn bɛ́ a tɔrɔ lɛa wa, ma dɔ n die ka dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ka foo yui ka bɛ nɛ.»

Rɔmu minin 11:11

Man nɔ̀n diɛ kəni: Zuifun sã lɛ na á ǹ papaã baa duduu ya? Haayii dɛ! Sɛnɛ, ǹ sã lɛ a lɛa nɛ, kirisibaa mɛn bɛ́ ǹ wɔ lɛa, tɔrɔ kɔsɔn kɛn nə́ bɛ yɛ, màn mɛn bɛ́ toɛ, Zuifun foo wuu pɛ ǹ li.

Rɔmu minin 9:3

ma dɔɔ̃nɔn lɛa, ma din tɔrɔ minin kɛn. Á kɔɔ̃n ma ganaa Lawa ma daa, a ma na dinin, a ma bɔ Krita ganaa ǹsɛn lɛa.

Korɛnti1 1:21

Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Korɛnti1 10:33

Ka zɛnaa ka masɛ bɛ́ lɔn: ma nə n doɛ, máa ma min tumaa foo kɔɔ̃n kɔ ka sii tumaa nɛ. Ma bie giɛ li mà ma din laadoon nə bǐɛ̃ kɔ wa, sɛnɛ, man giɛ min tumaa a bǐɛ̃ kɔ li, ń giɛ ǹ tá kirisibiɛ.

Korɛnti1 7:16

Nsɛ Lawa-nyankɔle lɔ dɛnaa lɛ, ma n siɛ lɔn n tɔn dɔ̃, mà n tá re n zuũ kirisibiɛ? Nsɛ Lawa-nyankɔle giĩ dɛnaa lɛ, ma n siɛ lɔn n tɔn dɔ̃, mà n tá re n lɔ kirisibiɛ?

Timote1 1:15

Kɛ n boo taãn lɛa, min tumaa doamaa nɛ a si, a waa la mà Yezu Krita na á daa kanaa, màn mɛn bɛ́ toɛ, a sii baraa-zɛnaalin kirisibaa, sanparɛ masɛ mɛn wɔ bɛ́ á là da.

Timote1 2:4

Asɛ lɛ n giɛ li, mà minbuiin din tumaa kirisibaa, ǹ boo la ǹ sonbore dɔ̃.

Timote1 4:16

N yiri kɔ n din laanka n minin daraa li. Sii si n ganaa a gɔ́ɔ̃ nɛ. Bɛ̀ n zɛnaa miɛ̃, n tá re n dinmaa kirisibiɛ. Min mɛnɛn dɔn bɛ́ n too koe n lon, n tá re bɛn dɔn kirisibiɛ.

Timote2 1:9

Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.

Timote2 2:10

Bɛ lɛ na á toa, Lawa min mɛnɛn bɔ, man sii tumaa sii ma ganaa bɛn lɛn taman yii, màn mɛn bɛ́ toɛ, Yezu Krita bɛ́ kirisibaa mɛn koe, ǹ dɔn nə bɛ lɛ yɛ, ǹ gugurubaa nyabaã wole dɔ yɛ bɛ lɛ gɔ́ɔ̃ nɛ.

Tiitii 3:5

a na á wɔ kirisibaa ka bɛ nɛ. A bie á zɛnaa mà wɔ ǹ wɔ́ dí peperen nya wa, sɛnɛ, a na á zɛnaa a giala, mà wɔ makara na á bɔ a ganaa. Wɔ bɛ́ wɔ́ *batɛmu mɛn yɛ, Lawa a Yiri Fu bɛ́ n toɛ bɛ gɔ́ɔ̃ nɛ, a wusoo a yɛ ka nyin dii-n mɛn kɔ wɔ la, a na á wɔ kirisibaa bɛa lɛa.

Filemɔn 1:12

Man wusii diɛ n la. Onezimu kooro bie ma á diɛ n la wa, sɛnɛ, Onezimu mɛn bɛ́ goon kanna ka ma din gɔ̀nɔn siĩ paǹ kɔ́n nɛ.

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Zaaki 5:20

ka dɔ̃ mà min mɛn bɛ́ á da zii sonbore la, mà bɛa dɛnaa lɛ n toɛ a telenboen tá re kirisibiɛ, sii baraa gigiã dɔ á re n toɛ nɛ.